صرافة خذا حوالتي وقالي اتوكل على الله شالعمل؟؟؟؟؟؟؟؟؟

[saad52]

محامينا الكرام
انا حولت حواله من احدى شركات الصرافة عن طريق وستر يونين
الي بريطانيا علشان اخوي كان بسافر بنفس اليوم ويستلمها في لندن
لكن حصلت ضروف حف اخوي وماسافر
عقبها رحت حق الشركة بكنسل الحواله لان اخوي ماسافر
جان يقولي الموظف ان الحواله انسحبت في لندن والي ساحبها اخوي مع العلم ان اخوي ماسافر
بعدين قالي الموظف روح راجع الرئيسي وشوف
رحت حق الرئيسي ومعاي ورقه من المنافذ تثبت ان اخوي ماطلع من الكويت في الوقت الي انسحبت فيها الحواله بلندن ووريتهم الجواز ان ماغادر الكويت من كم شهر
جان يقولي المدير العام للشركة بطريقه غير مباشرة <<<اقبض من دبش>>>
شالحل بهالسالفه
ومشكورين مقدما

 

[rahaly]

اخي الكريم ..

اولا لا تذكر اسم الشركة لكي لا نقع في اشكال قانوني ..

ثانيا .. يمكنك الرجوع على الشركة لاسترجاع المبلغ .. وهم اللي عليهم اثبات انه قام المحول اليه باستلام مبلغ التحويل بحسب الاتفاق معك ..

اذا ما اثبتوا بيصدر لك حكم باسترداد المبلغ

والله اعلم

 

[saad52]

الله يجزاك خير على التنبيه من ناحية العنوان

 

[sound blaster]

لما تحول عن طريق الويسترنيون يعطونك باسورد محد يعرفه غيرك؟

ورقم الباسورد سري جداً للغايه .. ولا يتم إستلام المبلغ إلا عن طريق إثبات رسمي للطرف المستلم



شلون تم سحب المبلغ بدون رقم الباسورد السري ..!

أطلب إسم المستلم وراح يعطونك بياناته كامله وتقدر تقاضيه ..


موضوع غريب صراحه

الله يعينك ..!

 

[بو بـدر]

انا قريت اسم الشركة قبل لا يحذف .. وكان برنامج المزين حق الاب توب يشتغل

ومستغرب لانها معروفة صرافة وحوالة مشهورة بالكويت ... واتوقع ان احد الموظفين اياهم له يد بالموضوع

لا تترك حقك وطالب فيه وطالب بتعويض

 

[حامي الديار]

اذا قصدك وستر يونيون بالمطار الي تبع المزيني دزلي خاص وقولي وانا اجهز الربع وطراقات وتكفخ حق الهندي واليمني لمن يعترفون وانتهت السالفه

 

[saad52]

الله يجزاكم الف خير وماقصرتو وسالفتي انا كلها بالرئيسي ورفعت عليهم قضبة خيانة امانه