درجة بالأختيار

[يوسفاني]

السلام عليكم
أشتغل في وزارة الشؤون من 18 سنه كل تقاديري أمتياز و كل سنه أسمي مع المرشحين للترقية بالأختيار بس ولا مره حصلت عليها قبل أسبوع راجعت الشئون الأداريه لقيت أسمي كالعاده بكشوف المرشحين للترقيه للدرجه الأولى بالأختيار بس تفاجأت اليوم أسمي مو موجود مع المرقين

السؤال : أبي أشتكي وين أروح و شنو أقول ؟

 

[مشعل المحامي]

اخي الكريم

اول شي تسوي تظلم من قرار اداري بعدم اضافة اسمك في المرقيين للدرجة بالاختيار

وتنتظر 60 يوم من تاريخ رفع التظلم .ملاحظه(تصور التظلم وهو مختوم من سجل الوارد) بعد الستين يوم تشو النتيجه ردو عليك وعدلوا القرار باضافه اسمك كان بها .

ما عدلوا قرارهم ترفع عليهم قضيه في الدائرة الاداريه وتطالبهم بالغاء القرار الصادر رقم كذا لسنه 2010 السلبي بالامتناع عن اضافة اسمك فيه مع الزامهم بالتعويض المؤقت 5001 .

ياخي وزارتكم وايد فيها مشاكل من هالنوع ووزارة الكهرباء ووزاره الدفاع مادري ليه متى تلاقيهم ييبون اسماء ويحطونها قبلك ما تدري من وين .

الله المستعان

 

[fayoona74]

عزيزي السائل الدرجة بالاختيار مو حتمية يعني ممكن ماتحصل عليها لين تتقاعد مو مثل الاقدمية قبل ماتضيع وقتك بالتظلم تأكد ان متخطينك وعلى ضوئها تتظلم والا تظلمك بيروح هباء منثورا

 

[فريح الكوح]

من الرايين : اختارلك راي الاستاذ مشعل .

 

[يوسفاني]

مشكورين أخواني مشعل المحامي و فيونا و فريح الكوح على الردود
بس سؤالي اذا أبي أتأكد أنهم مو متخطيني أشلون أعرف ؟
أنا سويت بحث بالنت عرفت أن المرقين عددهم 30
و أن أثنين منهم ماخذين موافقه لأجازه دراسيه السنه الماضيه لدراسة الباكالريوس أستنتجت أما هم طلعو بالأجازه أذا لا يستحقون الدرجه أو ماطلعو بالأجازه أذا شهادتهم ليست جامعيه و عمرهم أقل من 30 سنه يعني خدمتهم لو مشتغلين و عمرهم 18 سنه هي 12 سنه و أنا جامعي و خدمتي 18 سنه
و 6 من المرقين قبل شهرين كانو مرقين لوظائف أشرافيه كرئساء أقسام و مراقبين و مدراء ومنهم واحد ولد عم الوزير قبل سنه عين مدير مكتبه و في نفس اليوم عينه مدير أدارة الرقابه و التدقيق

 

[fayoona74]

عشان تعرلاف ان متخطينك او لا لازم تحط جدامك شروط الترقية بالاختيار وتطبق شروطه عليك وعليهم
او انك تستعين باحد من الشئون الادارية عندكم راح يفيدك لان عندهم كل معلومات الموظفين وعلى اتصال مباشر مع الديوان وفي ضوئه تحدد تطعن او لا
وعلى فكرة ترا نسبة الخطأ بسيطة في الترقية بالاختيار لانها تخضع لمراقبة ديوان الخدمة ماتطلع مني والدرب
بس هم تأكد مايمنع اذا شاك اطعن بس حط حالة محددة او اطعن بشكل عام اذا نسبة شكك فوق ال 50% وبالديوان يسوون عملية المفاضلة ويبين عندهم

 

[أبو عبد الرحمن]

أخت فيونه أنا أعمل بوزارة الكهرباء ممكن لو تكرمتي أعرف شروط الترقية بالإختيار لأني ولا مره خذيتها

 

[fayoona74]

انا حاليا بره الكويت والشروط ينظمها قرار مجلس الخدمة المدنية استعين باحد من الشئون الادارية عندكم يزودك فيها او انطرني لين ارد بعد اسبوعين ادا الله احيانا اعطيك اياها عندي بالمكتب بالدوام

 

[قناص_السوق]

تردين بالسلامه فيونه والله يحفظج من كل شر يا رب