ساعدوني الله يخليكم

[مسكين الكويت]

اخواني انا فيني سكر قوي ويوصل مستويات عاليه او وظفيتي وايد ضغط عليها شلون اعرض نفسي على لجنه طبيه علشان ينقلوني من مكان لي مكان .. بس اخاف من شي يقولولي روح داوم صبح دامك تعبان وانا الصبح مااواطنه وصارلي سنين اداوم شفتات واحد ينورني ويقولي شسوي ويقولي القوانين لانه طقت جبدي

 

[مشعل المحامي]

الله يشافيك ويشافي كل مسلم

اخوي الحل انك تجيب تقرير حديث بحالتك وترفقه بكتاب تسجله بالوارد عندكم تقول فيه انك مريض وحالتك ماتسمح انك تداوم بالفتره الصباحيه كونك تاخذ علاج بالاضافه الى كثرة المراجعات للمستشفيات بالفتره الصباحية . وتثبت ذلك بالتقرير

وانشاءالله يقبل كتابك ويوفقك ويشافيك

الكتاب توجه للمدير العام . كونه اهو اللي بيده تفيف ساعات العمل او النقل وغيره
موفق خير انشاءالله

 

[مسكين الكويت]

اخوي المدير الاداره مايستقبل احد يقول روح حق رئيس قسمك في تدرج وظيفي ورئيس قسمي رافض النقل يقول مانستغنى عنك وملفك كل السنين امتياز ولا مره خذيت طبيه ولا غياب ولا تأخير وكل سنه يكرموني الموظف المثالي شنو الحل تكفون

 

[قناص_السوق]

يعني تقدر تداوم ما فيك الا العافيه تحمل كلها جم سنه تكمل 30 و تتقاعد هالزمن صعب تلقى واحد ينحب

 

[fayoona74]

عزيزي جهة عملك المختص في تلقي طلبك اهي الشئون الادارية سو كتاب واطلب عرضك على لجنة طبية وبعدها تستكمل الاجراءات انت راجعهم اهم يعلمونك شنو تسوي بالضبط
اخ مشعل المدير ماله اي اختصاص في تخفيف ساعات العمل الموظف الحكومي مرتبط بديوان الخدمة المدنية

 

[فريح الكوح]

ابي السموحة من الاخوة المستشارين - لان عندي راي مو قانوني :

هالامور تنحل عن طريق نائب دائرتك وبس .

للاسف الدنيا ماشية جذي !!

 

[fayoona74]

مافي بالجهات الحكومية شي اسمه نائب دائرة الموظف الحكومي يتبع ديوان الخدمة والرابط الشئون الادارية بالجهة الحكومية

 

[فريح الكوح]

مافي بالجهات الحكومية شي اسمه نائب دائرة الموظف الحكومي يتبع ديوان الخدمة والرابط الشئون الادارية بالجهة الحكومية

شكرا على التوضيح استاذة .. بس انا قصدت ياخذ واسطة ( عضو مجلس الامة اللي بدائرته )

الريال حالته الصحية مو جيده وقادين يتعنتون معاه !