استفسار عن الوديعة في البنوك !

[BoFareS]

السلام عليكم

كيف الحال اخواني ؟!

لدي العديد من الاستفسارات واتمنى من ذوي الخبره والعلم ان يفيدوني ...

1- ما هو افضل بنك يقدم ارباح للوديعه في الكويت؟

2- واتمنى يكون بنك اسلامي مثل بيت التمويل واظن البنك الثاني بوبيان

3- هل صحيح نسبة فوائد الوديعة في بيت التمويل %8,6 وهل هي ثابته ام تتغير؟

4- خلونا نفرض حطيت مبلغ كمثال مليون دينار كوديعة في بيت التمويل جم راح تكون نسبة الارباح في السنه؟ وهل هي ثابته ام متغيره؟

5- هل هناك مخاوف على اموالي في البنك؟

اتمنى الكل يتفاعل مع الموضوع وتجاوبون عالي تعرفونه ..

شكرا​

 

[ح.الموسوي]

افضل بنك هو بيت التمويل بلا منافس بالودائع مع اني ما احبه بس كلمه حق

الفوائد اخوي مو ثابته متغيره بس بيت التمويل العام اكثر البنوك وزعت ارباح بسيطه جدا وهو وزع اعلى نسبه فائده
اما من ناحيه الخوف لا تخاف من بيت التمويل والوطني لان راس مالهم قوي جدا وحتى باقي البنوك ما تخوف بس الاحسن بيت التمويل والوطني

الله يوفقك

 

[BoFareS]

فعلا توه ايظا قلت بدق على موظف بيت التمويل ووضحلي انه الفوائد غير ثابته , ووضحلي انه نظام الودائع اكثر من نظام ...

واشكرك اخوي على المشاركه والفايدة ...

 

[الزاجل@2]

هل في نظام وديعه ذهب
يعني اقدر اشتري ذهب واحطه وديعه

 

[جامعي]

اخوي الودائع مضمونه لو البنك فلس والارباح مي ثابته بس بيت التمويل افضل البنوك توزيع على السنتين السابقيتين والودائع حسب المبلغ ولكن المليون لك وضع خاص جدا غير المميزات التي يعملونها لك واللله يوفقك

 

[مميز نت]

نسبة أرباح ودائع بيت التمويل للعام 2009 هي 2,6

و تعتبر من أسوأ أرباح البنوك ...

يعني لو تخصم نسبة الزكاة 2,5 من الأرباح ... كم يتبقى ؟؟

راح تكوون صافي الأرباح من عشرة آلاف دينار ( مثلا") هي 1 %

يعني 100 دينار ههههههههههههههههه

سنة كاملة و أخرتها بلع الأرباح مجلس الإدارة و عطاك 100 دينار !!!

رأيي ..

لو تستثمرهم أفضلك من ودائع التمويل و غير التمويل ..

 

[0المطيري0]

ما أنصحك تحطهم وديعه

وفيه كذا نوع من الودائع


فيه نوع من الودائع لو تخلي فلوسك عندهم 11 شهر ما يعطونك ولا فلس يعني لازم تكمل سنه

وفيه الشهري



صاحبي حاط 140 ألف وديعه ياخذ عليها 200 دينار شهريآ لاكن ماتنزل بالرصيد إلا في بداية كل سنه


يعني لو تحطها الحين راح تنزل بحسابك شهر 1 ...... 2011

 

[BoFareS]

اخي الكريم الزاجل@2 :

اسمحلي مالي خبره بهالمجال لو اعرف جان فدتك وان شاء الله الاخوان ما يقصرون

اخي الكريم جامعي :

اشكرك على الدعم المعنوي وفعلا كلامك صحيح بالنسبه للودائع وهي زينه للي مايعرف يتاجر ومو حاب يضيع فلوسه , لاتصدق انه عندي مليون مجرد مثال والله يرزقنا ويرزقك

اخي الكريم مميز نت :

اخوي التجاره ربح وخساره وفعلا ارباح عام 2009 كانت صدمه للجميع ولكن ادخل موقعهم وشوف الارباح من سنة 2005 لي 2008 كلها عاليه لدرجه انها وصلت 8,6 يعني انت ربحان وانت مرتاح وقاعد بالبيت , ونسبة الخساره بالوديعة من وجهة نظري هي 1% , وبالنسبه للاستثمار انا رجال صريح مالي خبره بالتجاره ومو حاب اخسرهم او اضيعهم ...

اخي الكريم المطيري :

انا تحدثت مع موظف بيت التمويل وايظا تصفحت موقعهم هناك اكثر من اربع ودائع في سنوية وفي ثلاثية كل ثلاث شهور وفي كل شهر , وبالنسبه لي افضل تجاره الوديعة لانه دايما ربح والربح طبعا يختلف مره فوق ومره تحت احسن من اني اقط فلوسي على مشروع مجهول واقتلهم ...

شكرا للجميع على تفاعلهم وعلى ارائهم ...​

 

[تاجر مبدع]

صباح الخير
حبيت اوضح ان موبس بيت التمويل اسلامي في بنوك ثانية مثل بنك الكويت الدولي عندهم منتج اسمه الجود وحاصل على جوائز عالمية كأفضل وديعة استثمارية اسلامية واهم شي ان الوديعة تقدر تخليها المدة اللي تبيها موشرط سنه عادي لو شهر اواربعين يوم او اي مدة تبيها ومعلومة الارباح ثابتة وموافق عليها من الهيئة الشرعية والبنك المركزي واذا تبي تستثمر فلوسك بمشروع تقدر تخليها وديعة شهر وتجرب وبعدين تاخذ فلوسك وفوقهم الارباح كلامي مضمون 100%
وشكرا ....

 

[mishmish]

ادخل على الموقع
www.kfh.com
اواتصل على 1803333

 

[BoFareS]

الاخ الكريم تاجر مبدع :

على حسب علمي انه اذا كانت الفائده ثابته فهي حرام ! واذا كانت متغيره فهي حلال , ممكن تفيدني ما مدى صحة كلامي ؟!

وكم هي نسبة الفائدة الثابته اللي ذكرتها ؟



الاخ الكريم مش مش :

اشكرك حبيبي سبق لي ودخلت موقعهم ولقيت اللي ادور عليه وايظا اتصلت عليهم وما قصرو

 

[تاجر مبدع]

صباح الخير

طريقتهم ان يستثمرون الفلوس بطريقة البيع والشراء بمعنى انهم يشترون معادن واخشاب بالمبلغ اللي تبيه ويبيعونه على طرف ثالث بنسب المعادن حسب اليوم والربح بالبيعة يكون لك حتى انهم ما يقدرون اسوون الوديعة بعد الساعة 1 الظهر لانم يتعاملون مع شركات يعني اذا رحت العصر ماراح اسوولك وديعة لازم تنطر اليوم الثاني ونسبة المعادن باليوم اليديد
وموافقين عليها مثل ما ذكرت الهيئة الشرعية والبنك المركزي على انها حلال 100% واذا تبي اتأكد اتصل على 1866866
وسامحني على الاطاله

 

[BoFareS]

بس ما ذكرتلي اخوي جم نسبة الارباح؟

لانك ذكرت بانها ثابته

وشكرا

 

[تاجر مبدع]

الأرباح تتحدد يوميا على حسب سعر المعادن باليوم وتثبت النسبة اول ما تحط الوديعة مثلا جيت اليوم بتحط ١٠٠٠٠ تنحسب لك الأرباح حسب سعر المعادن اليوم وتثبت على هاالسعر الى يوم استحقاق الوديعة مثلا شهر وبعدين تاخذ الأرباح وفلوس وديعتك
والأرباح تحدد حسب المبلغ والمدة طبعا وكل ما زادت المدة زاد مبلغ الربح
وشكرا ....

 

[q8rottweilers]

اقدر اعطيك 2،5% اذا تبي على سنة وتقبض ارباحها شهري او مقدما او بتاريخ الاستحقاق، اذا وديعتك مليون تقريبا 2000 دينار شهري وراس المال مضمون اذا جاد بالموضوع دزلي رسالة خاصة ونتفاهم لان انا مسئول حسابات في بنك