استفسار عن الحرس الوطني او الدفاع

[عويشق]

الله يعطيكم العافيه
اخواني انا طالب جامعي واخر سنه وراح اتخرج انشاء الله صيفي هذا باذن الله ...

بغيت استفسر عن تقديم لدورة ضباط الاختصاص هل يقبلون الجامعيين؟
وشنو التخصصات اللي مايبونها ؟
ومتى فترة التقديم ؟
وانا خريج صيفي يعني شهر 8 انشالله هل الحق على التقديم لهالدورة القادمة او لا ؟

علما بان عمري 25 "متأخر بالتخرج لظروف" وتخصصي فلسفه ؟ هل هو مرغوب ؟؟

وشكرا
ياليت تفيدوني

 

[ح.الموسوي]

السلام عليكم

اخوي الحرس والداخليه والدفاع عندها دورات لضباط التخصص طبعا مالها وقت بس اكثرها من شهر 9 تبدا

بس عندك مشكلتين الاولى العمر كبير شوي اعتقد الحرس ما ياخذون بس تحاول مع الدفاع والداخليه و مشكلتك الثانيه هي تخصصك لان انا اللي اشوفه مطلوب اكثر شي

طبعا بالدفاع المطلوب الطبيب او شهادات الحقوق والهندسه يعني تخصصات مهنيه

والداخليه هم نفس الشي يعني تخصصك اعتقد مو مطلوب طبعا مابي احبطك اكثر الدورات تبدا التسجيل شهر 9

الله يوفقك ويكون تخصصك مطلوب

وشكرا

 

[عويشق]

الله يعطيك العافيه
بالنسبه للداخليه مالي رغبه انا لي رغبه بالحرس او الدفاع

يعني العفو مالي امل ادخل؟؟؟؟
حتى لو عن طريق واسطه ؟ وبالنسبه للعمر انا سمعت انه ماياخذون من عمر 30 مايبون هذا اللي اعرفه

 

[م.فهد السبيعي]

حبيبي روح للحرس الوطني وانت مغمض بس صعبه لأن القبول ياخذون قليل وبالنسبه للعمر لازم اقل من 28 سنة مو 25 ولا 30 وبالتوفيق ويبيلك دزه بالواسطه عشان التخصص مو مطلوب نهائيا

 

[ابو برهوم]

كل شي بالواسطة يصير حتى لو عمرك فوق الـــ 30 وحتى لو كان تخصصك الجامعي
رسم ع الجدار ماكو مشكلة بديرتنا بس مثل ماقلتلك خل البشت يمشي قدامك

 

[عويشق]

ههههههههههههه

الله يعطيكم العافيه يعني انا كرغبه اولى الحرس
بس المشكله انه قالولي بالقرعه ..! مو بالواسطه وهذا اللي ردني شوي

 

[ابو برهوم]

لاتقولي قرعة



لاحبتك عيني ........ واكيد تعرف باقي المثل

 

[نايـف]

الله يوفقنا وياك اعتقد الحرس افضل

 

[s3ood-78]

حبيبي وخر عن الجيش والشرطة والحرس

خلك مدني احسلك لأنك راح تشوف الظلم بعينه وعلمه

 

[عويشق]

ليش ياخوي؟؟
انا لي رغبه حيل بالحرس الوطني او الجيش

 

[سومة شراي]

خلك بوظيفة لو راتبها شوي وكمل ماجستير

وبعدها دكتوراه وقدم على الحرس دكتور احسن


الله يوفقك ان شاء الله

 

[بدون مجامله]

كمل دراستك وتوظف مدني