الجنرال بو عقيل اختفى ؟؟

[مجرد استفسار]

السلام عليكم ورحمة الله وبركاته

مافقدتوا احد بالمنتدى ؟؟

صار له اسبوع مايدخل وهو اعتبره العمود الفقري للمنتدى
وبدونه المنتدى صار ممل ( مع احترامي للجميع )

اتمنى منه ان يعدل عن رايه ويعود الينا حيث اننا لانستغني عن استشاراته
وانا لاحظت انه حاط توقيع ( عضو مستقيل من االمنتدى )​

 

[الـعـتـيـبـي]

انا من قريت التوقيع وحسيت انا ماراح يدخل بس انشاءالله نشووفه عن قريب معانا

 

[al3mlaaq]

والله ونعم فية بوعقيل ولة وحشة وعسى بس محد مزعلة

 

[super90]

والله كل يو ناطره انشاء الله يرجع..واذا يبي بيزات نعطيه!

 

[مجرد استفسار]

والله كل يو ناطره انشاء الله يرجع..واذا يبي بيزات نعطيه!

اشدعواااا ياخوي الرجال صار له سنوات يخدم الناس بهالمنتدى وانت اخرتها
تقول بيزات .. انا ما ارضاها عليه الله يهداك

 

[الشكوىى لله]

ياَخوي الرجـال .. مو مقصر
بس الشرها على بعض الناَس

 

[yousef-1]

انا اشهد انه وافي ولا بقلبه ذرة حسد

وانا اتحدا احد بالمنتدى قرء له وما استفاد

والله اني دعيت له

وأكيد انه عنده ظرف وعسى الله يبارك له بوقته

وان شاء الله انه بخير وعافيه

التمسوا لأخيكم عذر يمكن تعبان او مسافر

والله يشافيه اذا كان تعبان ويرجعه بالسلامه اذا كان مسافر

ويبارك له برزقه
والله وتقبل شكري لأبوي عقيل فأنا حيل استفدت منك

بمقدار يمكن ما اتوقعه​

 

[kha6622]

والله والنعم فيه
رجال باين عليه محترم وأجودي ويحب الخير ونصوح

 

[كويتيه @]

الله يرده سالم

 

[sasa911]

ابو عقيل بيض الله وجهه ....عزالله ماقصر مع الكل .,,,

الملاحظ انه كاتب بتوقيعه ,,, (( عضو مستقيل من المنتدى ))
ولا يستقيل الشخص من اي مكان الا اذا وجد مضايقه او عدم الراحه بالمكان الذي هو فيه !!!!!,,,

ولكن ارجو من اخي العزيز ابوعقيل ...ان يعدل عن قراره بالاستقاله..!!!!

(( اتمنى من اداره المنتدى انصاف هذا الرجل واعطاءه لقب المستشارالمالي والتجاري للمنتدى كاقل تقدير لهذا الرجل المعطاء ))

 

[قناص_السوق]

الصراحه الريال وايد ما قدرو تعبه لانهم حثاله و حساد

وانا اتمنى ان يعود عن قراره و يرجع لان الصراحه هالانسان غامض وساعات احسه بعالم الملاييين لكن من النوع الي يحب ينزل مع كل الطبقات بالمجتمع و يحب يعيش حاله حال الناس


ودي اعرف منو هالانسان بالضبط لكن مع الاسف ما قدرت اوصل لشخصه و منو اهو

 

[تاجر ولكن]

اين انت يا حبيب القلب يا بو عقيل

بو عقيل رجل و الرجال قليييييل قليييييل
أخوك المحفوظ في ذاكرتك
والله يوفقك وين ما كنت

 

[qadsawi]

الله يوفقه ويسر اموره ويرده لهذه المنتدي الرجال يستاهل كل خير

 

[Abdulla990]

من يفعل الخير لا يعدم جوازيه *** لا يذهب العرف بين الله و الناس

الله يجزاه خير على المساعدة اللي كان يقدمها للناس بلا مقابل

 

[Q8Reflex]

يا جماعة ادعو له.....الرجال ما قصر فينا وانا شخصيا استفدت وااااااااااااااااااااااااااايد من كتاباته وردوده.

ادعوا له بظهر الغيب يا جماعه!

 

[لوكيشن]

سلامات يا بو عقيل


عسى ماشر
طمنا عليك
انشاء الله انك بخير