رحلة نسائيه فقط للتاجرات الى الصين

[أم عبدالعزيز]

الرحله الخميس 6/5 لغاية السبت 15/5 من الكويت لهونغ كونغ لمدة يومين وبعدين الصين لزيارة المصانع والأسواق

الرحلة للنساء فقط شامله التذاكر والمواصلات والفنادق ووجبة الافطار فقط .... الرحله تشمل زيارة المصانع والأسواق المهمه مع سيدة كويتيه.... كل الى مهتمه بالرحله تقولي نوع البضاعه الى تبيها علشان نرتب زيارة المصانع وأسواق الجمله .... الرحله انا سويتها لأن عندي مجال واسع بالصين و بالتصدير والاستيراد والشحن وحبيت ان تكون الرحله حريمي علشان الوحده تاخذ راحتها مع الحريم وتشوف ديره وبشر وتتعامل بشكل محترف وتكتسب خبره وثقافه ....

 

[bosa4u]

ياسلام اسلوب منطقي
بس الي اقدر اقوله ارجوكي لا تخربي حريمنا
لانه سفر المراه بدون محرم لا يجوز
وانتي حره بنفسك
والله يهديكي

 

[بادئ التجاره]

رحله موفقه وناجحه ان شاءالله مع وجود المحرم


ويعطيج العافيه علي الفكره والخدمه

 

[هامور 2000]

شنو هل التجاره اللي بتفلح و من اولها بدون محرم

 

[سهمك اخضر]

الله يستر عليج والسفر مع محرم لج جزاج الله خير

 

[القراشي]

الله يهديج انشالله

 

[العثماني77]

المحرم ضروري شرعا ويحميج من الناس وخصوصا بالصين

 

[بايعها]

المره الكويتية ما بقى شي ما دخلت روحها فيه حتى الكورة طقتها وركضت وراها واليوم تغزو المرأة الكويتية اسواق الصين ومع هذا كله كل يوم يطالبون عطونا حقوقنا كاملة !!
شنو باقي وما سويتوه يا كويتيات ؟

 

[bogasem]

ليش حريم ليش مورجال مع حريمهم

 

[سلمان الفهد]

سالفه جديده هذي الله يستر على حريمنا

 

[أم عبدالعزيز]

السلام عليكم ....الرحله فيها حريم كبار بالسن فوق الخمسين مع بناتهم وما يبون رياييل غيرهم معاهم والى ودها تسافر مع محرمها ممكن تصير مجموعه ثانيه للعوايل .... وبعدين الله يهدي الجميع .... وياريت الرجوع الى كتاب الشيخ عبد المحسن بن ناصر العبيكان بخصوص سفر المرأه بدون محرم ...

 

[S500]

السلام عليكم ....الرحله فيها حريم كبار بالسن فوق الخمسين مع بناتهم وما يبون رياييل غيرهم معاهم والى ودها تسافر مع محرمها ممكن تصير مجموعه ثانيه للعوايل .... وبعدين الله يهدي الجميع .... وياريت الرجوع الى كتاب الشيخ عبد المحسن بن ناصر العبيكان بخصوص سفر المرأه بدون محرم ...

ما عليج امر لا تقعدين اتسوين لنا افلام شنو هذا الكلام االلي مافيه عاقل يقبله حريم مايبون رياييل معاهم عشان ياخذون راحتهم وين فاعدين

اذا عندج دليل اذكريه وذكر الدليل بالكتب خطأ وهذا بدايه الجهل

اولا ما اسم الكتاب وكم رقم الصفحه وهل هو رأي شخصي ام اجتهاد من مجموعه مشايخ

وحتى لو افترضنا ان الشيخ اجاز السفر يجب معرفه الاسباب اولا هل للضروره ام لقضاء فريضه ام للسياحه والسفر

ام ان الوازع التجاري لديكي طغى على الوازع الديني

نصيحه لا توثمين بدعوا المسلمين والمسلمات

هذا رابط اذا فيه مجال وماعندج شغل طقطقي فيه لان يمكن يفيدج ولو اني واثق ان اذا كنتي من النوع اللي على قلوبها ران يمكن الموضوع ماراح تمرينه مره ثانيه

http://www.saaid.net/Doat/almosimiry/23.htm



وللأمانه حتى لا اطيل عليكي الموضوع

والله لو المرأه ما تطاوع ابليسها وتلتزم ولو 10 % من امور السنه الصحيحه لما رأيتي المرأه تتجرأ على كثير من الامور المنتشره بمجتمعنا

لا تستغربين من كلامي

انا بالشهر يمكن مره وحده اشارك لكن بعدها بدقائق صندوق الرسائل يفول والسبب انهم يقولون خف على العالم

الهم اهدي نساء المؤمنين اجمعين

 

[ابو ريتاج]

وين ابو عبدالعزيز وراه مايروح يدور للرزق بدالك ..واالا مكبرالوساده ونايم ...الله يصلحكم ان شاءالله ويهديكم اللى الصراط المستقيم ....نصيحه لا تروحين بدون محرم مادام انج تؤمنين بالله وملائكته وكتبه ورسله --- وانتى ان شاءالله مؤمنه -- وعارفه مخاطر السفر للمرأه بدون محرم وعارفه العواقب والاثم والاحاديث الشريفه الوارده عن سفر المرأه ....

 

[اساهيم]

الطاسه ضايعه بالديره ..

هذا اللى حصلنا من عائشه الرشيد ..