ابي اعرف شلون اخذ حقي

[om dodi]

السلام عليكم
اليوم دشيت المنتدى ولقيت رسالة من شخص طال انه يتعرف شوفو الرسالة الي تحت
ابي اعرف شنو التصرف القانوني مع هالاشكال؟؟؟

مرحبا
ممكن نتعرف
عبدالله العنزي 34 سنة كويتى
بكالريوس ادارة
فى مجال نتعرف على بعض نتواصل على الماسنجر
a_aq8@live.com

انتظرج

تنتظر كفنك قول آمين
ليش ان شاء الله عمي ولا ما تشوف نكي ام دودي؟؟؟
يعني أأأأأأأأأأأأأأم عمة عينك ما تستحي على ويهك ريال شواربك ترس ويهك وانته ليلحين تبي تتعرف
ماقول غير الله يعقلك

يعنى انتى تستحين على ووجهج
انتى لو فيج ذرة شرف اصلا ما دشين نت وتشاركين مع الرجاجيل
انتى باختصار
عاااهرة

انا كتبت بقسم الشكاوي وحطيت موضوع في قسم البيع والشراء الي مادش غيره

ياليت الرد باقرب وقت

 

[بو بـدر]

والله شي يفشل ...

العضو اخذ ايقاف واذا تحبين تاخذين حقج مشاركاته القديمة رقمه موجود فيها تقدرين تاخذين الرقم وتشتكين عليه وتحتفظين بالرسائل الخاصة .. والباقي اتركه للقانونيين

 

[Blue Chips]

وقاحه وانحطاط وسفاله غير شكل

والله يكون بعونج

لكن اعتقد انه محتاط ل هالامور وكاتب الكلمه بخطأ املائى.

 

[nabhaan79]

فشله صراحه

بس حلوه شواربك ترس ويهك

شباب هالوقت إذا سمع كلمة شوارب حسباله تقوله صرصور الشوارب صارت موضه قديمه .

قوليله ثاني مره زلفك طول ويهك

بس صارحه إحراج والله ما تسوى عليه

الحمدلله الذي عافانا من ما إبتلى فيه كثير من خلقه

 

[حامي الديار]

اختي اهوا انسان وقح صحيح وهالكلام مايجوز والطعن بشرف خلق الله .. بس بنظري ان مشاركة المرأة الكويتيه خاصه والخليجيه خاصه معا الرياييل بعالم الانترنت او اي مكان عيب عندنا على حسب العادات والتقاليد الي اهالينا تربوا فيها .. والمشكله الحين الخراب انتشر والبنات اختربوا الله يستر عليهم ياريت انلاقي مثل بنات اول الي ماتطلع من البيت ولمن تطلع تنزل راسها .. نبي مجتمعنا راقي بالاخلاق والقيم الاسلاميه هذا الانفتاح الحقيقي والتطور بنظري .. لكن الي نشوفه الحين الي صار كلشي عادي هذا التخلف والانحطاط .. ترا انا مو قبلي ولا متشدد لكن شي يعور القلب لمن اشوف صار كلشي عادي والام تجابل الانترنت وتجابل الرياييل اكثر من بيتها وريلها .. لا تزعلون مجرد راي والله يستر من السانكم

 

[fayoona74]

عزيزتي روحي لاقرب مخفر عندكم وسجلي قضية وهم يطلعونه ويسحبونه وتاخذين حقج ولاتنسين تسحبين برنت من المحادثة اللي صارت

 

[rahaly]

ان شاء الله يكون رد الاستاذة فيونة وافي ..

سوف نغلق الموضوع .. واذا عندك اي استفسار اختي الكريمة راسلي الاستاذه على الخاص ..

بالتوفيق