أولا حسبي الله ونعم الوكيل :
وأنا احط حكم بيني وبينك الله سبحانه يوم القيامه مو الحين واذا انا غلطان الله يحاسبني وعساه يحطني بالدرك الأسفل من النار إن كنت كذاب
واذا انت الغلطان عسى ربي يبريك الذمه
ثانيا أقسم الله أني ما غشيت الريال وأنا سويت فيه معروف انا من طبعي ما اروح احد بيته ابيعه جهازي اتفق معاه مكان بيني وبينه
الاخ قعد يقولي ما عندي سياره وانا رحتله البيت وقعدت عنده بداره الخاصه يمكن نص ساعه اذا مو ثلث ساعه وقعد يفحص الجهاز براحته
عطيته الجهاز بسعر رخيص وارخص من اللي اتفقنا عليه وبينت له ان البطارية
بس الاخ كان متردد
ثانيا انتا شخص كبير عمرك ما يقل عن 35 وما شاء الله رجل ظاهرك ملتزم كونك ملتحي والبيع والشرا عقوده فيها ايجاب وقبول وانتا عاينت الجهاز معاينه نافيه للجهاله ما خليت مكان ما فحصته بس انتا كنت متردد
واقسم بالله وراس ولدي الغالي اني ما غشيت وما كنت ملزم اني ابيع الجهاز عليك
وانت مو قاصر رجل كبير بالعمر وما شاء الله مثل ما قلت ظاهرك ملتزم بالرغم من انك حاط التلفزيون على قناه روتانا سينما على فيلم حسن يوسف قبل لا يعتزل الفن
ومثل ما قلت الله سبحانه وتعالى بيني وبينك وعساه يحطني بالدرك الاسفل من النار ان كنت غاشك على جهاز قيمته ما تتعدا 70 دينار
-----------------------------------
المحلات بالعاده اذا باعوا جهاز على شخص يقولوه افحص براحتك بمجرد ما تطلع من المحل انتا مسئول عنه
-------------
لكني ما قصرت رحتلك البيت وقعدت معاك تقريبا نص الساعه والجهاز ما فيه شي بس قلت لك ان عمر البطاريه قصير بس انتا كنت متردد ...
ومثل ما قلت عقود البيع والشراء ايجاب وقبول ، وانتا فحصت الجهاز بس انتا اللي متردد وانا ما كنت ملزم اني ابيعه عليك ....
ارد واقول الله سبحانه ومتعالى بيني وبينك ، مع العلم بأنك دعيت علي وقلت عسى سيارتك تحترق ....
لو كنت انتا انسان قاصر تحت السن القانوني ما بعتك وجان رديت الجهاز منك بس انتا رجل كبير وعاقل ومسئول عن تصرفاتك بالبيع والشراء وباتهام الناس
والله سبحانه بيني وبينك بالدنيا والاخره
-------------
للرفع حق موضوع الدل :: الجهاز معاه جنطة دل اصلية شكل رائع
والجهاز على ضمانتي لو صار فيه شي يرجع حتى لو بعد سنه
وانشاء الله من اليوم ورايح اي جهاز ينباع بكتب فيه ورقه مع البايع والشاري انا اضمن ان الجهاز ملكي وبحالة ممتازة والشاري يتعهد انه عاين الجهاز معاينه نافيه للجهالة ....
واسف اني دخلت بامور غير البيع والشراء بالمنتدى مع اني معاهد نفسي اني ادش بسلام واطلع بسلام من المنتدى ...
وانا على فكره والله العظيم الكثير من اللي يشترون مني كانوا ياخذون الجهاز من غير ما يفحصونه ويصر انه ما يفحص وانا بعد فتره اتصل عليه اساله عن الجهاز ...
حسبي الله ونعم الوكيل
اكتفي بالرد واتعهد اني ما ارد على اي انتقاد او تجريح او اتهام اكتفي بعرض ما لدي ويبقى على الشراي معاينه الجهاز معاينه تخليه يتاكد ان الجهاز ما فيه عيب ومستعد اقعد مع الشراي طول اليوم يفحص الجهاز
اعتذر من الزوار والاعضاء والمشرفين على التحدث بهذا الامر بهذه الاطاله مكتفيا مثل ما قلت بعرض ما لدي فقط بالمنتدى والشراي من حقه يعاين الجهاز لو اقعد معاه طول اليوم بدوانيتي والا بستار بكس والقهوه علي بعد
واسف مرة اخرى
) 
