شركات النصب والتايم شير

[كويتي 24]

السلام عليكم
انا عندي مشكله بموضوع التايم شير

سافرت انا وزوجتي الى مصر شهر 1 /2010
وفي احد المجمعات واجهنا شخص قال لنا في عرض عن المنتجعات وتعال الى المبنى واخذ مني 50 جنيه تسترجع عند وصولي للمكتب
وعند الوصول عملو لي عرض عن القنادق ومنتجع جاردينيا الغردقه
وقالو لي سعر الاشتراك لمدى الحياة لشخصين هوا 28000 جنيه
وانا دفعت مقدم 8000 جنيه والباقي على تقسيط
وقالو لي سوف نرسل لك العقد النهائي خلال 40 يوم والى اليوم لم يوصل لي العقد الى الكويت وبالتحديد الى البيت
واتصلو علي يوم 16/4/2010
وقالي الشخص في تسويه راح اسويها معاك الرصيد المطلوب 20000 الف جنيه وانا راح اسويها لك ب 17000 الف جنيه في حال ارسال المبلغ كامل وانا قلت له لم يوصل لي العقد الى الان وماذا افعل وقال حتصل فيك خلال يومين واشوف الي حصل بالعقد

والسؤال: هل شركه ديسكفري الي انا رحت لهم نصابين لانهم تبع شركة كونتتاتانل للسياحه والسفر
وااذا مادفعت المبلغ الي علي علي اي ضرر لانهم وقعوني على كمبيالات على اقساط شهرية؟
او اني ازور مصر واروح لوزارة السياحه واطالب بفسخ العقد واخذ فلوسي الي هما 8000 جنيه؟
وانا من الكويت
واالرجاء الرد علي باسرع وقت ممكن
وشكرااااااا

 

[rahaly]

المشكلة ان العقد صار في مصر .. والا كنت نصحت بطريقه اخرى تحل فيها المشكلة

انصحك ... لا تسدد لهم ..
شركات التايم شير اكثرهم مو مضبوطين ..

وبدل لا تسدد لهم ويمكن يطلعون نصابين .. خليهم هم يرفعون عليك دعوى في الكويت وانت دافع عن نفسك .. لان اسوء احتمالاتك وقتها ان تدفع باقي المبلغ .. ولكن هذا سيكون رسمي امام محكمة وستحصل على العقد والاوراق المطلوبة

هذا اذا فعلا رفعوا عليك دعوى .. وكان مشروعهم حقيقي


يا اخوان .. يرحم والديكم لا توقعون عقود وتتركون الاصل عند الطرف الاخر .. اذا ما حصلت على نسختك بنفس الوقت ارفض التوقيع !!

والله اعلم

 

[كويتي 24]

انا عندي العقد الي وقعت عليه مع فاتورة دفع المقدم وقالولي خلال 45 يوم من توقيع العقد راح
يوصلك للبيت العقد النهائي من وزارة السياحه ولي يومك هذا ماوصلي شي

وكل يوم يدقون علي بس انا ماقمت ارد عليهم لانهم يبون يسوون تسويه من 20000 الف جنيه
الى 17000 جنيه واحوله على حسابهم
القسط يحل علي اول شهر 5 يعني الشهر الياي

اقدر اطنشهم ومااعطيهم والي راحو علي المقدم ماابيه؟؟؟
واذا رفعو دعوى شنو اسوي هني بالكويت ؟ ولا عادي مايضرني شي دام اني بالكويت وكرت العضويه مااشتغل؟؟؟؟

 

[ويلاني]

أخوي ياليت توضح لي بنود العقد بالتفصيل..وبعدين راح افيدك..

نصيحه للجميع ...لا توقعون مثل هالعقود والله اغلبها كلام فاضي.

 

[rahaly]

انا عندي العقد الي وقعت عليه مع فاتورة دفع المقدم وقالولي خلال 45 يوم من توقيع العقد راح
يوصلك للبيت العقد النهائي من وزارة السياحه ولي يومك هذا ماوصلي شي

وكل يوم يدقون علي بس انا ماقمت ارد عليهم لانهم يبون يسوون تسويه من 20000 الف جنيه
الى 17000 جنيه واحوله على حسابهم
القسط يحل علي اول شهر 5 يعني الشهر الياي

اقدر اطنشهم ومااعطيهم والي راحو علي المقدم ماابيه؟؟؟
واذا رفعو دعوى شنو اسوي هني بالكويت ؟ ولا عادي مايضرني شي دام اني بالكويت وكرت العضويه مااشتغل؟؟؟؟

انصحك بعدم السداد ..
لاني اخشى ان تكون الشركة وهمية او مشروعهم وهمي

اذا اقاموا عليك دعوى .. يعني عالاقل تتاكد من وجود وكيل لهم(محام) وتطلب التسوية معه في الكويت وتطلب جميع المستندات ..

فيكون وضعك افضل ان شاء الله

والله اعلم

 

[كويتي 24]

ماعندهم وكيل بالكويت اهما قالو وحاليا وقفو الاتصال علي لاني ماقمت ارد عليهم
يعني الافضل اني مااسدد والي راح علي المقدم مابيه بس مرة ثانية اوخر عنهم اذا سافرت مصر مرة ثانية

 

[rahaly]

ممكن يوكلون محامي ىفي الكويت

بس احب أطمنك .. هذا النوع من الشركات يكون هدفهم الاستيلاء على المقدم

لا تحاتي ماراح يطالبةنك بشئ .. اللي خذوه كافي بالنسبة لهم

سافر مصر براحتك

 

[اماني الكويتيه]

انا كنت بمصر والله عطونا محاضرة نصب وكلهم حراميه
والحمدالله الله فكنا منهم
الله يرشدك علي الصواب يارب ياخوي

 

[كويتي 24]

مشكورين يا خواني عالتوضيح وانشالله ماتتكرر هالغلطه مرة ثانيه لي سافرنا مصر بلد الي فيها 80 مليون طرار ومرتشي