مساعدة في العمرة

[buhamood]

السلام عليكم
منو يعرف شنو اقرب فندق للحرم؟
واذا معانا كبار في السن شلون ارتب لهم كراسي مع احد يدزهم؟
كم ساعة من جدة الى مكة بالسيارة؟و بكم؟
وين محلات بيع الاحرام بالكويت؟ و اي نوع النعل اكرمم الله ومن وين؟


جزاكم الله خير

 

[ناصر فيصل]

العمرة

الاحرامات في الجمعيات محل الملابس الشعبيه واذا تبي بالسوق عند المهارة على 1.500 دك التاكسي لموزين حكومي ياخذك من جدة الى مكة سيارة محترمه و سائق سعودي و تسعيره الحكومة 150 ريال سعر ثابت علما صعب تحصل احد يرجعك بنفس السعر اغلبهم يطلب 200 ريال بالرجعة .
الفنادق اقرب شي مقابل الحرم التوحيد و هيلتون مكة و زمزم و المروة .
الكراسي والذي يدزون موجودين بالحرم .

لاتنسانا من صالح الدعاء و بالسلامة ان شاء الله .

 

[بادئ التجاره]

عسي الله يتقبل منا ومنكم بصالح الاعمال ويسهل اموركم

بالنسبه لبيع الاحرامات متوفره بكل محلات الشعبيه مثل ما قالك اخوي

وبالنسبه للنعال (اعزكم الله) يفضل النوع الخفيف الربل

بالنسبه للتوصيل اول ما تطلع من المطار تلاقي بوجهك صف سيارات تكاسي والسعر يختلف علي كبر السياره والاسعار من 150 الي 200 والمسافه تقريبا 90 كيلو يعني نقول ساعه

بالنسبه للدراجه مع اللى يدزهم تلاقيهم قبل لاتدخل الحرم وتلاقيهم هم عند المسعي صافين دور والسعر انت ومدت ايديك
اما اذا تبي دراجه وانت اللى تدزها تاخذ بطاقتك المدنيه وتروح عند تاجير الدراجات وتعطيهم بطاقتك وتاخذ الدرجاه واذا رجعت تعطيهم الدراجه وتاخذ بطاقتك وهذى ببلاش

بالنسبه للسكن عندك التوحيد ويمه الهيلتون ويمه برج مكه ويمه برج زمزم ويمه الصفوه

كلهم يم بعض شوف الانسب لك بالسعر واحجز

ورحله موفقه ان شاءالله

 

[qadsawi]

السلام عليكم بالنسبة لأسعار الفنادق علي جم مثلا التوحيد وهلتون ابي اسعار نصف الاسبوع مو اخر الاسبوع

 

[مرجان]

السلام عليكم بالنسبة لأسعار الفنادق علي جم مثلا التوحيد وهلتون ابي اسعار نصف الاسبوع مو اخر الاسبوع

الهيلتون شهر يناير الماضي كان ب 600 ريال الليله

 

[سهمك اخضر]

تروح وتجي سالم والاخوان كفو ووفو

 

[aq8]

انصحك بفندق الصفووة
من اوورع الفنادق فى مكة ويم الحرم مباااشرة
يعنى تنزل من الفندق الى الحرم مباشرة
وانت بدون نعال اعزكم الله على طوووول
فندق روووعه بمعنى الكلمة