لاصحاب الخبرة العقارية ياريت احد يفيدنا

[abatchy007]

السلام عليكم

سمعت في طريقة الواحد يشتري من اي شخص ارض او بيت بفلوس كاش من عندي مو مال قرض الاسكان ويقدر يخليه باسم نفس الشخص او الشركة بس يسويله توكيل او شي جذي علشان لا يطيح الطلب الاسكاني ياريت تفيدونا بهالشي او اي شي ثاني يفيدنا ولكم جزيل الشكر

 

[rahaly]

ممكن تشتري عن طريق شركة استثمارية .. يفتحون لك محفظة خاصة تسجل باسمك ..
تتسجل الارض باسمهم .. وحقك محفوظ بالارض لانها محفظة خاصة

وطبعا ما راح يبين انك تمتلك ارض

بس اكيد الشركة تطلب رسوم مقابل ذلك .. اتوقع تكون 2 - 3 بالمية

والله اعلم

 

[KUWAIT- STOCK]

تقدر تسوى وكالة عن طريق وزارة العدل غير قابلة للنزع ورسوم الوكالة 500 دينار

 

[أبـــو حــســـن]

الاخ الغالي

ممكن تشتري اي عقار وتسجلة باي شركة استثماريةأو بنك

كــــ ( بيت التمويل الكويتي - أعيان - الخ )

ولكن هناك عدت انظمة للتعامل معهم

1- نظام الاستثمار ( يسجل العقار باسمك مع الرهن لهم )

2- نظام الاجارة ( يسجل العقار بأسمهم وتعطى كتاب تفويض بالاداره)

طبعا اخوي الي يناسبك الثاني لانه راح يسجل العقار باسم الشركه أو البنك الممول

وهذا المطلوب علشان ما يبين بالتسجيل العقاري ان عندك ملك ومحد له عندك شيئ

عموما أخوي للمعلومه شراء الارض كاش او عن طريق البنك تاخذ القرض الاسكاني عليها

ما فيه معارضة من وزارة الاسكان المعارضة تكون في شراء البيت او اي ملك ثاني

ارجوا اني اكون فدتك يا الغالي وارجوا من اخواني المستشارين السموحه لو تعديت عليهم

ولكن حبيت اني اعطيك بعض المعلومات الي عندي

تقبل مني كل تحية وتقدير​

 

[abatchy007]

مشكورين وما قصرتو وبيض الله ويهكم

اخوي ابو حسن ياريت توضح النقطة الاخيرة الي قلتها لأنه بخاطري اشتري ارض والفلوس راح اخذ قرض من البنك

 

[مشاري بو ناصر]

أعتقد أن القرار الجديد إللي أقره بنك التسليف بخصوص المواريث ...

قبل فتره إذا الواحد وارث مبلغ أو طلع له نصيب فوق 200 ألف تقريباَ ماتنزله ألـــ70 ألف كاملة .

القانون الجديد تم تعديله ورفع سقف الورث لغاية 300 ألف ... أحتمال أن يطبق خلال فترة الصيف .

والله تعالى أعلم

لكن سؤال : لنفرض اشتريت الارض وخليتها باسم شركة او محفظه .

شلون راح تنزل القرض عليها ...