التمييز !!! ... هل ينفع اسوي تمييز اذا مافاد الإستئناف ؟

[MaSMoO7]

بسم الله الرحمن الرحيم


اخواني عملت إستئناف في قضية (جنحة) فتم الحكم (بتأييد حكم اول درجة) وهو غرامة خمسون دينار وبرائة الطرف الآخر .. وعندي سؤالين هم :


1 - هل ينفع اسوي تمييز مع العلم انها قضية جنحة وليست جناية؟
وهل يفيد التمييز أم انه تحصيل حاصل ؟

2 - هل له الحق الطرف الآخر أن يطالبني بتعويض معنوي ؟ مع العلم أنه ليس مذكور بالحكم أن يعوض الطرف الذي أخذ برائة تعويض معنوي . وهل علي فقط دفع خمسون دينار للمحكمة ؟




ولكم جزيــــــــــــــل الشكـــــــــر​

​

 

[MaSMoO7]

15 شخص شاف الإستفسار ولا واحد جاوبني !!

يااجماعة أفيدونا أفادكم الرحمن

 

[fayoona74]

اذا الحكم صادر من الاستئناف الكلية ينفع تسوي تمييز بشرط يكون في خطأ بتطبيق القانون لان التمييز محكمة قانون
الطرف الاخر اذا حب يطالب بتعويض سواء معنوي او مادي يكون بدعوى مدنية منفصلة والقضاء له سلطة تقديرية
بالنسبة للحكم اكيد تدفع الغرامة اضافة لمصاريف الدعوى على درجتي التقاضي واتعاب المحاماة الفعلية ان وجدت

 

[MaSMoO7]

اذا الحكم صادر من الاستئناف الكلية ينفع تسوي تمييز بشرط يكون في خطأ بتطبيق القانون لان التمييز محكمة قانون
الطرف الاخر اذا حب يطالب بتعويض سواء معنوي او مادي يكون بدعوى مدنية منفصلة والقضاء له سلطة تقديرية
بالنسبة للحكم اكيد تدفع الغرامة اضافة لمصاريف الدعوى على درجتي التقاضي واتعاب المحاماة الفعلية ان وجدت

اختي فيونة اولا يعطيج العافية على الإجابة وماقصرتي .. سؤالي اختي آنا شدراني اذا صادر من الكلية او غيرها ؟ (لأن شوي غشيم بالقوانين والمصطلحات) اهو الحكم صادر من مجمع المحاكم اللي بالرقعي ..

* اختي تقولين التمييز ينفع اسويه اذا في خطأ بتطبيق القانون صح ؟ انزين آنا أحس إن الحكم فيه تسرع وعدم قرائة اوراق القضية بتمعن !! ولو إنه فقط (غرامة خمسين دينار) بس السالفة موسالفة غرامة !! السالفة إن الطرف الثاني يطلعونه بريئ ولا كأن مسوي مصيبة وعلى كلامج إن ممكن يرفع علي قضية تعويض مادي او معنوي !! هذي مصيبة ثالثة !!!! والله المعين

* اختي هيونة تقولين إن للقضاء سلطة تقديرة بالنسبة للتعويض ؟ (يعني هل معنى كلامج إن لي الحق بالمعارضة وسماع قولي مرة أخرى سواء بقضية التعويض المدني او المعنوي ؟)

* و هل التمييز ينفع بهالحالة ؟ او مثلا مانفع وين اروح ؟

منو يفيدني بعد الله سبحانه ؟​

ولج كل التحية وجميع الإخوان

 

[fayoona74]

عشان ماتضيع ولاني ماعرف شنو موضوعك بالضبط انصحك توري اوراقك لمحامي متمكن
لكن بجميع الأحوال اذا مكتوب بالاوراق استئناف جزئي هذا مايتميز
وبالنسبة للتعويض اذا مغرمينه 50 هذا مو بريء معناه مدان وين التعويض اللي بيطالب فيه انا فهمت بالبداية ان الغرامة عليك انت
بالنسبة لجدوى التمييز ان كان ينطبق على حكمك ماقدر افيدك لان يبيله احد يشوف المستندات والوقائع بالتفصيل

 

[rahaly]

اخي الكريم ....

لا يجوز الطعن بالتمييز في الجنح الا في حال الحكم بعقوبة الحبس ...

فقضيتك لا يجوز تمييزها لانها صادرة بالغرامة ...

موفق

 

[MaSMoO7]

شان ماتضيع ولاني ماعرف شنو موضوعك بالضبط انصحك توري اوراقك لمحامي متمكن
لكن بجميع الأحوال اذا مكتوب بالاوراق استئناف جزئي هذا مايتميز
وبالنسبة للتعويض اذا مغرمينه 50 هذا مو بريء معناه مدان وين التعويض اللي بيطالب فيه انا فهمت بالبداية ان الغرامة عليك انت
بالنسبة لجدوى التمييز ان كان ينطبق على حكمك ماقدر افيدك لان يبيله احد يشوف المستندات والوقائع بالتفصيل

مشكورة اختي .. بس على فكرة آنا اللي مغرميني مو اهو 50 .. بس في ناس يقولون هالخمسين اهي حق المحكمة وبس ماله حق يطالبك ؟

 

[MaSMoO7]

خي الكريم ....

لا يجوز الطعن بالتمييز في الجنح الا في حال الحكم بعقوبة الحبس ...

فقضيتك لا يجوز تمييزها لانها صادرة بالغرامة ...

موفق

اخوي رحالي تسلم عالرد .. لكن في سؤال يقرقع بقلبي إن صح التعبير !! اللي اهو انزين بهالحالة شنو الحل ؟؟ يعني مايعيدون الإستئناف او ينظرون فيه مرة ثانية ولا خلاص بس انتهى كل شي ؟

 

[MaSMoO7]

شنو معنى هالكلام ؟؟؟ وللعلم هذه آخر المستجدات وللعلم أن الحكم الذي قبل هذا وهو بتاريخ (30/3/2010)
هو برائة للطرف الآخر ..

والآن

التاريخ العملية


2010-05-05 حكمت محكمة الإستئناف بـ: رفض وتأييد
2010-05-05 حكمت محكمة الإستئناف بـ: الغاء الحكم
2010-05-05 جلسة الاسـتئناف - حكم

شنو معناة هالكلام !!! ؟؟

واي حكم تم إلغائه وشنو اللي رفض وشنو اللي تم تأييده ؟

 

[rahaly]

شنو معنى هالكلام ؟؟؟ وللعلم هذه آخر المستجدات وللعلم أن الحكم الذي قبل هذا وهو بتاريخ (30/3/2010)
هو برائة للطرف الآخر ..

والآن

التاريخ العملية


2010-05-05 حكمت محكمة الإستئناف بـ: رفض وتأييد
2010-05-05 حكمت محكمة الإستئناف بـ: الغاء الحكم
2010-05-05 جلسة الاسـتئناف - حكم

شنو معناة هالكلام !!! ؟؟

واي حكم تم إلغائه وشنو اللي رفض وشنو اللي تم تأييده ؟

ياخوي انت حاطلي احكام ما تتشابه !!!!
او ان الحكم فيه اكثر من خصم واستئنافاتهم مختلفه !!

رفض وتأييد = رفض الاستئناف وتأييد حكم اول درجة ..
الغاء الحكم = الغت المحكمة حكم اول درجة .. وغيرت الحكم
الاخيرة مدري شنو ..

ياخوي انا اجاوبك بس انت تسأل عن عموميات .. وبدأ السؤال بامكانية التمييز وافدناك بانه لا يجوز التمييز ...

اعتقد ان الموضوع اخذ حقه من الاجابة

موفق

 

[MaSMoO7]

اخوي ولي يرحم والديك ياليت تفهمني عدل وتهدي بالك واطول بالك

انت تقول حاطلي أحكام ماتتشابه وكذا حكم وتقول فيه كذا قضية !!!!

يااخي موآنا اللي حاطهم !!! المحكمة (وزارة العدل) في موقعهم الإلكتروني اللي حاطين هالشي والقضية وحدة واذا تبي رقم القضية الآلي أعطيك اياه برسالة خاصة .. وتقدر تتأكد بنفسك

وآنا اخوي اللي أبفهم شلون هال3 مع بعض بقضية وحدة وبنفس اليوم !!!! هل تم إلغاء حكم اول درجة ؟؟!!! وشنو علاقة الرفض والتأييد بعده ؟؟!!

اخوي انت مستغرب من كلامي عيل آنا شقول ؟؟؟
وانت المفروض اللي ادرى وابخص مني آنا اقولك هالشي مكتوب بوقت واحد وماعندي اكثر من قضية

وتقول الموضوع خذه حقه بالإجابة .. انت ماقصرت والإخت فيونة ماقصرت بس كمل معروفك لاهنت بفهم اللي علي واللي موعلي ؟؟!!

ياليت تفهمني واطول بالك وتفيدنا جزاك الله خيـــــــــــــر

 

[rahaly]

طول بالك ياخوي ..
وماكو الا الخير ..

طال عمرك تروح المحكمة وتاخذ صورة الحكم وتفهم كل شئ ...
لان محد راح يفيدك بمعلومات ناقصة ..

واظن راح تكون معاي انه ليس من المنطق ان نضع كل الاحتمالات ونكتب عشرين مشاركة .. وبامكانك ان تستخرج نسخة من الحكم وتفهم كل شئ ..

واذا ما فهمت شئ من الحكم .. نحن بالخدمة

موفق

 

[MaSMoO7]

مشكوور اخوي رحالي .. والله يكتب اللي فيه خير ...

 

[فريح الكوح]

لو الخمسين لوقف نفاذ الحكم او عدم نطق بالعقاب ، ممكن اتميز ، التمييز اذا حكم بالبراءة تكون القضية المدنية بالتعويض انتهت .

اما اذا الحكم نهائي ، فممكن ادافع في الدعوى المدنية ويخسرها .. يعني مو نهاية المطاف حكم الادانة

والله اعلم ..