تكفون الحقوني بخصوص عقد الاجار ابي اسالكم

[بو حسن22]

السلام عليكم اخواني انا كنت ماجر محل بتاريخ 1/2 الشهر الي طاف ودفعت اجاره حالين انا جيت بسلم المفتاح على تاريخ 3\3 قالي راعي المكتب خلاص مشى اجار المكتب حق ثلاثه وحارس العماره بنفسه قايلي الدفع والاخلاء من 1الشهر الى خمسه الشهر والحين يقولي قانون الاجار الدفع من 1\الشهر الى 5 شهر ماله شغل الاخلاء لازم بلغنا قبلها ب 20 يوم
الحين شالحل ادفعله مع انه قايلي بلسانه انه 5من الشهر اخر يوم يادفع يالاخلاء طيب سلمه المفتاح حرام اسلم عقد تنازل وادفع اجار لقدام ؟؟
منتظر ردكم

 

[لوكيشن]

قول لا اله الا الله

وصل على رسول الله

شوف واقرا ونفذ اللي تقراه

يوم الاحد بحيل الله
تاخذ بطاقتك المدنيه وصوره عنها
صوره عقد الايجار
والمفتاح
وطابع رسوم بدينار تقدر تاخذه من مكاين الطوابع اللي بالمحكمه
اول شي تسال عن قسم طباعه الانذارات
تطبع انذار اسمه انذار تسليم مفتاح وانهاء علاقه ايجاريه
والطباعين يعرفون الصيغه
تاخذ الانذار ومعاه صورتين حقه وتدفع لهم قيمه الطباعه البسيطه
وتروح لقسم اعلانات التنفيذ لاعلان الانذار
وتطلع مع المندوب بعد تسجيل الانذار لمكتب المالك والمندوب
راح يبلغلك الانذار ويعرض عليهم المفتاح واذا رفض المالك او العاملين
لديه استلام الانذار والمفتاح
راح يبلغه في المخفر
ويقولك راجع الاداره
بعد الاعلان اهم شي انك تودع المفتاح في قسم الايجارات
خلال 24 من الاعلان
من تاريخ الاعلان راح يوقف الايجار وتدفع القيمه اليوميه للايجار فقط
يعني اذا اخليت المحل يوم 8 من الشهر راح تدفع 8 ايام فقط

خلك بالمحكمه الساعه 7ونص الصبح
ويكون المحل خالي من الشواغر
يعني مافيه شي من حلالك او اثاثك

 

[مودQ8]

استاذي سلم المفتاح بالمحكمه ويسبقه انذار عرض والزميل ماشاء الله عطاك التفاصيل وهي صراي حيه وبعد ايداع المفتاح تحسب الاجره يوميه بس مهم جدا نعرف شنو مكتوب بالعقد في بند انهاء الايجار لو تشوفه وتعرضه علينا لان ممكن يتغير الراي
شكراااااااااااا

 

[مودQ8]

تصحيح (وهي صحيحه ) وبعد ايداع المفتاح 0 0 0