مساعدتكم عن فرنسا

[أصيل العود]

السلام عليكم




ابي مساعدتكم بخصوص فرنسا


1- شنو طلبات السفاره للفيزا

2- وين مكان السفاره في الكويت

3- الي يعرف مندوب يسوي الفيزا يعطيني رقمه

4- افضل وقت للسفر ويكون كل شي رخيص والجو حلو وكل الاماكن السياحيه مفتوحه ما تكون مغلقه

وشكرا لكم

 

[belia90]

وعليكم السلام
أول شي تدق على 1808080 وتقولهم أبي مكتب القبس للسفريات ( الوكيل الوحيد لإصدار الفيزا لفرنسا ) يعني لو تروح حق السفاره يقولولك روح حق مكتب القبس
آنه رحتلها بالصيف غاليآ موسم سياحه
أرخص وقت حق أوربا عمومآ بالشتاء غلى نهاية شهر 4 ( لحق ياولد )

وبالتوفيق

 

[fayoona74]

اوروبا بالشتا ماتنبغا وايد برد
احلى وقت للسفر والاستمتاع بالاماكن السياحية من وجهة نظري بالصيف

بالنسبة للفيزا اغلب السفريات يطلعون الشنغن وطلباتهم يبون صور شخصية والجواز ولازم تدفع حق تأمين بعد

 

[بو بـدر]

بخصوص الفيزا مندوب يخلصها ويا كثرهم

افضل وقت عندي شهر 6 و 7 واحيانا اوروبا بالصيف يحوشهم حر واغلب اماكن غير المجمعات مايكون فيها تكييف

وحالياً فرنسا بارده درجة الحرارة بين 3 الى 14 وبالنسبة لنا برد

موفق

 

[أصيل العود]

انا كلمت المكتب اللي راح احجز منه التذكره هو راح يسوي الفيزا لي شنغن حوالي ال50 دينار الظاهر شامل التامين

عموما يعني ما ينفع اخذ نص كم لازم كم طويل وبلوفر وجاكيت عدل

 

[belia90]

آنه رايح تاريخ 11/6/2010*
إذا تبي تستفسر عن شي معين حاظر

 

[Man On Fire]

طيب يا اخوان منو يعرف مندوب ثقه اعطيه الاوراق لمطلوبه لي ولاهلي ويطلع الفيزا لنا
بس من غير حضورنا لاني حاليا مسافر لاكن بخلي اخوي ياخذ الجوازات ويسويها
هل يصير كذا
غير كذا اذا احد الجوازات سعودي عادي او فيه مشكله لازم الكل كويتي

ومشكوريين