شنو الحل مع التنفيذ المدني

[القراشي]

انا كان على مبلغ وكان علي منع سفر والقاء قبض وسويت تظلم وشلت منع السفر الاني قاعد اقسط المبلغ بس بالتنفيذ موجود علي القاء قبض شلون اشيله رغم اني اسافر ومحد ذكرلي بالمراكز الحدود ان علي القاء قبض شنو الحل الحين مع التنفيذ المدني

 

[عبدالمذرى]

تعطى اى واحد توكيل ويعرض فواتير السداد على قاضى التنفيذ واذا انت منتظم احتمال يشيله اذا كان عليك اداء جزئى مو كلى

 

[rahaly]

منع السفر ماله علاقة بامر القبض ..

تقدر تعمل تظلم من امر منع السفر

اما امر الضبط فتحضر عند قاضي التنفيذ ويشوف التزامك بالسداد شهريا وان شاء الل هيرفع الضبط

والله اعلم

 

[القراشي]

ماقصرت والله يعطيك العافية

 

[القراشي]

انا ملتزم بالدفع من سنه ونص لان يستقطعون من راتبي وشلت منع السفر ومن سنه ونص اسافر واموري زينه لين واحد بالتنفيذ قال علي القاء قبض بس شلون واحد عليه القاء قبض ويسافر وتمشي معاملاته بالداخليه عادي والقاء قبض بس بالتنفيذ حق الصليبيه مو نفس الشي الداخلية

 

[almatire]

بكره الصبح راح تطلع فرقه من التنفيذ الى مراقبه المستودعات بس اتمنى تكون لابس البدله البيضاء

 

[القراشي]

بكره الصبح راح تطلع فرقه من التنفيذ الى مراقبه المستودعات بس اتمنى تكون لابس البدله البيضاء

اوكي ناطرك يا بوعبدالرحمن

 

[q82007]

افضل شي حاول بتسويه مع الدائن وتثبتونها لدى ادارة التنفيذ بحيث يطلب الدائن رفع كافه الاجراءات او بعضها على حسب الاتفاق بينكم مع العلم ان المبلغ المستقطع من راتبك عن طريق الحجز على الراتب لايلزم الادارة ولا الدائن برفع الضبط وفيه طرق اخرى ولكن افضلها هو ماذكرت

 

[القراشي]

افضل شي حاول بتسويه مع الدائن وتثبتونها لدى ادارة التنفيذ بحيث يطلب الدائن رفع كافه الاجراءات او بعضها على حسب الاتفاق بينكم مع العلم ان المبلغ المستقطع من راتبك عن طريق الحجز على الراتب لايلزم الادارة ولا الدائن برفع الضبط وفيه طرق اخرى ولكن افضلها هو ماذكرت

أن كان على الدائن يبي فلوسه كاش وموراضي بالتقسيط شنو الحل الثاني علشان ارفع ضبط ؟
بالكمبيوتر والرقابه الامنيه ماعلي اي شي بس بالتنفيذ المدني
للعلم المبلغ نفقه زوجيه فقط

 

[q82007]

أن كان على الدائن يبي فلوسه كاش وموراضي بالتقسيط شنو الحل الثاني علشان ارفع ضبط ؟
بالكمبيوتر والرقابه الامنيه ماعلي اي شي بس بالتنفيذ المدني
للعلم المبلغ نفقه زوجيه فقط

يبقى الاشكال وهو يحق لك مره واحده ولن يفيدك لو قمت به حاليا حيث يرفع الضبط لمده شهر وبعدها يشطب الاشكال ويقوم الدائن بطلب الضبط مره اخرى وتكون الإستفاده الحقيقيه منه في حاله لا قدر الله تم ضبطك
يبقى لديك التقدم لقاضي النتفيذ بطلب عرضك عليه وتطلب منه تقسيط المبلغ وتحاول ان ترفق مايثبت انك معسر من اقساط وغيرها وانك مستعد للتقسيط ودفع حتى جزء من البلغ ان استطعت وانصحك بتوكيل من ينوب عنك لكي لايقوم القاضي بحبسك في حاله رفضه والامر يكون بتقدير القاضي والله يعينك

 

[القراشي]

يبقى الاشكال وهو يحق لك مره واحده ولن يفيدك لو قمت به حاليا حيث يرفع الضبط لمده شهر وبعدها يشطب الاشكال ويقوم الدائن بطلب الضبط مره اخرى وتكون الإستفاده الحقيقيه منه في حاله لا قدر الله تم ضبطك
يبقى لديك التقدم لقاضي النتفيذ بطلب عرضك عليه وتطلب منه تقسيط المبلغ وتحاول ان ترفق مايثبت انك معسر من اقساط وغيرها وانك مستعد للتقسيط ودفع حتى جزء من البلغ ان استطعت وانصحك بتوكيل من ينوب عنك لكي لايقوم القاضي بحبسك في حاله رفضه والامر يكون بتقدير القاضي والله يعينك

ماقصرت اخوي
زين يصير الحين اسوي كتاب حق قاضي برفع الضبط لاني ملتزم بالتقصيد من سنه ونص وان رفعت منع السفر علشان يرفع الضبط عني

 

[q82007]

القسط الحالي شلون تم عن طريق حجز من التنفيذ على الراتب من وزارتك

 

[القراشي]

القسط الحالي شلون تم عن طريق حجز من التنفيذ على الراتب من وزارتك

اي نعم يتم استقطاعه من الراتب كل شهر بموجب حجز على الراتب من دوامي

 

[q82007]

تقدر تقدم الكتاب ومرفق معه اي مستند ممكن يساعد والمبلغ المستقطع منك لن يجزي ليقنع القاضي تحاول انك تذكر في الكتاب باستعدادك بدفع جزء من المبلغ والاتزام بقسط شهري غير المستقطع منك ووكل احد بدالك لتقديم الطلب للقاضي وان شاء الله يرفع لك الضبط من غير ما يشترط موافقه المدعي

 

[القراشي]

تقدر تقدم الكتاب ومرفق معه اي مستند ممكن يساعد والمبلغ المستقطع منك لن يجزي ليقنع القاضي تحاول انك تذكر في الكتاب باستعدادك بدفع جزء من المبلغ والاتزام بقسط شهري غير المستقطع منك ووكل احد بدالك لتقديم الطلب للقاضي وان شاء الله يرفع لك الضبط من غير ما يشترط موافقه المدعي

ليش في مشكله لو انا رحت بنفسي وقدمته

وجزاك الله الف خير اخوي

 

[q82007]

ليش في مشكله لو انا رحت بنفسي وقدمته

وجزاك الله الف خير اخوي

حياك الله

فيه مشكله لانه ممكن يأمر بحبسك لحضتها وتجنبا لهذا الاحتمال تحضر انت وشخص تثق فيه وباسلوبه لدى ادارة الثوثيقات وتعمله توكيل خاص بالقضيه وهو يمثل امام القاضي بدالك ويشرحله ظروفك ويقدم المستندات وان شاء الله يقسطلك

 

[القراشي]

الله يوفقك يارب وصج ماقصرت

 

[q82007]

الله يوفقك يارب وصج ماقصرت

اجمعين ان شاء الله

واي استفسار حاضر

 

[القراشي]

اجمعين ان شاء الله

واي استفسار حاضر

تسلم والله اخوي
زين شرايك انا الحين صاري سنه ونص على هذا الوضع بس علي ضبط واحظار بس بالتنفيذ المدني واسافر عادي وبالرقابه الامنيه ماعلي شي وقعد لين ماكيش المبلغ باقي 1400 بس وان انمسكت ياعالم متى وادفع المبلغ وخلاص ويكون صار اقل شرايك ؟

 

[q82007]

الضبط والاحضار ماله علاقه بمنع السفر ممكن يكون عليك احد الاجرائين او جميعهم

وبخصوص الضبط الحمد لله أن المبلغ بسيط وانصحك بشده إذا المبلغ متوفر معاك تتوجه لإدارة التنفيذ قسم الاحوال الشخصية وتدفع المبلغ المطلوب ويرفع عنك الضبط فورا

لأنك لو انتظرت حتى يتم ضبطك مثلا في تفتيش ما في احد راح يأخذ منك المبلغ ويقول توكل على الله
اجرائهم المتبع تسلمك نقطه التفتيش لإدارة معاونة التنفيذ المدني في الصليبيه ويتم حجزك حتى تعرض على قاضي التنفيذ في يوم عمل رسمي وهناك تقوله أنا مستعد ادفع وبعد ماتدفع يتم الافراج عنك يعني فيها بهذله تقدر تتجنبها وبالتوفيق