شقق في اخن

[my life]

مطلوب شقه في اخن المانيا تكون في السنتر وتكون نظيفه وامينه الرجاء المساعده

 

[ready set go]

فيه عرب ملتزمين و أمناء يأجرون ، لكن ضيعت ارقامهم ، انشالله أحاول ادور عليهم



إذا إنت مرافق لمريض و معاك جماعه ، في هناك منتجع (resort) الرابط تحت ، قريب جدا من السنتر و المستشفى



و هو في هولنده ، مو أخن . تقريبا 10 كلو من أخن سنتر . أنا سكنت فيه ، روعه




http://www.landal.nl/nl-nl/bungalowparken/nederland/limburg/hoog-vaals

 

[قطار الشرقي]

اخوي أنا ربعي اللي يروحون آخن مايسكنون في المانيا ، يسكنون في هولندا حيل أرخص
منتجع 5 نجوم ب800 يورو بالشهر
والمسافة 10 دقايق بالسيارة.

 

[منافس]

إذا في السنتر عندك شقق أم فراس عرب أعتقد مالكها سوري غرفتين وصاله بس أطلب منهم السكن الجديد عموما الشقق وسط السنتر وعندك كل شي من المطاعم العربية والبقالات العربية حتي الخباز الإيراني عندك

 

[ابو هيا]

ياجماعه انا بروح تاريخ 1-7 الى المانيا
رايح اجيب سيارات ومن يقدر يفيدني وين احصل السيارات اللى داخليتها فاتحه
وسكن رخيص
وجزاكم الله خير

 

[maz149]

ياجماعه انا بروح تاريخ 1-7 الى المانيا
رايح اجيب سيارات ومن يقدر يفيدني وين احصل السيارات اللى داخليتها فاتحه
وسكن رخيص
وجزاكم الله خير

أخوي ، أنصحك ، أسأل بو علي (عبدلله الهاجري ). الكل يعرفه في ألمنتدي ، خاصة في الاستراحه

 

[whab3321]

السلام
دزللي رقمك وادق عليك اعطيك ارقامهم
تأجر فى اخن

 

[Bo-SaNaD]

اخوي اسكن في هولندا منتجع اسمه فالز اللي الرابط ماله فوق معطيك اياه الاخ ارخص واامن واحلا من الشقق بس هال تحصل فيه مكان ولا ماتحصل هني السؤال

 

[q8q822]

بو سند رايح عايلة هناك ولا شباب تنصح بالمنتجع بخصوص استجار سيارة منو احسن في هولندا ولا المانيا

 

[Bo-SaNaD]

هلا اخوي كيو ايت 22

انا رايح عائله ورايح شباب

اذا بتروح عائله انصحك تأجر سياره من المانيا لان سعرها ارخص موديلات متوفره وهم تأكينها يكون احسن من هولندا
وهم انصحك تسكن في المنتجع انا اقولك ليش..

اولا المنتجع اونس وغالبيته خليجيين مخلط الكويت البحرين الامارات السعوديه قطر يعني تستانس والاهل يستانسون لان اخن بالليل مو شي بس قعده في القهاوي والمنتجع هذا نفس نظام الخيران بس على ارقى بواجد وفيه بحيره والعاب للجهال وقمه في الامان يعني عيالك لي طلعو ماتحاتيهم واسعاره ممتازه من حيث السكن فقط اما الاكل فغالي حبتين وسنتر اخن يبعد عنك تقريبا بالسياره 10 دقايق وبالباص ربع ساعه واذا انت رايح علاج لاسمح الله المستشفى يبعد عنك خمس دقايق من المنتجع قريييب حيييل هذا بالنسبه اذا انت عائله


اما شباب مانصحك بالمنتجع لان كله عوائل وشكلك راح يكون شاذ نوعا ما اسكن في سنتر اخن احسن تحصل استديوات حلوه واسعارها ممتازه اللي تكون غرفه وحمام كرمك الله وهذي تلقاهم لما تخلي ماكدونالدز على ايدك اليمين والقهاوي امش سيده يلف فيك الشارع ابد امش تقريبا 200 متر تلقا على ايدك اليسار عماره زاويه هذا عنده شقق راقيه واسعارها ممتازه تلقى مكتب التاجير في الطابق الاول عند واحد شايب اسمه ادن هاوزر بس يبيلك مترجم يتفاهم وياه وبلجيكا يمك ساعتين انت في سنتر بروكسل وكذالك نفس المسافه لسنتر امستردام روح وعيش حياتك

وانحاش عن العراقيين اللي هناك اغلبهم نصابين ومايخافون الله

واخن منطقه حلوه بس صغيره واهي منطقه طلبه لان فيها جامعه الطب هناك وراح تلقى خليجيين طلبه واجد يتكلمون الماني اذا احتجت شي اسئلهم مافيها شي عادي وبالتوفيق عزيزي

 

[q8q822]

مشكور ياليت توضح لنا اكثر تفيد وتستفيد بخصوص السيارة بجم اخذتهااا وفرنسا جم تبعد

 

[Bo-SaNaD]

انا اخذت بورش كايين موديل 2008 ديزل مده 25 يوم اب1000 يورو من يورب كار وفرنسا تبعد عنك من اخن تقريبا اربع ساعات او خمس ساعات والله يمرون عليك جنهم ساعه من الدرب الحلو اللي تمشي فيه واي استفسار ثاني انا حاظر اخوي

 

[q8q822]

يابلاش سعر الموتر طبعا مايتحاج انجليزي الجارمن وبس

ياليت تقول اسعار الفنادق الي خذيتها يعني جم التكلفة احنا ملينا من شرق اسيا ماليزيا صارت غالية على الفاضي وحر ورطوبة

 

[مصدر سهم]

الله يلعن اخ وساعت اخن قعدت فيها 4 شهور وخمس ايام اكلت هوى

لولا الله ثم منتجع فالز قيرل بهولندا والا انا في خبر كان

الله يسهل على ربعنا ويردون منها بالسلامه

 

[ابو زبن]

هلا اخوي جـــزاك الله خير المنتجع تنصح فيه هذه الايام بالشتويه هل فيه تدفيه ومكايب تاجير السياره من وين ...

 

[q8q822]

للرفع

هالسنة غيرت ورحت بريطانيا واخن للحين براسي

 

[هامور 2000]

يا خوي لا تاجر سياره و لا شي الا اذا بتطلع من آخن تري المستشفي مو بعيد

و المنطقه مو من كبرها و احنا كنا نستخدم الباص بس ثبت رقم المحطه

و تري باصهم نظيف و الناس ذربه و مضبوط بالوصول و ما في زحمه

و عند محطة الباص اسال عن رقم المحطه بالمكان اللي تبيه و اهم يقولون لك جم رقم الباص اللي تركب فيه و اذا حصلت لك عيوز بعد بتكيف بدليك كل المحطات

و بحاول ادور لك رقم اللي اجر لنا الشقه كانت بنص السوق و نظيفه حتي السوق كنا روحه مشي بس عبرة شارع

 

[الوسييم]

الله يعطيكم العافيه انا رايح بعد اسبوعيــن اخن

علاج لبنتي الصغيره ماعرف شي عن اخن ولا عمري جيتها بس

تم توقيع الكتاب من ادارة العلاج بالخارج الداخلية لامانع من الذهاب

ابي رقم مترجم يستقبلني بالمطار ويوديني علي شقه سعرها مناسب

بالقرب من المستشفي ياليت الي يعرف لايبخل علينا


ممكن يراسلني علي الخاص لاتهونون وماله غير الدعاء والاجر

 

[amzn_q8]

السلام عليكم اريد رقم مترجم ورجل يحجز شقق وفنادق انا حاليا بالتشيك ياريت اللي عندة رقم احد يرسلي علي60090600 الخاص او الوتس اب