مطلوب معدات مصبغة جديدة أو مستعملة شبه جديدة

[ابو سلطان محمد]

[b]مطلوب معدات مصبغة جديدة أو مستعملة شبه جديدة دراي كلين - مكبس - غسالة - نشافه - ارفف اوتوماتيكيه - بيلر .... إلخ
ابو سلطان 66615556[/b] ومطلوب ايضا سيارات باصات للمصبغة ان وجد

 

[ابو سلطان محمد]

للرفع

 

[AL7SAWI]

أنصحك اخوي بشركة الراشد معداتهم شوي اغلى من الباجين بس وايد احسن من ناحية المصداقية
وبالنسبة للبيلر اخذ البيلر اللي فيه 6 شمعات أو اكثر بس منفصلين
لأنه اللي عند الراشد امريكي نوعه هوفمان قوي بس عيبه انه شمعه واحده ولو اخترب جزء منها تبدلها كلها وسعرها فوق الـ 70 دينار
ممكن يكون عنده نوع ثاني فيه اكثر من شمعه واذا ماعنده فيه شركه مقابل قصر السيف ايطالية معداتهم زينه بعد شوفهم وقارنهم بالراشد من ناحية الأسعار بعد

 

[ابو سلطان محمد]

مشكور اخوي الحساوي على النصيحة والله يكثر من امثالك وانشاالله بشوف الراشد وانا توني بادي بمشروع مصبغة ومنك نستفيد

 

[ابو سلطان محمد]

مطلوب سائق للمصبغه براتب 100 + عمولة

 

[AL7SAWI]

بو سلطان انصحك تييب سايق على البيت
واذا تقول ما يعرف قير عادي فيه حل
روح الحراج أو شركة ديهاتسون عندهم باص قير اوتاماتيك
واسهلك من ناحيتين أولها التأمين الصحي أرخص 5 دينار بدال 50 دينار
ووايد شغلات اسهل التجديد الرواتب كل شي كل شي
وانت عموما لك حرية الإختيار

 

[ADEL ALAZMI]

كلام الحساوى صحيح

 

[ابو سلطان محمد]

مشكور يابعد راسي يالحساوي انا جيت شركة الراشد وبصراحة ماشالله عليهم ومعداتهم قمه وشريت منهم غسالات وبشتري بعد منهم شغلات اعجبتني وبالنسبه للباص ديهاتسو بشوفهم مو غلط لاني رحت حق مصطفى كرم وحسبولي الباص ب3650 سعره حلوو جيت شركه هيونداي لقيت عندهم باصات روعه موديل 2009 اصفار طبعا احسبولي ب4300 دينار بس انا خايف اشتري جديد وبعدين اتحسف وودي اشتري باص مستعمل وخايف تكثر الخرابات ابيكم تنصحوني ومشكورين يالغالين علي كل حال

 

[japan skyline]

اخوي ابوسلطان

ياليت تذكر لنا كم يكلف معدات المصبغه بالكامل بدون تأثيث المحل والاجار والسيارات

 

[AL7SAWI]

شوف اخوي بو سلطان بالنسبة للباصات الجديده حرام تشتري وانت توك بادي المشروع
روح الحراي واشتر مستعمل واذا لقيت سايق يعرف للقير العادي يكون ممتاز
تحصل الباصات بالحراي احسن
وبالنسبة للسوزوكي الصغير ما انصحك فيه غالي وقطع غياره ماتلقاها ابدا بالسوق
وبالنسبة للهونداي
اشتره من الحراي احسن انا كنت شاري هونداي موديل 2003 بـ 800 دينار شحلاته مزيون
طبعا انا مخلي باص ثاني اسبير لو اخترب هذا ماتتعطل مصبغتي
بس امشي الباصين ما اوقف واحد علطول
مره السايق يطلع بالمازدا ومره بالهونداي
وشريتهم اثنيناتهم بأقل من 2200 شرايك مو توفير ؟؟
وعلى فكره المازدا موديل 2003 ونظيف
انشالله الرد الياي بعطيك ارقام اللي يوزعون العلاليق واكياس النايلون
وبالنسبة لصابون الغسالات الأوتاماتيك فيه نوع معين بالسوق ممتاز اسمه بيرل
هاليومين منقطع من السوق على ما يوصل من قطر
هذا سعره ممتاز وايد

 

[AL7SAWI]

اخوي جابان سكاي لاين شوف الاسعار اللي بعطيك راح تكون قريبه مو 100%
1 - الغساله حجمها18 كيلو بـ 1750 دينار نوعها هيوبش أمريكي غير القاعده اللي تركب عليها
2 - القاعده مالت الغساله سعرها من 45 إلى 50 دينار شامل التكسير والحديد ( نوع الحديد hp ) والسميت يعني اهوه يسوي كل شي للقاعده انت ماتييبله اي شي
3 - النشافه سعرها تقريبا 900 دينار نوع هيوبش أمريكي حجمها 18 كيلو
4- المكبس سهره بروحه 1300 دينار نوعه هوفمان واهوه احسن شي بالسووووووووق لحد يقولك غر هالكلام وطبعا اهوه امريكي بس مو جديد مجدد انتبه انه مجدد
على العموم أغلب المكابس مجدده اللي بالسوق
5 - الحين نيي على البويلر اللي اهوه يطلع البخار للمكبس واهوه اهم شي علشان تطلع الملابس بطريقه ممتازه لاتاخذ هوفمان صج انه ممتاز بس عيوبه انه مو شمعات لأ شمعه وحده ولو اختربت تبدلها بسعر 60 أو 70 دينار مو من الشركه طبعا من الفنيين اللي بره الشركه
بالشركه يبدلونها بسعر 130 أو اكثر لانه مره صارت فيني وتوهقت
طبعا فيه طريقه انك تغير النظام للبويلر وتخليه 6 شمعات بس اذا بغيت الهوفمان بس لما تخترب الشمعه احسن واللي يسويها الفنيين اللي يشتغلون مو بالشركه يشتغلون لحسابهم الخاص
6- عندك جهاز النروه وهذا انواع واسعار انا اللي عندي فيه مكينه ضغط وكان سعره 800 دينار مو من الراشد من مكان ثاني خذيته بس هالمكان الحين صار تعامله حشاكم زباله
7- غساله 10 كيلو ونشافه 10 كيلو نوعهم هيوبش طبعا هذولي صغار مثل اللي بالبيوت العاديين بس صج ممتازين كد ومد ملوت كراف مو مثل الغسالات الاوتوماتيك العاديين ، ومكاينهم امريكيه اصليه وسعرهم مايتعدى الثنتين 300 دينار طبعا سعرهم هذا تقريبا قبل 3 سنوات وما اتعقد الراشد زداهم وايد ولازه هذولي يكونون عندك بالمصبغه

يا شباب بالنسبه للدراي كلين بعدين بتكلم عنه وراح يكون مفاااااااااااااااجأه بس بروح اصلي وبعدين اكمل موضوعي

 

[ديقول22]

ناطرينك يالغالي واضح عندك خبره كبيره بهالمجال

 

[AL7SAWI]

شوفو الدراي كلين اللي اهوه المكينه الكبيره اغلب المصابغ يخليونه ديكووووووووووووور
ترى احيانا ما يشتغل
فيه الحين شركه بمجمع الرحاب بالدور الأرضي يبيعون غسالات نفس شركة الراشد نوعها سبيد كوين طبعا اهيه نفس الهيوبش ونفس المصنع عموما الغساله اللي اقولكم عنها غساله ام حوض
ومخصوصه للدراي كلين اهيه غساله موديلها قديمه تذكرون الغسالات القديمه اللي فيها عصارة ملابس فوق الحوض هذي اهيه الغساله للدراي كلين طبعا ميزتها انها لما تغسل الهدوم بالماد الخاصه للدراي كلين ما تقط الماده بالبالوعه تتم الماده فيها وتعصر الملابس ولما تعصر الملابس ترجع الماده بحوض الغساله وبجذيه اتمنى اني اكون فهمتكم
طبعا سعر مادة الدراي كلين حاليا 85 دينار طبعا قبل 6 شهور كان سعره 105 !!!

 

[AL7SAWI]

اللي يبي اي شي يراسلني على الخاص وقلبي مفتوح لكم
كلنا اخوان وانشالله افيدكم كثر ما اقدر وابي منكم الدعاء بالتوفيق والزرق الحلال

 

[ابوعبدالرحمن 79]

استفسار

شوفو الدراي كلين اللي اهوه المكينه الكبيره اغلب المصابغ يخليونه ديكووووووووووووور
ترى احيانا ما يشتغل
فيه الحين شركه بمجمع الرحاب بالدور الأرضي يبيعون غسالات نفس شركة الراشد نوعها سبيد كوين طبعا اهيه نفس الهيوبش ونفس المصنع عموما الغساله اللي اقولكم عنها غساله ام حوض
ومخصوصه للدراي كلين اهيه غساله موديلها قديمه تذكرون الغسالات القديمه اللي فيها عصارة ملابس فوق الحوض هذي اهيه الغساله للدراي كلين طبعا ميزتها انها لما تغسل الهدوم بالماد الخاصه للدراي كلين ما تقط الماده بالبالوعه تتم الماده فيها وتعصر الملابس ولما تعصر الملابس ترجع الماده بحوض الغساله وبجذيه اتمنى اني اكون فهمتكم
طبعا سعر مادة الدراي كلين حاليا 85 دينار طبعا قبل 6 شهور كان سعره 105 !!!

ابي الحين يعني الغساله الي تقول عنها نفس شغل الدراي كلين

 

[ابو سلطان محمد]

الله يعطيكم العافيه شباب ماقصرتوو وخصوصا اخص بالشكر اخوي الحساوي واتمنى اخوي الحساوي تتصل علي ضروري ياخوك انا غامرت واموري ابشرك طيبه انشالله لاني قاعد اسوي مصبغة مركزيه يعني مو مصبغه عاديه ادعولي بالتوفيق 66615556 ضروري لان رايك راح يريحني ياخوك واتشرف بمعرفتك

 

[AL7SAWI]

ابي الحين يعني الغساله الي تقول عنها نفس شغل الدراي كلين

اخوي اي نعم نفس شغل الدراي كلين بس البفرق انها مو مثل الدراي كلين بالتوفير بالفلوس
يعني لو تشغل مكينة الدراي كلين تقعد عندك الماده مثلا سنه وبالغساله اللي تكلمت عنها تقعد معاك الماده 7 أو 8 شهور

بس مو للبيوت هذه الماكينه يعني لحد يقرى موضوعي ويتشطر ويشتريها لبيتهم ويغسل ملابسه الشتويه
لانه يبيلها ناس مختصين في الغسيل

 

[AL7SAWI]

اخوي بو سلطان اعتذر منك وانشالله اتصل عليك اليوم
اسف لاني عالايام اللي طافت انشغل وايد وايد وايد

 

[ابوضي]

للرفع نبي نعرف منين اقدر اجيب عمال متخصصين وكذلك منين اشتري اغراض اللي احتاجها في تعليق الملابس وتغليفها وتنظيفها بكميات