استشاره

[بو علي]

في واحد من الربع طلق زوجته واخذت نفقتها وعدتها ونفقت الاولاد وبعد سنه رجعها وقعدت عنده 4 شهور وتطلقت مره ثانيه ولما رجعها كان هم يستقطعون من راتبه نفقت الاولاد هل له حق يطاب بنفقة 4 شهور اللي كانت فيها على ذمته ؟

 

[rahaly]

اذا كان ينفق عليها .. نعم يستطيع بس لازم يثبت ولازم يبرر ليش سكت عنها لما صرفت النفقة اذا ما كان يعلم

كلها 4 شهور وهي ام عياله .. ينساها

والله اعلم

 

[بو علي]

اذا كان ينفق عليها .. نعم يستطيع بس لازم يثبت ولازم يبرر ليش سكت عنها لما صرفت النفقة اذا ما كان يعلم

كلها 4 شهور وهي ام عياله .. ينساها

والله اعلم

هو كان ينفق عليها اكيد
يقول كان ساكت لان لما حصل الطلاق مره ثانية اتفق معها انا الفلوس هذا حق 4 شهور حق نفقه الطلاق وبعد سنه ونص رفعت عليه نفقه وعده ومتعه علشان جذي يبي يطالبها بــ 4 شهور

 

[rahaly]

عموما يمكنه المطالبة بما سدد او اجراء مقاصة مع ما تستحق هي

يحتاج للاثيات او الشهود

 

[فريح الكوح]

بعد اذن استاذنا الفاضل رحالي :

دعوى النفقة ما لها علاقة بالطلاق ! بمعنى ان الزوجة ممكن تكون على ذمة الزوج وعايشة في بيته ومع ذلك تاخذ حكم نفقه .

 

[بو علي]

صاحبي يقول ان لما رجعها ماقام يدخل النفقات بالمحكمه نفس كل مره لان رجعها وكان ينفق عليها وعلى عياله بس لما صار الطلاق طالبته بالاشهر اللي طافت
له حق يرجعهم

 

[فريح الكوح]

صاحبي يقول ان لما رجعها ماقام يدخل النفقات بالمحكمه نفس كل مره لان رجعها وكان ينفق عليها وعلى عياله بس لما صار الطلاق طالبته بالاشهر اللي طافت
له حق يرجعهم

كان الافضل وقت اللي راجعها انه يخليها اتنازل عن دعوى النفقة ..

عموما ، يثبت عن طريق الشهود - فواتير التموين - الجمعية - حتى فواتير مطاعم هارديز و كنتاكي على رقم تلفون البيت وخدمة التوصيل - يطلب كشف بالمشتريات من مركز سلطان على رقم كرته مثلا

كل هذي اشياء تاخذها المحاكم بالاعتبار بالاضافة لشهادة الاطفال لو كانوا كبار شوي وشهادة الاهل والخدم محتى

والله يعينه ...

 

[بو علي]

يقول اول مرجعها سافر معها والاعيال هذا يفيده

 

[فريح الكوح]

هذي نفقة ، ومصرف ، اكيد اتفيده

 

[الحـــوت]

بعد اذن استاذنا الفاضل رحالي :

دعوى النفقة ما لها علاقة بالطلاق ! بمعنى ان الزوجة ممكن تكون على ذمة الزوج وعايشة في بيته ومع ذلك تاخذ حكم نفقه .

اخوي فريح مداخلتك وايد حلوه وصحيحه 100%

لأنها السالفة صارت لواحد من الربع , رفعت زوجته دعوه نفقة عليه واهما متزوجين وعايشين ببيت واحد واحكمت المحكمة بالنفقة وللحين عايشين مع بعض ويدفع نفقة شهريه بالمحكمة !!!!!!!!

 

[بو علي]

يعني يحقله يرفع قضيه يطالب بفلوسه ولا لا

 

[فريح الكوح]

يعني يحقله يرفع قضيه يطالب بفلوسه ولا لا

اذا دعوي النفقة لي الحين شغالة يقدم هالامور اللي ذكرنا ..


اما اذا كانت انتهت وثبت الحكم ، فبقدر يرفع دعوى استرداد مبالغ صرفت بغير وجه حق ..

راح يدفعون بعدم سماع الدعوى لسابقة الفصل .. وهو يتمسك بان الحكم تم تنفيذه وقاعد يطالب بنفقات اخرى كان اداها والحكم هذا الزمه بدفعها مرة اخرى ..

ويبقى الموضوع قناعة محكمة .

مجرد راي ،، والله أعلم
.
.

 

[بو علي]

اذا دعوي النفقة لي الحين شغالة يقدم هالامور اللي ذكرنا ..


اما اذا كانت انتهت وثبت الحكم ، فبقدر يرفع دعوى استرداد مبالغ صرفت بغير وجه حق ..

راح يدفعون بعدم سماع الدعوى لسابقة الفصل .. وهو يتمسك بان الحكم تم تنفيذه وقاعد يطالب بنفقات اخرى كان اداها والحكم هذا الزمه بدفعها مرة اخرى ..

ويبقى الموضوع قناعة محكمة .

مجرد راي ،، والله أعلم

ماقصرت اخوي

 

[أوتاد]

بو علي .. حلو التعاون .. لكن في مسائل الطلاق شيل ايدك ..

انت عندك زوجة وعيال وتبي تساهم في دمار بيت مسلم ليش ..؟؟؟

ساهم بالصلح بينهم واذا ماقدرت مالك شغل فيهم .
لاتفزع في امور الطلاق .