دورة المؤشرنت للتحليل الفني
50 دينار كويتي
اخواني سعر اليوكن ب 11.500 ، ويعطونك ألف دينار .
يعني 10.500 . كاش ، وطبعا مواصفات عاديه 2 4 وليس 4 4 .
يعني حاليا موديل 2010 بسعر 10.500 لغاية شهر مارس يعني باقي سبوعين بس على العرض .
موديل 2009 مستعمل مواصفات عاديه ماشي فوق ال 15 ألف ما ينزل عن الـ 9.200 ويوصل 9.500 . وخاصتا لو كان لون اسود .
طبعا في فرق بين موديلات 2009 و 2010 ، وبين موديلات 2008 و 2007
2010 - 2009
1- كاميرا خلفية بالمنظرة وسنسر خلفي .
2- غيار الجير 6
3- إضاءه داخليه متدرجه .
4- 8 سلندر فورتيك 5.8 .
5- هبوط وصعود صوت المسجل او الرادو على حسب الدوسه ( مزاج ) .
6- إشارات اليمين واليسار صايره طواليه .
7- تشغيل عن بعد مع التبريد في وقت الصيف يعني قبل لا ادش سيارتك تستقبلك في وضع بارد علشان تقدر تقعد على الكشن شهر 6و7و8.
8- بالاضافه إلى مميزات 2007 و 2008
2008 - 2007
1- سنسر خلفي .
2- غيار الجير 5 .
4- 8 سلندر فورتيك 5.6 .
6- إشارات اليمين واليسار صايره دوائر .
7- تشغيل عن بعد مع تشغيل المكيف حسب الوضع الاخير .
اليوكن العادي ( مافيه شاشة ونافيجيشن - مافيه سقف - الكشنات عاديه ليس جلد )
يوكن slt ( شاشة - سقف - جلد لو بغيت - تبريد لو بغيت - نافيجيشن - ويمكن مو أكيد الدبه الخلفيه تبطل بروحها )
الدينالي + الكدلاك = نفس الشي . حاله خاصه اللهم ليت الزنون . وطبعا 2009 + 2010 نفس الشي ، لكن الموديلات الثانية الكدلاك اقوى من الدينالي فيها .
س سؤال لو جستي
ليش حاط بتوقيعك ان التاهو يفرض خيبته
وهل جربت التاهو والا عشان عندك يوكن قلت جديه ؟
بمعني ادق
شنو الفرق بين التاهو واليوكن ؟
مقارنه من حيث
1-المواصفات
2-السعر
اتمنى تكون الاجابه منطقيه مدعمه بحقائق
لاني ناوي اشتري واحد من الثلاثه يوكن_ تاهو_اكسبدشن
مراقب اسهم قول واحد من الاثنين يوكن وتاهو او اكسبدشن لانهم نفس الشي انا عندي يوكن واسويله صيانه عند الغانم واشوف يوكنات واجد عند مركز من الدعاميه للدعاميه فانصحك تاخذ يوكن او تاهو وتترك منك الاكسبدشن
ممم حلو سؤالك حلو
أولا أخوي كلمة اليوكن يفرض هيبته أصحاب اليوكن يحطون جذي واصحاب التاهو يحطون يفرض خيبته ، يعني لعب عيال غشمره لا اكثر ولا اقل اليوكن والتاهو مفصخ أفضل من لاند كروز 8 سلندر كامل المواصفات او من لنكون كامل المواصفات معروف يعني شوف سجله التاريخي وقوته بسعره وشلون الطلب عليه خليجيا وعالميا وانت تعرف .
عموما أخوي بالنسبه لليوكن والتاهو ماكو فرق وايد لكن في فرق بالبيع وبنفسية البيع بالمستقبل يعني ....
اليوكن أغلى من التاهو واضمن وقت البيع
الشباب يطلب اليوكن اكثر
تطور اليوكن بسنه عن التاهو دائما وغالبا ورسميا
مثلا اليوكن 2010 فورتيك 5.8 ولكن التاهو 5.6 !
المكينه تفرق لأن اليوكن له مصنع خاص من جنرال موترز مصمم بعناية بشاهدة المنتديات الامريكيه عكس التاهو صنع وبس .
يعني مهتمين بالكدلاك واليوكن ولنكون اكثر من اي سيارة ثانية يمكن لأن تحمل اسم اختصار الجنرال موترز .
من داخل نفس الشي اليوكن والتاهو
بالنسبه حق أستخدام الحرس الوطني والحرس الاميري بالكويت يستخدمون اليوكن للحماية لقوة هذه السياره وسلاستها وسرعتها رغم ان جيب ضخم
يعني الحكومة الامريكيه تخلي رئيس الدوله بجيب كدلاك مثلا والحرس ملوته دينالي يوكن .
يعني اعتقد عرفت شنو الفرق العام ... لو تبي فرق انه اقدر اقولك شنو الفرق اكثر من جذي لكن حط في بالك اليوكن اصرف من التاهو .
التاهو افضل سيارة جيب شبابيه وعائليه وللبر وللقنص وللنقل وللمشاوير وكل شي . فما بالك لو كان يوكن .
لكن لاحظ تأخر التاهو في كل شي لمدة سنه او سنتين من اليوكن نفسه . يعني ينزل شي باليوكن بعد سنتين ينزل بالتاهو او سنه احيانا وهذا تاريخ اليوكن والتاهو . لكن كلمة يفرض خيبته من الناحية الشكليه الخارجيه وهذا كلام شباب لحد يدخل فيه تتعبون :d
انا ما انصحكم بالتاهو لي انه شعارة صليب *†
هلا بالطيب
نصيحتك على راسي من فوق
بس والله الفورد الاكبدشن نااااعم مركوب حلو واستعمال كد ومد
ويادي الغرض وواسع من اللي بفرض هيبنه وحتى اللي يفرض خيبته اليوكن والتاهو ب 7 سم وفيه ميزات اكثر من اليوكن على سبيل المثال الكشنات اللي ورا السائق الصف الثاني والثالث تنطوي بشكل انسيابي ((منبسط)) اذا بتنام ماينقصك الا دوشق وحط راسك وارقد او اذا انت بتشيل غراض تروح سيارتك مع الحمال بسوق الجمعه او غيره وانت وااااثق من غير لا تشيل الكشنات وتطلعهم بره واتلعوز مثل اللي يفرض خيبته والثاني اللي يفرض هيبته القير ارضي الوقود فيه ميزه حلوه بانه ذاتي وايضا فيه ميزه جديده وحلوه نظام تبريد الجاف يمشيك 120كم بوضع طبيعي اذا ضرب عنك الراديتر او االغايش او طرمبه الماي
++ صحيح بالبيع ماله رغابه ولكن هذي مشكله القدر والمنطق المقلوب ليش احنا مانغير ليش كله نمشي مع التيار ليش كله ما نحسب الانفسنا ونحسب حسبت غيرنا اذا بغينا نشري سياره نفكر باللي يشتريها اول
الله يخليك لاهلك
كفيت ووفيت
بس من ناحيه السعر بالبيع هذي انا مو معاك فيها
اليوكن بالوكاله يفرق عن التاهو ب 500 ____700دينار على الاقل تقريبا
والعمليه تصير نسبه وتناسب قيس على ذالك الين ماتوصل البيع بالحراج
لذالك علينا ان نكبر ونحجم هذه المنسأله بالبييع يعني عادي تلقي التاهو اقل سعر من اليوكن بالحراج او مكاتب السيارات من 200_400 دينار وقت البيع بعد استعمال سننتين او ثلاثه
العمليه عاديه
انا ما انصحكم بالتاهو لي انه شعارة صليب *†
ياخي اليوكن خشتة قوووية والله عجيب !!
و اذا ياك دينالي 100%
لاند كروزر داخليةمثل الكامري 16200
يوكن دينالي فل اوبشن تقارن مواصفاتة بالاند كروزر vxr الي ب19200
سعرة 16200 يعني سعر كروزر الاقرع
اليوكن لة سعر بالسوق و الاند لة سعر في السوق
وصراحة كراج بهبهاني اليديد لاتسولف اقوي كراج بالكويت
شكرا
دورة المؤشرنت للتحليل الفني
50 دينار كويتي