اخوي بالنسبه للايدج انا عندي واحد حق الاهل 2008 من الوكاله عندي
استعمال حلو سياره 6سلندر ناعمه ملمومه بين صالون وبين جيب سافرت عليها مره وصلت مكه ورديت ومشيت فيها مسافه 30كم برا ثابت بالخط لا تنسيم ولاشي ولايلعب فيها الهوا اثناء التجاوز بين الشاحنات محمل عليها ماي زمزم وكم شنطه هدايا مع 4اشخاص السرعه 180 كم وكانه يقول هل من مزيد فيه ميزه حلوه ويمكن هذي باغلب سيارات فورد الحديثه القير 6 غيار يعني عادي تمشي 170 والضعط 2 مريح المكينه على الآخر ولكن اللي يعيبها مو مرتفعه واجد عن الارض مقارنه بالجيبات الاخرى ومافيه كشن ثالث وممكن تصلح حق السيدات اكثر التكييف حلو واذا كامل المواصفات فيه ميزه التحكم بدرجه التكيف بين السائق واللي بجنب السايق بامكان الفصل في درجه الحراره بينهم مثلا للسايق 20 درجه واللي يم السايق 16درجه والعكس
+ معلومه بسيطه مادري اذا هي عيب او تحسين اداء السياره مديلات 2009-2010 الجديده دفع امامي فقط حسب ما قالو لي الوكاله ولكن موديلات 2007-2008 دفع رباعي مستمر wd4
الاكسبلورر ما استعملته ولكن اللي اعرفه سياره حلوه مافيها اي مشاكل تذكر ومقارنه بالايدج الاكسبلورر اوسع واكبر حجم وفيه كشن ثالث وتكييف خلفي ودفع رباعي فيه دبل قير شكل انسيابي يصلح للبر والديره
هذا وفوق كل ذي علم عليم
والله اعلم