استشاارة مهمه وعاجله......!!

[الكوتش]

السلام عليكم الموضوع بختصار.....!!



ياجماعه انا لقيت بيت للبيع فى مكتب عقارى

المهم البيت مطللوب.... عطيت راعى البيت عربون ودفعت له المطلوب وحررت له الوثيقه وطلعت الوثيقه ولما طلب من شهادة الاوصاف طلع البيت مخالف وانا هونت من البيت مابيه خلاص شنوووو الحل....!!! برجع فلووسي

ملاحظه \ كل شي مسجل بدفتر الدلال

لاحد يقول ليش وليش ياجماعه الفاس طاح بالراس وشربت مروقها

شلون ارجع المبلغ اللى دفعته والعربون ​

 

[الكوتش]

مازلت انتظر الاجابه من الاخوة والاخوات المستشارين القانونيين.......!!

للرفع ارجوكم جاوبونى

 

[ابو عبدالله333]

يروح عليك العربون لانك انت الى مهون عن البيعه الله يعوض عليك

 

[الكوتش]

طيب العربون مو مشكله الفلوس اللى دفعتها وحررت الوثيقه له شلون ارجعها مبلغ مو بسيط كبيررر جدأأأأأ

طيب وشنو الحل بالبيت اذ فيه مخالفه البلديه مامشو راعى البيت شنو يقدر يسووى. عشان تطلع شهادة الاوصاف؟

 

[fayoona74]

بوجهة نظري الموضوع فيه تدليس اطلب فسخ عقد البيع الابتدائي وطالب باسترجاع المبالغ اللي دفعتها عشان تحرر الوثيقة والله يعينك اذا المدين ماعنده فلوس كاش يردها لك وهذي يبيلك فيها محامي متمكن ( ترا ماعندي مكتب مو عبالك اقولك يبيلك محامي اني اقصد نفسي )

 

[الكوتش]

الله يعطيج العافيه ع الرد ويكثر من امثالك ومن امثال الطيبين اللى يعطونا من وقتهم للرد على اسئلتنا .....!!


اذ اهو ماعندة كاش والظاهر ماعندة شنو الأجراء اللى اتخذة ارفع قضيه عليه...!!

معا العلم هو يحلف يقولى مخالفه البيت مساحه صغيرة جدا والبلديه معاندة يبون واسطات..

باين ان نيته صافيه شنو الاجراء اصبر عليه افضل او ارفع قضيه ....




ودمتم بصحه وعاافيه

 

[rahaly]

لحظة ...

اخوي ممكن توضح ؟؟

شلون استلمت الوثيقة وشهادة الاوصاف مخالفة ؟؟

ما تمشي !!!

شهادة الاوصاف تطلع قبل الوثيقة وبعد معاينة مفتش البلدية العقار وبيان ان ما فيه مخالفة ..

او يكون المالك السابق عنده شهادة اوصاف قبل المخالفة وباعك على اساسها ..

اذا هذا الوضع الاخير تعتبر عيوب خفية يمكن معها فسخ البيع

اما اذا انت مستلم الاوصاف وعارف انها مخالفة .. وسجلت (بطريقة ما غير رسمية)

فالمسألة فيها رضا وعلم الطرفين ... وهنا التعقيد

ياريت توضح

والله اعلم

 

[الكوتش]

اخوي الوثيقه كانت مرهونه عند بنك التسليف لان البيت مطلوب ودفعت أنا له المبلغ وحررت الوثيقه له

المهم شنو الحل برايكم الرجال ما عندة فلوس كاش يعطيني

شلون اقدر استرجع المبلغ
ارفع قضيه وإذ رفعت تطول القضيه.....؟

 

[fayoona74]

حسب مجريات القضية ممكن تطول والكاش اذا ماعنده الله يعينك هني المشكلة خاصة اذا ماعنده اشياء ممكن تحجز عليها
اذا مخالفات تتصلح اخذ البيت وزيل المخالفات

 

[rahaly]

مشكلة انك لازم ترفع دعوى فسخ العقد ..
ومدام ما عنده فلوس ما راح تستفيد ..

بمكنك رفع دعوى مطالبة بالتعويض بحسب الضرر الذي اصابك

والله اعلم

 

[fayoona74]

وحتى لو يطالب بتعويض نفس المشكلة وين البيزات

 

[ابو عبدالله333]

صلح البيت اذا كانت مخالفات بسيطه والمحاكم سالفتها طويله ويمكن الرجل ما يملك شي وهم التعويض اذا ما عنده شى شلون تحصل على التعويض هذا اذا ماعنده شي مهم يحجز عليه

 

[rahaly]

وحتى لو يطالب بتعويض نفس المشكلة وين البيزات

ادري .. وهذا اللي يخليني اقوله طالب بالتعويض

يعني يسلم على البيت ... واذا البائع عنده فلوس يدفعها كتعويض وهو اقل بكثير من قيمة البيت
اذا ما عنده قيمة التعويض فكيف بقيمة البيت !!!

فهمتيني خانم فيونة ؟

 

[fayoona74]

فهمتك آغا رحالي واضم صوتي لبوعبدالله ان يصلح المخالفت اذا بسيطة