مساعده

[WAKEE7]

السلام عليكم

شباب ابي اسافر تايلند اشتري بضاعه ومحتاج مكاتب شحن تكون ثقه

بتايلند وعندها مكاتب بالكويت على شان الكميه مو كبيره يعني مو كونتينر

وماابي اشحن بالطياره تكلفني اذا احد يعرف مكاتب شحن بالكويت افيدوني

جزاكم الله خير والكميه بحدود 200 الى 300 كيلو ومشكورين

 

[هامور 2000]

يا اخوي انا ايب ملابس يهال من تايلند و اشحنهم عند المكتب اللي بحطه لك بس بالغالب اشحن اغراض اللي الاهل شارينها من السوق

المهم خل يكتب لك امتعه شخصيه بورقة الشحن عشان الجمارك اهني يمكن تلقي لك دبره معاهم و حط على الوجه ملابس مستعمله اذا كانت بضاعه

و اقفل جناطك لان انامره راحت لي ساعه و مره راحوا لي جناط سحب يدد لافهم على جناطي و ما دريت من الكويت و لا من هناك بس على حجي اللي بمطار الكويت يقولون الهنود اللي ينزلونالجناط من الطياره اكبر حراميه


اما المكتب صار لي سنين اتعامل معاه بصراحه ثقه

الاهل ما يتسوقون الا من مجمعات تايلند و تعال شوف الجناط

المكتب اسمه الجزيره للسفر و السياحه
اللي يشتغلون فيه مسلمين

المكتب بمنطقة نانا او قريس

رقم التلفون 6626555215 - 0819277551
ابو اكرم

و اي اتفسار حاضر يا الحبيب

و موفق خير