انترنت فيفا viva الجزء الثالث والانترنت بالتجربه والبرهان

[fxcm]

السلام عليـكم \\


طبعاً بعد اذن جميع من سبق بطرح هذا الموضووع
واذن الاخ n.1 وجميع المشرفين على المنتدى ان لم يمانعوا


واضح من العنوان انه الموضوع حق اللي مشتركين انترنت فيفا


نرجــو وضع خبراتكم وتجاربكم حتى نصل للافضل

وشكرا​

 

[fxcm]

اخواني

انا سأبدأ في هذا الجزء بالسؤال عن الباقات الجديدة
و تجربتكم لها والاسعار الحاليه:

باقة 14.4 mbps

باقة 21.6 mbps

 

[ام دلال]

اول كانت سريعه والحين بطيئه

 

[شهوب]

السلام عليكم ... بالنسبه لي .. قبل شهر كنت بالمطار وقلت خلني امر اسالهم عن العروض وبالصدفه كان عندهم عرض تشترك بخدمة 21.6 عقد لمدة سنتين وشهريا تدفع 18 في الاول يكون سرعتك 7.2 واول ما تتعمم السرعه اليديده بالكويت دايركت انا معاهم حتى عطوني الـ e1820 .. طبعا انا ما جذبت خبر مع اني مشترك اصلا قلت هذي فرصه افصل اللي صارله سنه وكل شهر 24 واشترك بهالخدمه حتى لو ما وصلت السرعه 21.6 في كلا الحالتين انا ربحان .. وللامانه ساعات احس انه دايل اب وانضغط ... وساعات ما شاء الله يوصل داون لود من 900 الى 1.5 مج ..ومره اومرتين طق 2.3 مج بس ما ثبت وايد .. الخلاصه اني استفدت من العرض ...والسرعه حسب المنطقه والضغط واوقات الذروه ==> حط تحتها الف خط الذروه .. وسلامتكم وتعيشون ... على فكره ما عندي فكره عن العرض اذا اهو لين الحين او انتهى اللي يبي يستفسر يدق عليهم .

 

[abo.jraah]

انا اشترااك الى سنتين 18 ديناارر والحقيقه اشووف خدمتهم افضل واحسن من الوطنيه وزين
صج تجيه اووقاات بس هذاا بكل اشترااك وين قبل يووم كنت مع زين والحين مع فيفاا فرق وان شااء الله يقوولون في توسعه للشبكه والضغط بيرووح
مع فيفا تقدرر

 

[abo Rana]

انا اشووف فيفا حلووه ​

 

[سهم فسفوري]

فاشل

للأســــف فـــــاشل............!!!!

1- اشتركة بخدمة الراوتر واشتراك شهري 25 دينار
2-اثناء الشبك جدااا جدااا جدااا بطيء من غير مبالغه
3- قلت اكيد في خلل الجهاز وديته الورشه بعد ثلاث اربع ايام قال مافي شيء سوينا اب ديت
4- رد الخلل بطيء وجهازين مايشبكون يعني بس جهاز واحد فقط لان الثاني يقلل السرعه
5- المسافه اقل من 10 امتار اول مره اشوف راوتر اقل من 10 امتار قلت اكيد في شيء
6- شريت اريل 10 دي بي ومافي فايده ابدااااا
7- اتصلت على خدمه الصيانه وجاني البيت بعد شهر وزود من غير مبالغه والله وانا احاسب على كلامي
8- الفني شاف الراوتر قال خلاص من الشبكه سوينا دعم خلال يومين تلقى الاشتراك اشاره قويه
9- للاسف نفس الشيء واتصلت وقدمة شكوى ورحت المكتب الرئيسي في المارينا مول وقدمة شكوى ليومك هذا صارلي اكثر من شهرين مادقو عشان الشكو وما صار شيء
10- قلت ابعد الشك باليقين حطيت الخط بوصله باندلوكس للاسف رديء جداااااا جدااااا طلع السالفه من الشبكه الفيفا تعبانه
11- مهلت الفيفا اذا ماسددت او نسيت مافي رحمه او مهله تتاخر ساعه عن السداد وربي يقطعونه
12- قلت ادفع إلى عليه واسدد المبلغ واسكر الاشتراك

13- قررت اشتري خط داتا من زين 13,5 دينار وايقو بلاش والله الداون لود مابين 80 إلى 120 وفيفا الداون لود من 1 إلى 4 فقط

هذا إلى حصل معاي والله ما اقول عليه شهيد

 

[بو شيشه]

عندي زين مخصصها للدوام لان ماكو بالدوام وايرلس
الصبح لاااق وتفصل وايد
بس مجربها بعد العصر بالبيت....بصراحه زينه وما فيها عيب ولا تفصل...الصراحه الفرق شي عجيب بين الصبح وبين بعد العصر
بس اعتقد من مكان الشبك...لانه تفرق من منطقه لمنطقه
والفيفا اسمع والله اعلم من الربع انها مو شي بكل الأحوال و اغلبهم تقريبا يقولون جذي للي عندهم فيفا

 

[ممرض جهراوي]

الفيفا سريعة في بعض المناطق ... وانا من الناس الي عندي انترنت فيفا وبس
وخدماتهم حلوة.. بقولكم خدمة حلوة عندهم .... بس قبل لا تفعلونها روحو اقرب فرع فيفا وعطهم عنوان بيتكم وقولة ابي اعرف سرعة النت الي راح توصلي بحدود الجم ويقولك النت يوصل لبيتكم كذا كذا
اذا انت عندك خط فيفا روح اقرب بقالة واشتر كرتين واحد ابو عشرين دينار والثاني ابو 5 دنانير وعبهم بخطك لمن تعبي كرت بو عشرين راح تعطيك الفيفا دينارين زيادة
المجموع صار بخطك اهو 27 وانت دافع 25 دينار المهم وفوق هاذا بيصير عندك مدة سنه ونص لي جدام . .. اتصل علي 102 وقولهم ابي افعل خدمة الانترنت ( سيرف اون بريبيد ) الشهرية
ويفعلها لك وياخذ ال27 وتشترك لمدة شهر وحط الخط بالوصلة وشبك عليها ( والي ماعندة وصلة انصحة قطعة باندلوكس c270 تشتغل علي اي خط بالعالم) وقبل لا يخلص الشهر اتصل عليهم والغيها واذا مالغيتها بينزلون عليك فاتورة جديدة اب 27 ..
من غير لا عقد ولا روح صف دور ولا تعور راسك والخدمة نفسها نفسها يعني يعطونك سرعة 7.2 ميغا ...
وعلي فكرة انا هاذي الخدمة الي مشترك فيها سرعة الداون لود عندي فالليل بحدود ال250 والصبح توصل 450 و500 كيلو بايت واليميتد مفتوح يعني تحمل 100 قيقا السرعة ماتنزل عندك
وطولت عليكم بس حبيت اقول راي وافيدكم بالخدمة الزينة ..
والله يعز الفيفا ( فيفا وبس ) ولا يغير عليها وتصير شريرة مثل الوطنية و زين الحرامية P:
شكرا فيفا <<<<<< فيفا تقدر

 

[ممرض جهراوي]

واي استفسار انا موجود دوم بالمنتدي :/

 

[AL-AMIR]

انا كنت مشترك بزين أكثر من 3 سنوات وما شفت غير التعب

والحين انا بفيفا وصراحه قمه قمه قمه في الروعه

الله يعطيهم العافيه وان شاء الله ما يصيرون نفس زين الفاشله اللى همها تاكل العالم أكل

اشوفهم بالسعوديه مسويه عشرين ألف أبوعرض إلا بالكويت تطلع فلوس العروض علينا

 

[AL-AMIR]

وهذه سالفه واحد من الربع

كان عنده ببيتهم ثلاث اشتراكات زين وقام الأخ بعد عشره مع زين وفصلهم وقال أبي فيفا

بعد كم يوم اتصلوا عليه زين وكلمه مدير قال اخوي انت قاطع ثلاث اشتراكات انترنت عسئ ما شر وانت عميل مميز قال كل يوم لاق كل يوم ينقطع الانترنت

قال بعطيك عرض قال امر قال بفتح لك احد الخطوط لمده شهر مجاني من عندنا وشووف

والله من بطله الاشتراك صاروخ بس عشان يشترك من جديد وبعدها ترد حليمه لعادتها القديمه​

 

[fxcm]

مشكورين على الرد


لكن حاليا كم اسعار الباقات اليديده ، وهل نطاق التغطية صار اقوي؟
والا مثل حالتنا سابقا ، اسعار مرتفعه سرعه بطيئة تغطيه ضعيفه
انقطاعات متكرره !

 

[mxxy]

مرحبا

حاليا أشتراك زين و فيفا تقريبا صـار نفس الشي في بعض النقاط ( طبعا ابعد عنهم الوطنية للأتصالات )


اشتراك زين و فيفا عقدهم مع شركة هواوي ومنتجات اجهزة الانترنت ايضا من هواوي ... الاختلاف في العرض وطريقة تسويق الجهاز تختلف ايضا ...


انصح بإستخدام زين للأسباب التالية :-


a
1- توفر خدمة 384 كيلو بت
2- توفر خدمة 7.2 ميجا
3- توفر خدمة 14.4 ميجا ( شبكة 21 ميجا )


b
1- الان اصبح بإمكانك معرفة حجم الملفات المحمله حتى لا تعرض نفسك لتقليل السرعة وإلخ
2- احتواء زين في كل مناطق الكويت لدرجة ان قطع الهواوي زين تباع حتى في البقالات ! اي لا يوجد احتكار نهائيا
3- تغطية شبكة زين ما زالت الاقوى كليا حيث انها تمتلك الحصه الاكبر من الاماكن المتوفر فيها انترنت زين الشاليهات والمناطق البعيده ومؤخرا في شهر 2 تم حل مشكلة منطقة الجهراء القصر و عبدالله مبارك قطعة 8 و 5
4- عند ألتزامك بالعقد لمدة سنة كامله واحببت قطع الخدمة لظرف أو لآخر تقوم الشركة بمنحك شهر او شهرين او ثلاثة مجانا
5- عند تعرض منطقتك لخلل فني لمدة شهر في الشهر الثاني والثالث يقومون بتخفيض المبلغ او توفيره بالمجان لمدة شهرين


هذه بعض مميزات زين الاضافية ... اما من ناحية السرعة فالكل عارف عدل ان يفرق من مكان إلى آخر مثلا واحد يحصل من شبكة 7.2 تقريبا 3 ميجا ويحصل الاخر 6 ميجا ويحصل الاخر حتى 7.5 ميجا يعني اكثر من الشبكة نفسها




انترنت فيفا ...

يتوفر لديهم اشتراكين ال 7.2 و 14 ( 21 ميجا ) ... نفس حال زين من ناحية سرعة الانترنت فيعتمد على المكان والظروف ويمتاز فيفا حاليا بعرض لا يتكرر كثيرا !! حيث لديهم عرض اشترك بخدمة 7.2 لمدة سنتين مع جهاز ماي فاي متنقل و قطعة انترنت متنقله والدفع شهريا 19 دينار وهذا عرض ممتاز ... ولكن في حال قطع الانترنت تدفع غرامه قدرها 100 دينار ، واعتقد زين لديهم عرض مثيل بل واكثر من عرض .



في كل حال احذر قبل ان تشترك بفيفا او زين .. تأكد ان المنطقة والقطعه والمنزل الذي تسكنه جااااااهز للأنطلاق مع هووووووووووووووووااااووي

وفي جانب اخر انه اعتبر فيفا تقلد زين وتتبعها في كل شي والمسئلة واضحه او حتى لو ما كانت تقلدها في الانترنت على الاقل قاعد تتبع خطوات زين السابقة وهذا جيد لها . طبعا التقليد في الانترنت فقط لأن اصلا نفس الشركة المزوده وهي هواوي

اما الوطنية لحد لحد لحد الان ما سوو شبكة 7.2 مثل الاوادم وانه اعتقد ان الوطنية قاعده تبووق الانترنت من زين و فيفا مثل الي قاعدين يبووقون كيابل الكهرباااء لووووووووووووووووووووووول

 

[حنطفيس]

انا مشترك بالوطنية تعبئة شهر بـ 13 ومتى ما خلص الشهر ومالي خلق اجدد ما ينزل علي شي

واليوميه 24 ساعة بـ دينار

سرعته طيبه وزينه حق الدوام والشغلات البسيطة

 

[فيصل سعود]

انا مشترك بالوطنية تعبئة شهر بـ 13 ومتى ما خلص الشهر ومالي خلق اجدد ما ينزل علي شي

واليوميه 24 ساعة بـ دينار

سرعته طيبه وزينه حق الدوام والشغلات البسيطة

السلام عليكم حنطفسين كيف حالك ..!!!!

تصدق الكل يتمني يكون عندة حنطفيس بس كم سرعتة

وفية منة الوان ...؟؟؟

 

[حنطفيس]

السلام عليكم حنطفسين كيف حالك ..!!!!

تصدق الكل يتمني يكون عندة حنطفيس بس كم سرعتة

وفية منة الوان ...؟؟؟

هلا بو سعود

موجود ألوان منه وافضل لون الى هو على لون شواربك انت بس نق واختار وتوكل

 

[fxcm]

شوفو اسعار شركة موبايلي ، حصلت عليها من موقعهم !

شاهدوا الصوره وقارنوا بين شركاتنا وشركتهم



لاحظوا ان الباقة بسرعة 21.6 وبسعر بعد التحويل 27 دينار كويتي لاغير شهريا مفتوح غير محدود ، لكن اول مره لازم تدفع 500 ريال اظافي اعتقد
سعر القطعة فيراري


اما بشركات الاتصالات عندنا ادخلوا على موقعهم وشوفوا ان سرعات
الخدمه حاليا عندهم هي 14.4 والسعر مرتفع جدا 35 دينار شهريا
عند فيفا وعند زين 32 دينار ان كنت مشترك عندهم او 35 دينار ان
كنت غير عميل لديهم

الى متى نصبر على اسعارهم وسرعتهم


موقع موبايلي :

http://www.mobily.com.sa/portalu/wp...Fse1_TIJY1VRpvLYtsilQ3dDUXFHYxfHc6UcXt0Dmlo!/

وشكرا لكم وجميع ردودكم يا اخوان​

 

[fxcm]

السلام عليكم ... بالنسبه لي .. قبل شهر كنت بالمطار وقلت خلني امر اسالهم عن العروض وبالصدفه كان عندهم عرض تشترك بخدمة 21.6 عقد لمدة سنتين وشهريا تدفع 18 في الاول يكون سرعتك 7.2 واول ما تتعمم السرعه اليديده بالكويت دايركت انا معاهم حتى عطوني الـ e1820 .. طبعا انا ما جذبت خبر مع اني مشترك اصلا قلت هذي فرصه افصل اللي صارله سنه وكل شهر 24 واشترك بهالخدمه حتى لو ما وصلت السرعه 21.6 في كلا الحالتين انا ربحان .. وللامانه ساعات احس انه دايل اب وانضغط ... وساعات ما شاء الله يوصل داون لود من 900 الى 1.5 مج ..ومره اومرتين طق 2.3 مج بس ما ثبت وايد .. الخلاصه اني استفدت من العرض ...والسرعه حسب المنطقه والضغط واوقات الذروه ==> حط تحتها الف خط الذروه .. وسلامتكم وتعيشون ... على فكره ما عندي فكره عن العرض اذا اهو لين الحين او انتهى اللي يبي يستفسر يدق عليهم .

انا شاهدت العرض على موقعهم بالانترنت ، سنتين 18 دينار لسرعة 7.2
وهذا سعرها الطبيعي حاليا ، بل حتى السعر مرتفع عن شركات خارج الكويت

لكن اعتقد حتى الان لم يدخلوا في سرعة 21.6 ، وتوهم في سرعة 14.4
ما اعتقد فيه ضمان من وجهة نظري انك راح تحصل سرعة 21.6 ، وهم حتى الان يدوب في بداية تشغيل 14.4 بهذا المبلغ !

 

[fxcm]

الباقة الحديثه تقريبا لها سنة في اليابان !
كذلك في تطوير حلول لتصبح السرعة 42.2 ميجابايت بالثانية




EMOBILE and Huawei Launch Japan' s First Commercial HSPA+ Network


[Tokyo, Japan, 5 August, 2009]
Huawei, a leader in providing next-generation telecommunications
network solutions for operators around the world, and EMOBILE, a leading operator in Japan,
today launched Japan' s first commercial HSPA+ (high-speed packet access evolution)
mobile broadband network. With its mobile data speeds up to 21.6 Mbps on the downlink,
the new 3G network covers cities such as Hokkaido, Sendai, Niigata, Hiroshima, Fukuoka and Nagasaki.

إي موبايل و هواوي يطلاقان اول شبكة يابانية تجارية
HSPA +

[طوكيو ، اليابان ، 5 أغسطس 2009]
هواوي ، الشركة الرائدة في توفير الجيل المقبل من حلول شبكات الاتصالات لمشغلي الشبكات حول العالم ، و إي موبايل وهي الشركة الرائدة في اليابان ،
اليوم اطلقت اول شبكة تجاريه بحزمة وصول فائقة السرعة شبكة النطاق العريض للنقال مع بيانات بسرعة تصل 21.6 ميجابايت بالثانية وصله هابطه
الجيل الثالث الجديد يغطي مدن مثل هوكايدو سنداي نيجاتا وهيروشيما وناغازاكي وفوكوكا


المصدر:

http://www.huawei.com/news/view.do?id=10923&cid=42

http://www.huawei.com/news/view.do?id=11175&cid=42


​