وين أسوي تصميم الشعار والإعلان على السيارة؟

[بو عبدالمحسن]

السلام عليكم ورحمة الله وبركاته
أنا بإذن الله بابتدي مشروع جديد وبسيط
ودي أسوي تصميم شعار بسيط + وبروشورات+تصميم اعلان على السيارة

إللي عنده معلومة وين أسويها يقدمها لنا وجزاكم الله خير

 

[shocked]

أخي الكريم بوعبدالمحسن

المطابع المنتشرة في الكويت وتجدهم بمنطقة الري بعد
كلهم يسوون

 

[بو عبدالمحسن]

جزاك الله خير أخي Shocked وماقصرت يعني يسوون الثلاث الشغلات إللي ذاكرهم
ولا بس البروشورورات

 

[1983]

اخوي المطابع هم بس يطبعونها لك باي شكل انت تبيه
بس اعتقد انت تدبر الرسم والصور
وعندك شركات الدعايه والاعلان

 

[1983]

مطابع الي بالشويخ

 

[بو عبدالمحسن]

1983 مشكور .....وماقصرت
وإذا في أحد عنده معلومة زيادة يفيدنا

 

[AL_ESSA]

الأخ بو عبد المحسن بالنسبة للشعار تبيلك مصمم تعطيه فكرتك ويصمملك شعار اما بالنسبة للبوشور ( الفلاير وما شابه ) فكل المطابع اللى بالكويت وشرق والرى والشويخ وحولى ينفذون لك العمل بعد ما تاخذه من المصمم اما بانسبة للستيكر اللى على السيارة فلازم تشوف محل خطاط ورسام ومحلات الاعلانات ( طباعة اعلانات ) وهؤلاء ينفذون لك هذا النوع من العمل واذا تبى شرح أكثر انا حاضر

 

[Balloons Shop]

أنصحك شغلك يكون على طرف واحد علشان تأخذ خصم لجميع الشغل باكيتج ( أسأل كذا مطبعة وطلبة المدارس يخدمونك أكثر وأفكارهم أنضج)
البروشور أمره سهل وتصميم الشعار والموتو ( ما يكتب أسفل الشعار)
بعد إعتماده رسميا وموافقة وزارة التجارة عليه وتصدقيه تقدر تسوي أختامك عليه وشغل مراسلاتك والبريد وإلخ ..
شعارك على السيارة تحتاج لمعاملات رسمية أيضاً
ورخصة التصديق عليه من قبل التجارة والبلدية في وضعه على السياره والمرور قبلها
أمور كثيرة لكن تحتاج إلى صبر
وأنصحك تسوي كل شي بنفسك

وموفق خير .

 

[بو عبدالمحسن]

جزاكم الله خير على المساعدة أخ Al_ESSA و Balloons Shop
عشان تتضح الصورة انا بداية راح أشتغل من غير ترخيص لأن شغلي عالتلفون وخدمةمنازل فقط
هل الرخص من التجارة ضرورية جداً للشعار على السيارة أم نادراً ما يتم التدقيق على الرخصة؟

وجزاكم الله خير...عالمشاركة

 

[AL_ESSA]

جزاكم الله خير على المساعدة أخ al_essa و balloons shop
عشان تتضح الصورة انا بداية راح أشتغل من غير ترخيص لأن شغلي عالتلفون وخدمةمنازل فقط
هل الرخص من التجارة ضرورية جداً للشعار على السيارة أم نادراً ما يتم التدقيق على الرخصة؟

وجزاكم الله خير...عالمشاركة

من حق المرور توقيف السائق وطلب رخصة الاعلان واذا ما معاه راح تدخل نفسك بمشاكل بالمرور والبلدية والتجارة -- اسف مو قصدى أخوفك بس هذى الحقيقة

 

[بو عبدالمحسن]

عدل كلامك أخ Al_ESSA وبالعكس انت تعطيني الصورة واضحة ، ولكن هل هذا الأمر يحدث بشكل متكرر أم قليل ماتصير ، نفس حزام الأمان من حق المرور يخالف لكن نادراً ما يطبق هذا القانون
وأشكر مرورك

 

[AL_ESSA]

عدل كلامك أخ al_essa وبالعكس انت تعطيني الصورة واضحة ، ولكن هل هذا الأمر يحدث بشكل متكرر أم قليل ماتصير ، نفس حزام الأمان من حق المرور يخالف لكن نادراً ما يطبق هذا القانون
وأشكر مرورك

وهذه نصيحة لوجه الله
بالعكس اخوى بو عبد المحسن الشرطة تترصد هذى السيارات بالذات وأول ما يسألهم عن الترخيص وتبدأ المخالفات وهذا من واقع تجربة اما يخالفه لأنه ما عنده ترخيص أو ترخيصه منتهى