الكوادر !!

[بو بـدر]

سلام عليكم

ممكن راي اخواننا القانونيين في الكوادر وتعريفها بالضبط

وهل تختلف من وظيفة الى اخر مثل الاعمال الشاقة لان قبل نهاية هذا الشهر سيتم اقرار الكوادر وماعندنا اي معلومات عنها

الشعب مشغول بالجهل والخصخصة

 

[fayoona74]

الكوادر عبارة عن ميزات مالية يتم منحها للموظف نظير اعمال معينة مثل كادر المحاسبين والقانونيين ووو
وبوجهة نظري مافيها عدالة نهائيا
على سبيل المثال شكو الفتوى اميزينهم عن الباحثين بالوزارات بس لان يلبس روب اسود وينزل المحكمة وبالواقع المذكرات كلها شغل هالمساكين والامة هناك بس تشيل وتودي المحكمة يعني وسيط
طبيعة الاعمال عدا الوقوف امام القاضي لااكثر ولا اقل
خرابيط مرابيط

 

[ابن تيميه]

الكوادر تقر بالواسطه والمحاباه....شكو الفتوى والتشريع بالقضاه؟؟!كيف يتساوون ؟؟ وهناك كوادر تستحق أن تقر ككادر الاطفاء ..رجال الاطفاء في حاله أستنفار دائم بل من منهم فقد حياته كما حدث بسوق الفحاحيل قبل 3 سنوات !!اذا خرج لموقع الحريق لا يعلم هل سيعود ام لا؟؟

 

[قناص_السوق]

اخوي حتى الي ياخذون كادر في منهم مظلومين على سبيل المثال المعلم يشتغل عزك الله ينظف الصف و يرتبه لم يدش يشيل الوصخ و يه طلبته ويمسح الصبوره (مهنة الفراش ) , يشيل اغراض و مجسمات من القسم ليه الصف حتى يشرح عليها و العكس (مهنة الحمالي) , يشيل كتب و دفاتر طلبه (غير حاله ) و يصحح خارج اوقات الدوام , يصحح اختبارت حتى بره اوقات الدوام (مهنة يتعب عليها و تشغل تفكيره طول الوقت و ياخذ اقل مما يستحق ) , يشرف على سلوك الطلبه (مهنة المربي ) , يراقب الطلبه (مهنه المفروض اداريه ) , يصور اوراق , يطبع امتحانات (مهنة الطباع ) , يسوي و يؤلف امتحانات (مهنة المفروض للموجهين و ناس ذو خبره قديمه جدا في المجال ) , يبحث عن معلومات خارجيه لاثراء عقله حول موضوع درسه (مهنه عقله ما يوقف عن التعب ), يحل مشكلات الطلاب , اذا في مشكله خطره و قعت من احد الطلاب يبدأ بالتحقيق (مهنة الداخليه و المحققين ) , يصدر حكم على مشاكل الطلبه (مهنة وزارة العدل و المحاكم ) , يسوي دروس رياديه على مستوى المنطقه (مهنة الممثل حتى يوصل معلومه كيف تكون طرق تدريس ) , يحضر ندوات يحضر دروسه

يعني الكادر شوي بالنسبه له وكذلك وايد مهن مظلومه حتى و اهي تاخذ كادر

 

[حامي الديار]

انشالله يوم الخميس القادم سوف يعلن عن زيادات وبدلات للاصحاب وظائف معينه واقرار معظم الكوادر والزيادات من بين 150 لي 500 دينار .. ونرجو من الحكومه المؤقره النظر لموظفين الطيران المدني نظر لشغلهم وظائف هامه وخطره فهل يعقل المراقبين الجويين يوميا يتحكمون بأكثر من 3000 طائره عابره الاجواء الكويتيه وليس اقل من 300 طائره وصول ومغادره ويتم تجاهلهم يا اخوان المراقب الجوي كان يستلم 390 دينار وبعد زيادة 50 الاولى و 50 الثانيه و 120 دينار صار راتبه 620 هل يعقل هالكلام ؟

 

[ابن تيميه]

الشيخ محمدالصباح ما زال عالقا في أوروبا بسبب البركان وألغاء الكثير من الرحلات هناك!! ربما يتم تأجيل أجتماع الخميس القادم!

 

[حامي الديار]

حجة حكومه رئيس الوزراء قال حق الكويتيين شهر يناير في زيادات على الرواتب وماشفنا شي وبعدين قالوا مايطوف اربعه الا وفيه وللعلم لو اهما بيرجعون جان رجعوا من زمان اهما باريس والاتجاه يكون للشرق الاوسط ماله شغل بالبركان صوب اوروبا وفوق الدول الاسكندنافيه واعتقد عندهم طياراتهم الخاصه مو رايحيين على الخطوط البنغاليه

 

[ابو جراح1]

حكومه العداله

القانونين في جميع وزارات الدوله نفس عمل قانونين البلديه ليش التميز

ونفس التحقيقات ونفس الخبراء ليش التميز يا المتشدقين بالعداله

اطلعو يا ابطال العداله في القروض مثل الراشد والحريتي انتم قانونين وقضاه اين العداله

لايبون تنميه والقانونين في جميع الوزرات مظلومين الذين يعدون العقود مع الشركات العامله للتنميه

 

[ابن تيميه]

ايش صار على أجتماع اليوم ؟

 

[كويتي 24]

الاجتماع لحد الحين جاري وتوه واصلي مسج من خدمه بوراشد يقول الديوان وافق من حيث المبدا على كادر المهندسين في القطاع العام والخاص

وباجي الكوادر للحين جارية

 

[بو بـدر]

الكوادر وخذت ...

 

[fayoona74]

كويتي المدرسين انا اضم رايي لرايك صج فئة مضلومة
الحكومة يفترض تراجع الرواتب كل فترة معينة لاحظو الرواتب يزيدونها بصوب والاسعار تزيد من صوب ثاني شالفايدة مادري
وناس تاخذ بدلات توصل لي 3000 وناس يبخلون عليهم ب100 ويقولون عجز بالميزانية بعدها يطلعلك واحد بالتلفزيون يقولك دخل الكويتي الاعلى بالمنطقة ياخذ فئة بو 3000 دينار وطالع

 

[حامي الديار]

لووول مبروك للطيران المدني ولا عزاء للاخرين وناسه

 

[ضد الاحتكار]

هل كادر الاطفائيين والبيطره معاهم أم لا ؟

 

[يوسفاني]

عطو خلق الله بالتساوي أو وقفو هالمهزله

 

[ابن تيميه]

ما فيه عداله الكوادر ...أكثر من يكرف الممرضي والاطفائين ورواتبهم ضعيفه

 

[حامي الديار]

وليش موظفين الطيران المدني مايكرفون ؟ يستقبلون بالسنه اكثر من 7 ملايين راكب واصل ومغادر او واقف ترانزيت بالكويت ويستقبلون يوميا فوق 3500 طياره مرور او ونازله او طالعه هذا مو كرف من صجك انت الموظفين تعقدوا صارت فيهم حالات هيستريه وهلوسه

 

[قناص_السوق]

المعلمين هم يكرفون و يشتغلون اكثر من مهنه ينظفون صف مهنة فراش يمسحون صبوره يربتبون الصف يصلحون امتحانات يحضرون يبحثون عن معلومات خارجيه يحضرون ندوات يحضرون دروس على مستوى منطقه يراقبون الطلبه يحققون وياهم بالمشاكل يشيلون كتب دفاتر مجسمات او وايد اشياء بعد

 

[بوغالية]

سراحه الكوادر اذا ما تتم بالتساوى اما ان مهنت المدرس شاقه خرررررررررررطى شنو شغلته يحمل كل شي على الطلابه ويقول شاقه من الى يجيب وسائل الطلبه من الى ينظف الصف الطلابه من الى يشيل كتب التصحيح الطلابه نماذج الاختبارات من الاختبارات القديمه والله انتم ما يملا عينكم شي ابن ادم ما يملا عينه الا التراب ................قاطين كل شي على الطلابه واخرتها ........ حنا نتعب غو قولو نبي فلوش مو تشرحلى فوق وعلا باك الناس مقتنعه لا يبه لا

 

[بو بـدر]

مبروك لأخواننا المهندسين ويستاهلون