استفسار عن انتهاء تأمين الطراد

[sporty72]

يا شباب أفيدوني وين أسوي تجديد أوراق التأمين ؟
ووين يتم فحص الطراد ؟
وفي دوام عصر ولا بس الصبح ؟

 

[البـحـري]

السلام عليكم ورحمة الله وبركاته

اخوي سبورتي

تجديد دفتر الطراد يتم في المسح البحري بقسم المواصلات بالشويخ قبل ميناء الشويخ
اولا تروح لأي شركة تأمين وتأمين مثل السياره
وبعدا تروح لمسح البحري يعطونك ورقه لفحص الطراد وتتوجه لقسم المواصلات اللي انت تابع لها
وثانيا لا يطوف على انتهاء التأمين 3 شهور والا تغرم بـ 100 دينار
وثالثا الدوام من الساعه 8 الى 12:30

وموفق خير

 

[w_e_e_b]

سوري على المداخله اودي الطراد ؟؟ ليس صاحب الموضوع

 

[sporty72]

السلام عليكم ورحمة الله وبركاته

اخوي سبورتي

تجديد دفتر الطراد يتم في المسح البحري بقسم المواصلات بالشويخ قبل ميناء الشويخ
اولا تروح لأي شركة تأمين وتأمين مثل السياره
وبعدا تروح لمسح البحري يعطونك ورقه لفحص الطراد وتتوجه لقسم المواصلات اللي انت تابع لها
وثانيا لا يطوف على انتهاء التأمين 3 شهور والا تغرم بـ 100 دينار
وثالثا الدوام من الساعه 8 الى 12:30

وموفق خير

شكرا أخوي على الرد

سوري على المداخله اودي الطراد ؟؟ ليس صاحب الموضوع

فعلا سؤال مهم هل اني لازم أودي الطراد للفحص مثل السيارة ؟
علما بأن الطراد موديل 2009

 

[mon406]

السلام عليكم
التأمين في أي شركه ثم اذهب للموصلات ملاصقه لميناء الشويخ تكون أهم شئ دافع فواتير التلفونات التابعه لوزارة الموصلات ثم تعمل الأجراء الى ان تصل لقسم التفتيش الله بعبنك عادي يقول لك روح ود طرادك عند نادي اليخوت بالقرب من مطعم مركز سلطان لمعاينة الطراد أو دور واحد يمشيها بدون فحص ترى عادي المعامله في الشويخ لاتحتاج سحب الطراد إذا كان طرادك كبير وواقف في المرسى يخرج الفاحص له وشكرا

 

[البـحـري]

لا مو لازم تودي الطراد اهما يطلعون ويفحصون الطراد .. لما تودي الورقه حق وزارة المواصلات السنترال اللي انت تابع لها .. مثلا اللي بمنطقة العاشره يروح سنترال الفحيحيل المتواجد بشارع مكه بقرب الدوار ...
ومن شروط الفحص ..
1 - سترة نجاة عدد ركاب الطراد
2 - طفاية حريق صغيرة
3 - ملقص وزارة المواصلات .. تسلسل ورقم الطراد .. واذا غير موجود الملصق ( استكر ) بلغ الفاحص عشان يطبع لك وحده وتدفع دينار ..
4 - استكر او كتابة اسم الطراد مع رقم الطراد من الامام ومن الجانبين ..

وفي بعض التساهيل ( اللبيب بالاشارة يفهموووو ) هههه

 

[sporty72]

مشكورين يا شباب

 

[حداق 75]

اخوي بخصوص التفتيش عندك
المنطقه الشماليه وتشمل
اماكن المفتشين
مسنه الوطيه
سوق شرق
نادي اليخوت
المنطقه الجنوبيه
سنترال الفحيحيل
طبعا اول شي اتسوي التامين وتروح احد الاماكن المذكوره الى يم سكنك ثم تروح الشويخ وتدفع الرسوم وبراءه الذمه وتروح التسحيل للتجديد

 

[sporty72]

مشكورين يا شباب على الردود
انا أمس سويت المعاملة وكانت سهالة
سويت التأمين عند أي مكاتب التأمين ( 15 دينار )
وبعدين رحت المسح البحري سويت اجراءات التجديد ( 6 دنانير )
وآخر شي قالولي ودي طرادك لنادي اليخوت للفحص لكن كلمة مني وكلمة مني مع المسؤول ماقصر قلتله الطراد موديل 2009 أول فحص له قالي اوكي واعتمدها وراح أستلم الدفتر ثاني يوم
يعني السالفة سهالة بس الدوخة لما يلزمونك تودي الطراد للفحص
وسلامتكم

 

[da7ar]

الله يسهل ويسلم

 

[seco73]

بالتوفيق انشالله