وينك يا حكومة تنقذينا..؟

[careful_invest]

الحقيقة شاعرين باحباط شديد بسبب الموقف السلبي للحكومة ممثلا بمكتب الاسثمار وعدم تحركها لانقاذ البورصة وصغار المستثمرين من حالة السقوط المستمر بسبب الارهاب. هذا الموقف السلبي يؤكد انتصار الارهاب بزعزعة الاقتصاد الكويتي وهروب رؤوس الأموال..الله يعز السعودية اللي أيام الارهاب ضخت سيولة كبيرة ورفعت البورصة عشان تؤكد قوة اقتصادها..أما عندنا فوالله مو ملحقين ولا شاعرين بمتعة التداول وصار واقعنا من أزمة الى أزمة..من اكتتابات جديدة بالهبل..صعود الفائدة..ارهاب..أزمات سياسية..استجوابات..شنو هالديرة اللي عايشة على كف عفريت..رؤوس المال راح تطير والسبب سلبية هالحكومة التعيسة..الله يعين الشعب الكويتي مو شابف راحة البال مع هالواقع التعيس...

 

[فارس العنزي]

بسم الله الرحمن الرحيم

والله يعز كويتنا بعد والله يخليهم لنا ذخر شيوخنا ، والحمدلله شناقسنا ، وتبي دايم ربحان ، إذا سعر سهمك نازل إنطر وبإذن الله بيرتفع وعندها بتبيع وبتربح ، وإذا عندك بيزات زايده فرصه إشتر دام السوق نازل ، مهما صار ديرتنا مافي أحلى منها ، وشتقولون ، طول بالك يالغالي وإن الله مع الصابرين

 

[المقرود]

أخوي: لو كان سبب الهبوط هو الأحداث الأخيرة ، جان شفت الهبوط القوي أمس مو اليوم

السبب هو اللعب اللي قاعد يصير من الشركات ونهب الأموال

 

[almotaktak]

مثل انجليزي

في مثل انجليزي قريته يا بالمنتدى هذا او بالنوادي انه لا تدخل البورصه إلا إذا رأيت الدماء تسيل ( (
ويا ريت في سيوله جان خذيت بس اللي ما له حيله غير الصبر يصبر وعليكم بالدعاء
أتهزأ بالدعاء وتزدريه وما تدي بما فعل الدعاء
سهام الليل لا تخطي ولكن لها أمد وللأمد انقضاء

 

[فارس العنزي]

صورة جميلة يالمتكتك ، بس ليش ما عزمتنا على القهوه ، عليك حق ، تصدق حطيتها خلفية لجهازي

 

[almotaktak]

هلا والله

هلا اخوي فارس العنزي
والله بيني وبينك هالصورة تثير فيني مشاعر شجون وفرح بنفس الوقت
ودائما اتخيل نفسي قاعد يم هالبدوية وقاعده تصبلي قهوة والعن ابو الاسهم كلها ههههههه
وبما ان الرجل الشرقي غيور بطبيعته ما عزمت احد على القهوة هههههه