فيزة امريكا

[تويجر]

باذن الله مسافر امريكا الشهر الجاي

تعرفون احد يعبيلي الابليكيشن وياخذلي موعد من موقعهم

هل اقدر اسويها عن طريق مكتب سفريات

تكفون يالربع ساعدوني اخوكم متوهق

 

[ح.الموسوي]

روح مجمع الدوليه مكتب الشنيغن غوف بالميزانين يعبون لك اياه وياخذون 10 دنانير

او روح اي سفريات قول لهم ابي احجز عندكم واشتري التذكره منكم بس عبو لي الطلب ياخذون منك 5 دنانير وتحجز عندهم بس تطول اكثر من شهر حسب مواعيدهم ولا تنسى الصيف جاييك

 

[Abo7amad]

سهالة بالنت اتعبي الطلب وتاخذ موعد بس يبيلها اتعرف اشوية انجليزي
ابحث بالغوغل طلب فيزا سياحية للكويتيين ويطلعلك موقع السفارة والنموذج d156 ونفس الشي للموعد مايبيلها شي

 

[kw777]

هلا اخوى
انا مسوى الفيزا الامريكيه قبل اسبوعين عبالى الابلكيشن صديق كان يوم الاربعاء بالليل وموعدى صار يوم الاثنين وستلمت الجوازات يوم الخميس الظهر عن طريق الدى اتش ال وسهاله يعنى كلها اسبوع من تسجيل بالنت لى استلام الجواز والفيزا لعشر سنوات لجميع افراد العايله
وسلامتك
وتعبيه الابلكيشن بصراحه تطول يسألون عن كل شى
والله يعينك

 

[تويجر]

مشكورين يالربع

موظف بالسفريات عطاني رقم واحد هندي عبالي الابليكيشن وخذالي موعد باجر باذن الله
بس الغريبه انهم ماطلبو لا شهادة راتب ولا كشف حساب

والله يسهل هالمقابله

 

[Abo7amad]

بشرنا
انشاءالله الموافقة نفس اليوم 10 سنين ويجيبها لك dhl بعد يومين انشاءالله

 

[BMW750]

ربعي عطوهم الفيزا بعد 6 شهور

 

[kjb_kuwait]

السلام عليكم هذا النموذج ومايبيله شئ واستخدم قوقل بالترجمه واتمني لك التوفيق لما تعبئ اخر شئ مكتوب كنتينو طقها وبعدين دقق علي كل الا كتبه وخلاص حط موعد مقابلة

http://travel.maktoob.com/vb//redirectLink.php?link=https://evisaforms.state.gov/ds156.asp?lang=1

 

[تويجر]

يا للاسف

عطوا كل العايله الا انا

قالولي بندز اوراقك للتدقيق وندق عليك خلال اسبوعين
وقالي موظف الدي اتش ال هالشي روتيني وعادي كل الشباب نسويلهم جذي
ويوم شفت المتقدمين اغلبهم شباب سالتهم ولا كلهم عطوهم الا انا وثاني يوم دقوا علي الدي اتش ال ومخلصين جوازات عيالي

بالله عيالي شلون بيروحون بدوني

شي يغث

 

[BMW750]

يا للاسف

عطوا كل العايله الا انا

قالولي بندز اوراقك للتدقيق وندق عليك خلال اسبوعين
وقالي موظف الدي اتش ال هالشي روتيني وعادي كل الشباب نسويلهم جذي
ويوم شفت المتقدمين اغلبهم شباب سالتهم ولا كلهم عطوهم الا انا وثاني يوم دقوا علي الدي اتش ال ومخلصين جوازات عيالي

بالله عيالي شلون بيروحون بدوني

شي يغث

هذا اللي صار معي وربعي
عطوني فيزا وربعي قالواهم بعد اسبوعين
اتصلوا فيهم بعد ست اشهر
نصيحه دورك هذا الصيف ديره ثانيه

 

[تويجر]

هذا اللي صار معي وربعي
عطوني فيزا وربعي قالواهم بعد اسبوعين
اتصلوا فيهم بعد ست اشهر
نصيحه دورك هذا الصيف ديره ثانيه

ماكو الا جذي
انا بفيز حق لندن وحق اوروبا وهم بنطر عشر ايام يمكن يعطوني
لانه بصراحه خاظري بامريكا

ومشكور اخوي على التفاعل

 

[ح.الموسوي]

انا اليوم رحت لهم هم قالو لي بعد اسبوعين شسالفتهم يعني شنو يشكون ولا شنو ماادري

بس الموظف مال الدي اتش ال يقول روتيني حسب الاسم انا عندي حق كندا ما صار اروح كندا

الله كريم يا خوك ان شاء الله يعطونا

اللي استغربت منه انه حتى في جم بنت كانو عاي اليوم قالو لهم بعد التدقيق

 

[تويجر]

الله كريم يالموسوي

والله يمكن انها خيره

وعندي بعض الربع عطوهم باقل من اسبوعين وبعضهم مادقوا عليهم خير شر

 

[ح.الموسوي]

يا معود الله كريم صار رحنا ما صار كيفهم اهم خسرانيين
احنا بنروح سياحه يعني اقل شي بنقط 10000 دولار ما يبونها نقطها بديره ثانيه

 

[تويجر]

وانت صاج يالموسوي

حدهم لى الاسبوع الياي وعقب يصير خير

 

[ح.الموسوي]

طاف اسبوعين ما ردو باجر ان شاء الله بروح كندا اهم خسرانين

 

[تويجر]

هم انا مادقوا علي

ماكو الا بريطانيا

بالسلامه يالموسوي واجازه سعيده

 

[rock404]

روح كندا صدقني تستانس اكثرمن امريكا

 

[ح.الموسوي]

بعد مده اتصلوا فيني الدي اتش ال
عطيتهم الجواز وعططوني فيزا 10 سنوات
اتمنى التوفيق للجميع

 

[تويجر]

زين يالموسوي عالبركه
والفال لنا
احدثكم منلندن