صفحه اسعار الاسهم تتحرك مثل الصاروخ

[فانيليا]

السلام عليكم

هل الشى الى قاعد يصير بس معاى ولا مع الكل الصفحه عندى تتحرك مثل الصاروخ مايمدينى ابطل الصفحه واوصل لغايه العقار الا تتجدد الصفحه مره ثانيه واقعد انطر لغايه ماتفتح صرت حوله

الناس تتطور وهنى يتاخرون

بدال ماايحطون لهم ستريمر لايف تشوف اسعار الاسهم لايف قاعدين نجدد فيها ولا الحين يعنى يبون يكحلونها عموها قامو يجددون الصفحه بالثوانى ابى اللحق مع الصفحه موقادره بتابع الاسهم مو قادره
يعنى شنو الشغله تكلف لو يحطون لهم ستريمر ويشيلون هالدعايات الى مالها داعى هذا موقع رسمى مو موقع دعايه

الحمدالله احنا دوله خير ياريت القائمين على البورصه ينتبهون حق الشغله هذى ويعدلونها

 

[Bo_Rashed]

أنصح بالأشتراك بالأوسط برو ........ متوفر عندهم ستريمر

 

[فانيليا]

يابوراشد حتى لو اشتركت فى غيرى ماراح يكون مشترك هم راح يعانى من نفس الشغله
فلازم يشوفون لها حل
هذى تمثل واجهه دوله غلط الشى الى قاعد يصير شوف موقع بورصات الاسواق العربيه وشوف موقع سوقنا
وراح تعرف الفرق

 

[بوعنتر]

اضم صوتي لصوت الاخ فانيليا معدل تجديد الصفحه مرتفع جدا يعني مايميدني اوصل نص الصفحه الا صار تجديد للصفحه ...وياريت الاخوه القائمين على موقع البورصه يرفعون وقت التحديث علشان يمدينه..... اضافه الى انه التحديث قاعد يصير فى خارج اوقات عمل البورصه يعني بليل واحد داش الموقع يشوف الاسعار ليش يصير تحديث او (رفرش) يعني الاسعار راح تتغير بليل ...فى النهايه نشكر القائمين على الموقع على الجهود المبذوله لتطوير الخدمه بالرغم من بعض السلبيات فالموقع جميل

 

[أبو مشاري]

سمعت ان البورصه فكرت بهذا الامر ولكن آآآآه الميزانيه لا تكفي


(( للعلم ما قلته دعابه ليس الا )) ​

وانا معاكم المفروض يتطور للاحسن الموقع وخاصه ما يتعلق بمتابعة الاسهم

 

[الفهلوي]

يابوراشد حتى لو اشتركت فى غيرى ماراح يكون مشترك هم راح يعانى من نفس الشغله
فلازم يشوفون لها حل
هذى تمثل واجهه دوله غلط الشى الى قاعد يصير شوف موقع بورصات الاسواق العربيه وشوف موقع سوقنا
وراح تعرف الفرق

هذا الكلام قلناه من سنة الف وتسعميه وحطبه


ولكن لا حياة لمن تنادي



الفهلوي

 

[المقرود]

الأخ بو عنتر: عفوا بس ترى اسمها الأخت فانيليا وليس الأخ ، لذا اقتضى التنويه


الأخت فانيليا: أحسن حل حق هالمشكلة إنج تدخلين صفحة الأوامر من الأيقونات اللي تحت ، مو من فوق
لأن بالهطريقة يعرض كل قطاع بروحه ، فتفتح الصفحة قبل لا تتجدد ، مثلا صفحة خاصة لقطاع العقار وأخرى للخدمات وجذي

ودمت

 

[بوعنتر]

اعتذر للآخت فانيليا واشكر الاخ المقرد على التوضيح ..

 

[فانيليا]

على شنو تعتذر اخوى بوعنتر انا مثل اختكم الصغيره

مشكور اخوى المقرود سويت الحركه الى علمتنى عليها وضبطت

 

[خبير الاجل]

يا جماعه مو قادرين انتابع صفحه البورصه ولا اسعار الاسهم عشان واحد عبقري حط نظام تجديد الصفحه كل 5 ثواني

ما ادري نايمين الاخوان للحين مو حاسين بالوضع الشاذ

 

[فانيليا]

اى والله انا مستغربه شلون محد حاس بالشغله هذى ليم الحين
ياريت من المشرفين بالمنتدى يسون استفتاء عن الى يطلبون تعديل صفحه الاسعار
والى مرتاحين على الوضع هذا ويثبتونه فوق
لغايه ما انشالله ينتبهون المسؤولين بالبورصه ويعدلون الخطاء الى سووه

 

[almaly]

انا واحد ماني راضي عيوني عورتني