يطلقني وأنا حامل

[بنت السناعيس]

السلام عليكم ورحمة ربي وبركاته ..

خواتي .. وإخواني ..

صديقه لي متزوجه منذ 8 أشهر ، حامل منذ شهرين إختلفت مع زوجها قبل اسبوع والسبب وأهمه في طريجهم للدكتور قالها أبيج تروحين لأهلي قالتله آنا تعبانه اليوم , من حرته إنها ماوافقت تروح لأهله قالها وانتي طالعه للدكتور قوليله ابي يطيح اللي في بطنج عشان أقدر أطلع حرتي فيج ( يقصد الطق ) :: طلعت صديقتي للدكتور والالم والبكي ذابحها وماقالتله .. لما خلصت من الدكتور .. قالها زوجها آنا ندمان على اللي قلته ( بكل بساطه ) وإمشي نرد بيتنا // قالتله آنا ما أثق فيك بعد ما كنت تبي تذبح اللي بطني ووداها لأهلها ::

اسبوع كامل ماسأل عنها // واليوم دق عليها وأهوه متخذ قراره ويقولها آنا أبي أطلقج يوم الأحد بالمحكمه !!!!!!!!!!!!!!!! وخلاص ماأبيج ..بس قوليلي اللي في بطنج مات ولا لأ عشان أقول للمحكمه إذا سألوني !! ردت عليه صديقتي ( مو شغلك .. شي ما يهمك .. وسكرت التلفون ) ..

صار عند الأهل من كل الطرفين خبر .. وكانه رده لهم السكوت وخلاص آنا بطلق .. البنت خوش بنت لكني بطلق ( رجل غير مسئول )

السؤال يقول .. شنو اللي على صديقتي ؟؟ وشنو اللي لها ؟؟.. وهل تقدر تثبت عليه الضرر ( ضرر قساوة الكلام أو الفعل من إنه يبي يذبح الطفل عشان يطق البنت ) ..

وجم راح تكون نفقتها ؟؟ وإشكثر عدتها ؟؟

جزاكم ربي جنته على مروركم .. أو دعاؤكم .. وحسبي ربي على كل من ظلم بنت من غير سبب​

 

[fayoona74]

حسبي الله ونعم الوكيل فيه
شوفي اختي اذا عندج شهود ممكن تطلبين طلاق للضرر او ان تثبتين حالة بالمخفر انه هددج باللي في بطنج الله يحفظه ويوقعونه تعهد وتاخذينه كدليل بالمحكمة ويحق لج اذا يه ولدج بالسلامة
نفقة عدة
نفقة متعه ( مذهب سني)
نفقة الطفل
اجرة حضانة
اجرة مسكن
اجرة خادمة
سيارة وسايق في بعض الحالات

جم تقديرية للقاضي حسب كل حالة

ولج انج تطالبينه بنفقة الزوجية اذا كان ماينفق عن سنتين كحد اقصى

 

[rahaly]

لا ارى ان هذا القول رغم قسوته سيكون موجبا للطلاق ..
لان الضرر بالقول يجب ان يكون مما (يستحيل) معه استمرار الحياة الزوجية ...
وليس اي قول ... ويجب ان يكون سب وشتم .. وليس مجرد قول قاسي
(والا كان نص بنات الديرة تطلقوا)

وهذا في المذهب السني ... اذا جعفري .. تستكون قضية الطلاق معقدة وصعبة جدا (اذا كان قول فقط) ..

انا رأي .. انج تتعوذين من ابليس .. وهذه الامور تحدث بين اي زوجين وبخاصه في بدايات الزواج .. وبسبب صغر سن الزوجين وقلة الخبرة ...
والصلح خير .. وبخاصة بوجود ولد ... الصلح خير .. الصلح خير

وان شاء الله قربا نسمع خبر جميل يقول ان الزوجين تصالحها ورموا الخلاف وراء ظهريهما الى غير رجعه .. والله الموفق


والله اعلم

 

[عبدالمذرى]

لا ارى ان هذا القول رغم قسوته سيكون موجبا للطلاق ..
لان الضرر بالقول يجب ان يكون مما (يستحيل) معه استمرار الحياة الزوجية ...
وليس اي قول ... ويجب ان يكون سب وشتم .. وليس مجرد قول قاسي
(والا كان نص بنات الديرة تطلقوا)

وهذا في المذهب السني ... اذا جعفري .. تستكون قضية الطلاق معقدة وصعبة جدا (اذا كان قول فقط) ..

انا رأي .. انج تتعوذين من ابليس .. وهذه الامور تحدث بين اي زوجين وبخاصه في بدايات الزواج .. وبسبب صغر سن الزوجين وقلة الخبرة ...
والصلح خير .. وبخاصة بوجود ولد ... الصلح خير .. الصلح خير

وان شاء الله قربا نسمع خبر جميل يقول ان الزوجين تصالحها ورموا الخلاف وراء ظهريهما الى غير رجعه .. والله الموفق


والله اعلم

كل يوم يزيد اعجابى فيك


والله يكثر من امثالك لانك تمدح الصلح وتذم الخراب


وعسالله دايم يصلح بيتك ونيتك

 

[figo_2776]

نادي الي اكبر منكم تصاحلوا احسسن شي كثري الصلاة ماتوفيق الا باللللة

 

[مودQ8]

المشكلة ليست الا خلافات زوجيه لي الحين احنا باول الموضوع واحتواءه سهل جدا من الزوجين نفسهم دون تدخل احدوالنزاع لازال تحت السيطره ولم يصل القضاء واذا وصل القضاء يصير خير
اما موضوع الطلاق فهو حق يملكه الزوج وممكن ان يوقعه القاضي وكذلك الحضانه والنفقه كل هذا نظمه القانون بس لازال الموضوع باوله
شكرااااااااااا

 

[القراشي]

لا ارى ان هذا القول رغم قسوته سيكون موجبا للطلاق ..
لان الضرر بالقول يجب ان يكون مما (يستحيل) معه استمرار الحياة الزوجية ...
وليس اي قول ... ويجب ان يكون سب وشتم .. وليس مجرد قول قاسي
(والا كان نص بنات الديرة تطلقوا)

وهذا في المذهب السني ... اذا جعفري .. تستكون قضية الطلاق معقدة وصعبة جدا (اذا كان قول فقط) ..

انا رأي .. انج تتعوذين من ابليس .. وهذه الامور تحدث بين اي زوجين وبخاصه في بدايات الزواج .. وبسبب صغر سن الزوجين وقلة الخبرة ...
والصلح خير .. وبخاصة بوجود ولد ... الصلح خير .. الصلح خير

وان شاء الله قربا نسمع خبر جميل يقول ان الزوجين تصالحها ورموا الخلاف وراء ظهريهما الى غير رجعه .. والله الموفق


والله اعلم

بيض الله وجهك وهذا كلام العدل
مو اطلبي طلاق ونفقه وخادمه
وخرب بيوت الناس

 

[ديوان الباشا]

حتى لو بترفع عليه قضيه ماراح يكون فيه اثبات !!

ومثل ماقال اخونا الصلح خير

 

[بحريني1972]

لا ارى ان هذا القول رغم قسوته سيكون موجبا للطلاق ..
لان الضرر بالقول يجب ان يكون مما (يستحيل) معه استمرار الحياة الزوجية ...
وليس اي قول ... ويجب ان يكون سب وشتم .. وليس مجرد قول قاسي
(والا كان نص بنات الديرة تطلقوا)

وهذا في المذهب السني ... اذا جعفري .. تستكون قضية الطلاق معقدة وصعبة جدا (اذا كان قول فقط) ..

انا رأي .. انج تتعوذين من ابليس .. وهذه الامور تحدث بين اي زوجين وبخاصه في بدايات الزواج .. وبسبب صغر سن الزوجين وقلة الخبرة ...
والصلح خير .. وبخاصة بوجود ولد ... الصلح خير .. الصلح خير

وان شاء الله قربا نسمع خبر جميل يقول ان الزوجين تصالحها ورموا الخلاف وراء ظهريهما الى غير رجعه .. والله الموفق


والله اعلم

ماشاء الله تبارك الرحمن ماادري شنو اقول عنك !!!!

حكيم

ودي اقول عسي ربي يوفقك ويكثر من امثالك يعني رد صراحه دبلوماسي

قانون + نصيحه

اتمني لك التوفيق ان شاء الله

 

[nabhaan79]

لا حول ولا قوة إلا بالله

على طول سألتي عن النفقه والفلوس

واللي في بطن رفيجتج مالها حق عليها تتحمل شوي ، الرجال يمكن ما قدر مشاعرها وإهي حامل بس مو لهالدرجه خلاص تبي تتطلق وتصير حساسه حيييييييييل

خليها تتعوذ من إبليس وتخلي سالفة المحكم والطلاق آخر شي

لأنها إذا راحت المحكمه هذا معناها إنها ما تبي تحل المشكله لأن أكثر الرجاجيل من تروح المحكمه خلاص ما يردها يعتبر الحل مفقود

وأنا أخوج الفلوس ما تسوى شي لا بجى الولد بالليل ولازم تودينه للمستشفى أو صوته عالي في البيت صدقيني بتصير البنت والولد ثقيله حييييييل على أهلها وإن كانت منو ما تكون

تتطلق من هذا وبعدين تقول وين ألقا واحد يتزوجني وآنا عندي ولد

مو من الأول تحملي شوي وخلج على اللي يحن على ولدج على الأقل

خليها تدزله رساله فاضيه وأكيد راح يرد عليها برساله فيها إستفهام أو أي شي من الفضول

وخليها ترد عليه بعلامة تعجب أو أي شي ودقي عليه وخلاص تنتهي السالفه

أما إهي تعاند وأهو يعاند (وباين عليه عنيد ويرا إن الموضوع يمس رجولته وكرامته) وبالنهايه المسكين اللي في بطنها أهو الضحيه

خليها تتعوذ من إبليس وتسوي للرجال اللي أهو يبيه باين عليه يحب زوجته تصير هبة ريح عند أهله شفيها لو دايسه على عمرها وراحت لهم وباست راس أمه قدامه

موضوع بسيط جدا جدا جدا لو أختي جان زفيتها ودقيت على زوجها يجي ياخذها ويتعوذ من إبليس وبس

وأسأل الله العافيه

 

[nabhaan79]

عدة المرأه اللي تتطلق وإهي حامل إلى أن تضع حملها .

ويعتبر طلاق بدعي ولا يقع عند بعض الفقهاء

والواجب عليه أن ينتظر حتى تضع حملها وتطهر ويطلقها

أي بطهر لم يجامعها فيه هنا يكون الطلاق السني

لو الكثير من الرجال يتفقهون في هذه المسأله والله لقلت حالات الطلاق .

 

[عبدالمذرى]

لا حول ولا قوة إلا بالله

على طول سألتي عن النفقه والفلوس

واللي في بطن رفيجتج مالها حق عليها تتحمل شوي ، الرجال يمكن ما قدر مشاعرها وإهي حامل بس مو لهالدرجه خلاص تبي تتطلق وتصير حساسه حيييييييييل

خليها تتعوذ من إبليس وتخلي سالفة المحكم والطلاق آخر شي

لأنها إذا راحت المحكمه هذا معناها إنها ما تبي تحل المشكله لأن أكثر الرجاجيل من تروح المحكمه خلاص ما يردها يعتبر الحل مفقود

وأنا أخوج الفلوس ما تسوى شي لا بجى الولد بالليل ولازم تودينه للمستشفى أو صوته عالي في البيت صدقيني بتصير البنت والولد ثقيله حييييييل على أهلها وإن كانت منو ما تكون

تتطلق من هذا وبعدين تقول وين ألقا واحد يتزوجني وآنا عندي ولد

مو من الأول تحملي شوي وخلج على اللي يحن على ولدج على الأقل

خليها تدزله رساله فاضيه وأكيد راح يرد عليها برساله فيها إستفهام أو أي شي من الفضول

وخليها ترد عليه بعلامة تعجب أو أي شي ودقي عليه وخلاص تنتهي السالفه

أما إهي تعاند وأهو يعاند (وباين عليه عنيد ويرا إن الموضوع يمس رجولته وكرامته) وبالنهايه المسكين اللي في بطنها أهو الضحيه

خليها تتعوذ من إبليس وتسوي للرجال اللي أهو يبيه باين عليه يحب زوجته تصير هبة ريح عند أهله شفيها لو دايسه على عمرها وراحت لهم وباست راس أمه قدامه

موضوع بسيط جدا جدا جدا لو أختي جان زفيتها ودقيت على زوجها يجي ياخذها ويتعوذ من إبليس وبس

وأسأل الله العافيه

حلوه منك رساله فاضيه وهو يرد علامة استفهام



ياما سويناها وجابت نتيجه

 

[اماني الكويتيه]

اختي تعوذي من ابليس وصلحي حال صديقتج
ياما يرياييل تبلو علي حريمهم بشرفهم والحين مع بعض واحسن مايكون
هذا شيطان يدخل بين الناس ويفرقهم
اختي بالله عليج ساعديها وساعدي اللي بطنها يعيشون بسلام
بعض الرياييل عليهم ملافظ الله يهديهم
بس ماتوصل لطلاق
كلميها تتحمل وتكثر الاستغفار وربي اكيد بيوفقها
وعسى ربي يوفقج يارب ويدلج علي الخبر مثل مادلينها يارب

 

[اماني الكويتيه]

لا ارى ان هذا القول رغم قسوته سيكون موجبا للطلاق ..
لان الضرر بالقول يجب ان يكون مما (يستحيل) معه استمرار الحياة الزوجية ...
وليس اي قول ... ويجب ان يكون سب وشتم .. وليس مجرد قول قاسي
(والا كان نص بنات الديرة تطلقوا)

وهذا في المذهب السني ... اذا جعفري .. تستكون قضية الطلاق معقدة وصعبة جدا (اذا كان قول فقط) ..

انا رأي .. انج تتعوذين من ابليس .. وهذه الامور تحدث بين اي زوجين وبخاصه في بدايات الزواج .. وبسبب صغر سن الزوجين وقلة الخبرة ...
والصلح خير .. وبخاصة بوجود ولد ... الصلح خير .. الصلح خير

وان شاء الله قربا نسمع خبر جميل يقول ان الزوجين تصالحها ورموا الخلاف وراء ظهريهما الى غير رجعه .. والله الموفق


والله اعلم

عسى البطن اللي جابتك ماتذوق النار وعسى ابوك اللي رباك مايذوق النار وعساك دوم بخير وبصحه والعافيه يارب
بيض الله ويهك

 

[chart-man]

رحالي
النصيحه قبل تنشرى
واشهد انك مابخلت فيها
بيض الله وجهك
ياريت المحامين مثلك

 

[بنت السناعيس]

جزاكم ربي جنته جميعا ..

والحمدلله ربي هداه .. وهون عن الطلاق ..لكنه فعلا أذاها بقراراته الغير مدروسه أبدا ..

ربي يغير حالهم .. ويسعد الجميع .​

 

[Del Piero]

جزاكم ربي جنته جميعا ..

والحمدلله ربي هداه .. وهون عن الطلاق ..لكنه فعلا أذاها بقراراته الغير مدروسه أبدا ..

ربي يغير حالهم .. ويسعد الجميع .​

الله يوفقهم ويتمم عليهم على خير ويرزقهم الذرية الصالحة

انصح الزوجين الجدد (المعاريس) بقراءة كتاب الرجال من المريخ والنساء من الزهرة
اتصور بيكون له تاثير ايجابي على علاقتهم الزوجية لانهم راح يفهمون بعض اكثر باذن الله

 

[بومناور]

اختي تعوذي من ابليس وصلحي حال صديقتج
ياما يرياييل تبلو علي حريمهم بشرفهم والحين مع بعض واحسن مايكون
هذا شيطان يدخل بين الناس ويفرقهم
اختي بالله عليج ساعديها وساعدي اللي بطنها يعيشون بسلام
بعض الرياييل عليهم ملافظ الله يهديهم
بس ماتوصل لطلاق
كلميها تتحمل وتكثر الاستغفار وربي اكيد بيوفقها
وعسى ربي يوفقج يارب ويدلج علي الخبر مثل مادلينها يارب

صح لسانج الناس يصلحون مو يخربون

 

[sarheed]

بنت السناعيس

قولي حق رفيجتك تصير خوش مره وترجع بيتها ترى الموضوع وايد صغير وتافهه ما يستاهل كل اللي صاير وترى ريلها زين وشاري خاطرها ولا جان سنعها من وهي في المستشفى بس مبين انه ولد حلال وشاريها

وتعالي وين امهم وابوهم ليش ما يدشون في الموضوع ترى السالفه صغيره ما يبلها شي وكلمتين تنتهي

وخلها ترفع التلفون على ريلها تسولف معاه بطيب خاطر مو بتعنفك وكل شي ينتهي صدقيني

والله يسهل امرهم

 

[بنت السناعيس]

طلاق عالكيف

السلام عليكم ورحمة الله وبركاته

هذا موضوع صديقتي القديم
http://www.indexsignal.com/forum/showthread.php?t=225157

ردوا لبعض جم شهر .. تالي زعلها وخلاها في بيت اهلها من رمضان لي اليوم .. واليوم كلم ابوها انه عقد نية الطلاق ومحد يقدر يأثر في قراراه ولا فكر بولده اللي توه طالع من الدنيا ما صارله شهرين .. يقول بنتكم ألف من يتمناها لكن طينتها ما توافق طينتي ..!!!!!!!!!

بعض الرياييل ما يعرفون شنو يعني مسئولية .. ولا يعرفون قيمة الضنى.. ولا يفكرون اشلون يتربى بعيد عنهم .. لاحول ولاقوة إلا بالله .

ياريت تفيدوني بشنو اللي لها واللي عليها .. ؟؟
وحسبي ربي على كل ريال ظلم بنات الناس .​