أبى أستشارة

[ha.f]

فيه واحد عرض علي أنى أدخل معاه شريك فى مناقصة المبلغ 16000 والأرباح 26000 والأراباح بعد شهر . الواحد هذا عربى عنده مؤسسة مأجرها أنا ما أعرفه شنو الضمان اللى أقدر أضمن حقى . أخاف ينحاش أو يكون من أهل القظايا

 

[abatchy007]

هلا اخوي والله نصيحتي لك ابعد عن الشراكة خصوصا اذا كان مبلغ خيالي مثل هذا وبهالفترة القياسية وخصوصا اذا كان وافد يعني كلش كلش بياخذ فلوسك وينحاش ديرته ولويه على ما تدوره وترفع عليه قضية والله نصيحة اخو ابعد عن الشر وغنيله وراح تدعيلي ولا يقص عليك يقولك اطلع لك ورقة اقرار مديونية من العدل او شيك باسمك ترا صدقني اذا باق وانحاش انت بتاكلها

 

[فريح الكوح]

خذ صورة بطاقته المدنية وتشيك بالعدل عليه قضايا والا لأ

 

[السهم الفضي]

القانون لايحمي المغفلون ....... اسمحلي اخوي علي هالكلمه لكن لا تسلم حلالك حق وافد مهماا كان اذا كويتي والعالم يالله يحصلون فلوسهم منه شلون لو كان وافد راح يسافر ويخليك تدور علي نفسك ولا راح تحصل شي وهذا عن تجربه صديق لي خذا فلوسه وافد يعرفه قاله ابي وكاله علشان اجيب بضاعه وبعدين سجل عليه بضاعه بمبلغ 100 الف وسافر والان صاحبنا كل يوم بالمحاكم كونه صاحب الترخيص؟

 

[fayoona74]

الشراكة عراكة
لكن اذا مصمم اخذ عليه شيك
واذا انحاش ماكو شي يفيدك ولا 10 احكام تمييز