بخاطري اشتري اي فون من ebay

[i'am the one]

بسم الله الرحمن الرحيم​

شلون اعرف اشتري الاي فون ؟ شنو الاشياء اللي لازم انتبه لها

انا شفت الاسعار من 80 دولار جديد و مو مقفول بس قلت اكيد في ان

ومشكورين

 

[almoress]

هلابك اخوي

غالباً يكون المعروض بهالموقع نصب عينك عينك

او فيه تلاعب بين السطور بنوع البضاعه

خصوصاً الآيفون الجديد 4

اهم شي تركز عليه

أنك ما تشتري الا من ثقه من قبل الموقع والي يطلقون عليه trusted seller

وتشوف نسبة الثقه جدام اسمه جم حاطينها وجم الي مصوتين عليه

طبعاً اذا كان عدد المصوتين بالآلاف تقدر تشتري وانت متطمن خصوصاً اذا معطينه نسبة 100%

اما الباقي فلا تثق بأحد مهما كان

بعد ان تجد البائع الثقه ابحث عن مواصفات الجهاز

يجب ان تكون مطابقه لجهاز أبل الرسمي

ويجب ذكر أن الهاتف جديد

ومفتوح رسمي ومن هذه الأمور

واذا عندك اي استفسار انا حاضر وبالخدمه باي وقت

أخوك
ابوعبدالعزيز

 

[almoress]

وهم من ناحية السعر

إذا حصلت السعر في أي موقع كان أو أي دولة بالعالم أقل من 600 دولار لــ 32 جيجا


حط ببالك هذي عملية نصب من غير ما تتعب نفسك

 

[i'am the one]

جزاك الله خير فتحت عيوني

 

[أبـو راشـد]

ليش دوخت الراس اشتر من الكويت وخلاص

بس المهم مفتوح رسمي وانه يكون 3gs

 

[almoress]

ليش دوخت الراس اشتر من الكويت وخلاص

بس المهم مفتوح رسمي وانه يكون 3gs

هلابك اخوي ابو راشد

يالغالي معاك حق بالنسبة للي ما يبي يتعب نفسه

لكن مثل ما انت عارف السعر بالكويت راح يكون مبالغ فيه كالعاده

ليش ادفع 90 أو 100 دينار زيادة والجهاز بامكاني الحصول عليه وبكل سهوله بسعر أقل ؟؟

 

[أبـو راشـد]

هلابك اخوي ابو راشد

يالغالي معاك حق بالنسبة للي ما يبي يتعب نفسه

لكن مثل ما انت عارف السعر بالكويت راح يكون مبالغ فيه كالعاده

ليش ادفع 90 أو 100 دينار زيادة والجهاز بامكاني الحصول عليه وبكل سهوله بسعر أقل ؟؟

صدقني مستحيل يوصل الفرق للنص الفرق بين 20 لي 30

بغض النظر عن الجمرك لو فعلا الفرق 100 ولا 90

وين الي المتخصصين بالطلب من النت مايشتري 100 حبه

ويبيعهم؟ تدري لو صج بيكون ربحه مايقارب 10,000 دينار

 

[almoress]

صدقني مستحيل يوصل الفرق للنص الفرق بين 20 لي 30

بغض النظر عن الجمرك لو فعلا الفرق 100 ولا 90

وين الي المتخصصين بالطلب من النت مايشتري 100 حبه

ويبيعهم؟ تدري لو صج بيكون ربحه مايقارب 10,000 دينار

هلابك مره اخرى

فعلاً اخوي بوراشد الفرق مثل ما ذكرت

اعطيك مثال حي حصل معاي شخصياً

اول مانزل الآيفون 3gs بأمريكا

قاموا العالم يطلبونه ويبيعونه بالكويت بسعر 420 دينار

وكل يوم ينزل فيه بحدود 10 دينار للجهاز

لما وصل 330 استمر عليها اسبوع تقريباً وبدأ بنزل تدريجياً

لما وصل أسعار من 280-300 دينار وتم عليها فتره طويلة

طبعاً انا اتكلم عن اجهزه غير مكفوله يعني لاحظ جم راح يكون الفرق بالكفاله

بنفس الفتره الي فيها ينباع بالكويت بهالاسعار الي ذكرتها لك

كان سعره برى الكويت بحدود 240-260 دينار كويتي فقط وثابت السعر من او ما نزل إلى فتره طويلة استمرت كذا شهر وانا شاريه من استراليا بسعر 245 دينار وكان وقتها بيوريكا مكفول 379 دينار والكفاله اسبوع بعد

لاحظ الفرق

وحالياً ستجد نفس الشي مع الآيباد

أقل مواصفات بالكويت أغلا من أعلى مواصفات بأمريكا

وهذا طبعاً ما سيكون عليه الحال مع الآيفون الــ 4G

لكن سيقل الجشع والطمع هذه المره

لأن الناس الي تعرف تشتري من النت زادوا وصار عندهم وعي بهالموضوع

تحياتي

 

[ukhrep]

يبه ليش دوختو الريال

ترى موقع الـــ ebay موقع محترم وقوي

بس ترى نظامهم مزاد

يعني مو شرط يرسى المزاد عليك

وتعرفون نظام المزاد​

 

[Balloons Shop]

في المزاد وفي البيع حالاً

 

[MrAbdul]

اي انا اشتري من Ebay موقع موثوق فيه صراحه بس تنطر وقت على ما ييك
وبالتوفيق!

 

[almoress]

ديروا بالكم يا أخوان ترى كثروا النصابين بموقع ebay خصوصاً البريطانيين والصينيين

وبالذات من iphone 4g

ترى فيه تلفون صيني نفسه بالضبط ما يختلف الا شغلات بسيطه ما راح تلاحضها وعادي يغشونك

الي يبي يتأكد يا أخوان أن الرابط او البائع سليم وثقه انا ماعندي مانع مستعد اشيك لكم عليه واقولك اذا ثقه او لا

بس كل الي عليك تدز لي رابط الجهاز وانا حاضر

يا أخوان بس الآيفون لأن مالي خبره بباقي الأجهزه

تحياتي

 

[المهندسـة]

اهم شي انك تشتري من واحد يكون Power seller​

 

[بومحمد1982]

حبيبي هذا بو 80 دولار مزاد bids يسمونه ولو بغيت تشتريه راح تنرفض وياك المعامله وحط في بالك اي موقع يعتمد الدفع عن طريق الباي بال فهو ثقه 100%