معاش الشؤون

[corvette_dr]

السلام عليكم
مساء الخير
يا إخواني انا متوظف بالقطاع الخاص وطالب بجامعه الكويت ومتزوج ويمشيلي دعم عماله
وبصراحه الحين اخر سنة لي وصعب علي اشتغل وادرس فقلت بفنش من وظيفتي
انزين الحين شلون تنزلي إعانة الزواج
واحد من ربعي يقولي قدم على الشؤون الرعاية الأسريه يمشون لك 440 دينار
صج هالحجي ؟؟
وانا زوجتي مو كويتيه يعني راح يمشون لي ولا لأ؟؟؟
مع العلم عندي طفل
يا ليت من الإخوان يفيدوني

 

[جرح الورق]

صحيح اخوي

وعليكم السلام

الشؤون تمشي لكل كويتي متزوج من كويتية 540 دينار والاسكان 150 بدل الايجار

المجموع 690 وانا اللي اكلمك تمشيلي هذي الاعانه من الشؤون

ولازم كل 6شهور تجدد بياناتك عشان يتاكدون انك طالب ومازالت المره عندك يعني مو مطلق

 

[corvette_dr]

إنزين اذا زوجتي مو كويتيه تمشيلي؟؟؟

 

[super90]

انزين اخوي جرح الورق اللي عمره 30 يمشوله من الشؤون...؟؟

 

[corvette_dr]

يا شباااب فيدونا الله يرحم والديكم

 

[souod]

حتى لو زوجتك مو كويتيه يمشيلك اذا مر علي زواجك سنه كامله

 

[جرح الورق]

اخواني مالي خبرة بالموضوع قوية

ولكن اللي اعرفه ان الطالب الكويتي المتزوج الشؤون تمشيله 540

وحتى غير الكويتي اظن تمشيله بعد بس مو متاكد

وبامكانكم الاستفسار فالشؤوون

واسال الله ان يوفقكم

 

[Golden8]

يا شباب

الـ 540 يمشونها حق المتزوج اللي معاه شهادة ثانويه ويكمل دراسته

العمر لغاية 26 سنه


يعني 27 ما تمشي له ,,


بالنسبه لجنسبة الزوجه ماا ادري

 

[باحث قانوني]

يا شباب

الـ 540 يمشونها حق المتزوج اللي معاه شهادة ثانويه ويكمل دراسته

العمر لغاية 26 سنه


يعني 27 ما تمشي له ,,


بالنسبه لجنسبة الزوجه ماا ادري

كلامه 100 %
وبنسبه لزوجه ما لهم شغل فيها تجيب ما يثبت انك ما عندك اي عقار وما تملك محل تجاري او رخصه وانك طالب عمرك ماوصل 26 سنه
وسلامتك

 

[السهم المجروح]

شباب اذا واحد متزوج وعنده اطفال ومستقيل من وظيفته ومقدم على الديوان يقدر يقدم على الشئون ؟؟

 

[باحث قانوني]

طالب فقط
او عاجز عن العمل
لانه الشؤون بالاصل اسمها مساعدات
والله اعلم

 

[السهم المجروح]

انزين وعلاوة الاطفال اشلون عليهم
كل طفل كويتي له ٥٠ دينار اذا الاب مو موظف تروح عليهم ؟؟

 

[press]

اللي اعرفه ان اذا كانت الزوجة غير كويتيه
لازم يطوف على الزواج سنه كامله

والأفضل تروح حق وحدة الرعاية الاسرية اللي تابع لها بالمناطق

والله اعلم
والله يوفقك للي فيه الخير

 

[بوسعد@]

انزين وعلاوة الاطفال اشلون عليهم
كل طفل كويتي له ٥٠ دينار اذا الاب مو موظف تروح عليهم ؟؟

السلام عليكم أخوي بالنسبه لعلاوة الأطفال أذا أنت مو متوظف تقدر تمشيها على معاش زوجتك أذا كانت متوظفه لأني سبق ومشيتها ويا معاش زوجتي واذا زوجتك مدرسه مايمشون العلاوه وياها لأن معاش المدرسه عالي لأن لهم حسبه الشؤون بالنسبه لمعاش الزوجه
وأسف ع الأطاله