إستفتـــــــــــاء .... رفع قضية على مجلس إدارة شركة لود إير للشحن الجوي

[المهندس حسين]

هل توافق على رفع قضية على مجلس إدارة لود إير للشحن الجوي وذلك لتأخر الشركة في الإدراج وعدم وضوح رؤية الإدارة والتعتيم المتعمد على أخبار الشركة وعدم عقد الجمعية العمومية وتوزيع التقرير المالي لسنتين متتاليتين ؟

1. نعم ومستعد للمساهمة ماديا لأتعاب المحاماة

2. نعم لكن بدون دعم مادي

3. لا أعتقد أن رفع قضية سينفعنا

4. لا أعلم

 

[Mohammadd]

والله يا باش مهندس حسين ما أدري شأقول لك ...
أتعاب لمحامي بعد !!! بروحنا خسرانين ... نلحق خساره بخساره ... صعبه شوي
أنا أقول شوفو لكم طريج ثاني أبرك ...
يعني نشر قضيتنا بالجرايد مثلاً ,,, توصيلها لأحد الأعضاء الغير بصامين بالمجلس ليتبناها ,,, إتفاق على عمل تجمع أمام مبنى الشركة مع إبلاغ المحطات المحليه عن الخبر (طبعاً غير الوطن)

يعني أمور ما تكلفنا فلوس

وسلامتك وتعيش​

 

[بوحظين]

الله يوفقكم لما فية الخير

 

[rakan_yes]

والله يا باش مهندس حسين ما أدري شأقول لك ...
أتعاب لمحامي بعد !!! بروحنا خسرانين ... نلحق خساره بخساره ... صعبه شوي
أنا أقول شوفو لكم طريج ثاني أبرك ...
يعني نشر قضيتنا بالجرايد مثلاً ,,, توصيلها لأحد الأعضاء الغير بصامين بالمجلس ليتبناها ,,, إتفاق على عمل تجمع أمام مبنى الشركة مع إبلاغ المحطات المحليه عن الخبر (طبعاً غير الوطن)

يعني أمور ما تكلفنا فلوس

وسلامتك وتعيش​

صحيح كلامك اخوي
لاكن
يجب ان نضع في عين الاعتبار تلك العوااااائق التي تعيق الطرق السلميه
الا وهي
اصحاب النفوذ
من يستطيع ان يجابه اصحاب النفوذ بالطرق السلميه ؟
صح
الا بطريق القضاء والاتجاه له
اخوي الكريم
اقدر لك كلامك ومنطقك الطيب فالسلم اقرب طريق لاخذ الحق
الا مع تلك الشركات فهي منشار لايابه باحد

اخوي
بالنسبه للتجمهر
انا اقولك باختصار
لمن تطرقة وقلت للاخوه خلونا نجتمع وحطيت رقمي ماكان في احد يحب يشارك مجرد تحليلات فقط لاغير من الاخوه الاعضاء
باستنثاء عدة شخوص اتصلوا فيني وسالوني شنو سويت بوراشد
قلت لهم
انا بروحي
شلون توقعون بيكون ردي
صح

بالنسبه لتوصيل القضيه للاعضاء انا اقولك ماراح تلاقي اصداء من الاعضاء لان بروحهم مبتلشين فمابالك لو قطينا هالقضيه بحلوجهم وكان الخصم منهم وفيهم
اعتقد كلامي واضح وفهمتني عدل..........

صحيح ان احنا خسرانين في هالشركه
لاكن
نقدر نقول خساره مبدئيه لو بردنا عليها احتمال نقدر نرد حقنا ولو الشيء البسيط
يعني خساره بسيطه فقط لاغير
لاكن

ناهيك عن
لو الشركه اعلنة افلاسها صدقني
لالالالالالالالالايمكن نقدر نرفع لاقضيه ولا غيره

من وجهة نظري القضاء عاااااااااااااااجلا هو الحل
ولا يحتاج تاخير

اخوي الكريم انا ردي مو لك بروحك لا
ردي لكل شخص تسائل بنفس تساؤلاتك

ومشكور مره ثانيه على سعت صدرك وتفهمك للوضع

اخوك
بورااشد​

 

[ابوجاسم99]

ما يصح اللا الصحيح وزارة التجارة الحين حاطة العين عليهم اخ ابو راشد تواصل مع ابو عثمان اذكرة متبنى قضية استحواذ مدرى يمكن يفيدك بشى

 

[rakan_yes]

ما يصح اللا الصحيح وزارة التجارة الحين حاطة العين عليهم اخ ابو راشد تواصل مع ابو عثمان اذكرة متبنى قضية استحواذ مدرى يمكن يفيدك بشى

هلا فيك
صبحك الله بالخير اخوي بوجاسم

بالنسبه لوزارة التجاره
معاك حق
لاكن
شلون راح نقدر نتجه للتجاره واهم اصحاب نفوذ
يعني
بالغرفه التجاريه اعضاء وبالتجاره وكلاء

اعتقد فهمتني

صدقني اخوي بوجاسم
مافي الا القضاااااااااء

الحكم بموجب قانون والقانون يخوفهم ويحقق لنا مكاسبنا ويزيد من تقليل خسارتنا

بورااشد

 

[شمس العصر]

سلام عليكم
بعد الجمعية العمومية
وانا وياكم
اخوكم بوعبدالله الرشيدى

 

[الباحث الشرعي]

انا اقول لاخوي المهندس حسن و اخوي راكان المطيري
انا وياكم لو نروح عند مراقب الجمعيات العموميه الاخ بدر الشمري راح يفيدنا وايد
نقدر نتحرك بهذا الموضوع اكثر من العضو الفاضل مسلم البراك
لان هذي راح تكون اكبر فضيحه للحكومه

 

[ابوجاسم99]

يمكننا كمجموعة مساهمة بالمطالبة بعقد أجتماع للجمعية العمومية النسبة المطلوبة 15 بالمية

 

[ابوجاسم99]

مادة (152) :
يجوز للجمعية العامة إقالة رئيس مجلس الإدارة أو أحد أعضاء هذا المجلس بناء على اقتراح صادر من المجلس بالأغلبية المطلقة ، أو بناء على طلب موقع من عدد من المساهمين يملكون ما لا يقل عن ربع رأس المال الكتتب به .

 

[rakan_yes]

الي يعرف وين يكون مكتب مراقب الجمعيات العموميه الاخ بدر الشمري

انا مستعد اروح له

باجر الصبح


الي يعرف مكانه وباي اداره يتصل فيني
باجر الصبح بعد الساعه 8 على تيلفوني 97300359

اخوكم
بورااشد

مادري من كتبت راكان المطيري ؟

انا صح اسمي راكان بالموقع بس
لاكن اسمي الصحيح
بورااشد

 

[rakan_yes]

يمكننا كمجموعة مساهمة بالمطالبة بعقد أجتماع للجمعية العمومية النسبة المطلوبة 15 بالمية

اي وحده ماتصفق

شد حيلك ودبر لنا مجموعه من المساهمين
واتصل على وراح اقوم بالواجب

اخوك
بورااشد

 

[ابوجاسم99]

اي وحده ماتصفق

شد حيلك ودبر لنا مجموعه من المساهمين
واتصل على وراح اقوم بالواجب

اخوك
بورااشد

سؤال هل الحكومة مشاركة بالاكتتاب راس المال عشرين مليون النسبة المطلوب 5 مليون اسهل طريج الجمعية العمومية لاكن تحتاج اعلام قوى وتازر وتكاتف والا صارت كرتون موز ثانى

 

[rakan_yes]

بتبرع مني

واجتهاد مني
لكي نظع النقط على الحروف

بحيل الله باجر الصبح بكون في مجمع الوزارات
وراح ازور وزارة التجاره
واستشف القسم المختص في تلك المشكله


وارد لكم خبر

اي شخص يحب انه يكون معاي باجر الصبح ارجو ان يتصل برقمي
اعتقد رقمي صار عند الكل

اخووووكم
ومحبكم

بورااشد

 

[aljoker]

بو راشد والله اعلم
ان في قانون في وزارة التجاره الرخصه ما تجددلهم
الا بعد تقديم الميزانيه كل سنه
وهذا الي مخليني استغرب
ما نبي شي نبي فلوس اسهمنا القيمه الاسميه فقط

 

[الباحث الشرعي]

اخوي راكان المطيري اشكرك على هذي البادره الطيبه
بالنسبه للقسم المختص بوزارة التجارة هو قسم الجمعيات العموميه عند شخص اسمه بدر الشمري
خوش ولد ومحترم راح يفيدك بوضع الشركه للانه عنده اخبار كل الشركات و المراسلات اللي تمت بينهم
و هذي وصورته في احد الجمعيات العموميه اذا ضيعته
سولها برنت و روح الوزارة و راوها الموظفين عشان يدلونك عليهhttp://www.annaharkw.com/annahar/Re...cead9b89-06ba-4a39-ade4-c7ed0059f95d_main.jpg

 

[المهندس حسين]

الأخوة اللي صوتوا مع رفع القضية ممكن لو تكرمتوا تدزون لي على الخاص عدد الأسهم اللي تملكونها في لود إير؟

شكرا

 

[فريح الكوح]

لو قررتو .. انا مستعد ارفع لكم القضية تطوعا مقابل نسبة لو نجحت القضية .

 

[الباحث الشرعي]

انا شخصيا ارشح المحامي فرج الكوح بان يتبنى القضيه امام المحاكم الكويتية
و ان يكون المهندس حسن المنسق العام للمساهمين
على ان تكون هناك اجتماعات دوريه بيننا نحن المساهمين يفضل ان تكون بديوان اخونا راكان المطيري

 

[فريح الكوح]

شاكر لك يا الباحث ثقتك و ترشيحك ..

اتمنى اكون عند حسن الظن ، وما راح انتظر نهاية الويك اند ، باحاول انسق مع بوراشد فورا .