somar قال:
انا استحدم الاوسط برو منذ فتره
فقط للشراء والبيع ومع ذلك اواجه مشاكل كثيره جدا ..... ومن يريد ان يتأكد من كثرة المشاكل التى اواجهها انا ومستخدمى الاوسط برو عليه بخاصية البحث وسوف يجد ما لا يسره .... مع العلم بان اشتراكى DSL بسرعة 512 فاذا كان كل سايت يشترط عليك ان يكون اشتراكك DSL وليس ديل اب فعلى الدنيا السلام ..... نحن ندفع 20$ شهريا كخدمة اشتراك للاوسط برو فقط لنستخدمه للبيع والشراء ومع ذلك نواجه مشاكل كثيره لاجراء هذه العمليات ... انا لا اقول هذا الكلام تجنيا على احد ولكنه الواقع الذى يجب ان يقال .... اللى عاجبه حباه الله واللى مو عاجبه .........
.... كفانا مجاملة على حساب انفسنا واموالنا
الغالي
somar شخبارك اخوي عساك بخير
؟
انشالله كل امورك طيبة
شوف ياغالي احنا مانقول ان احنا متميزين في كل شي ولا نقدر نقولك ان احنا كاسحين السوق وان مافي احد غيرنا ممكن يقدم هالخدمه لكن بقولك شي مهم وهو سؤال لو انت وانا وغيري ماشفنا استفاده من التعامل والتداول مع الاوسط برو ليش مستمرين احنا معاهم ؟ افترض اني ليس موظف في الشركة واني عميل وانا فعلا عميل قبل لا اصبح موظف والله يعلم بكلامي وشاهد عليه انت وانا وكلنا مستفيدين من اشياء كثيرة من الاوسط ومع هذا لازم يطلع في اشياء صغيرة يمكن الاوسط مالها علاقة مباشرة وماني عارف ليش تنسب الامور للاوسط
اخوي الاوسط1 قال لكم ان الاشتراك لازم يصير سريع علشان يساعدكم وماشرط عليكم اشتراك معين دي اس ال او دايل اب
يعني لو فرضنا تاجر يبي يفتح مطعم جديد
لازم يهتم بالديكور صح ؟ ليش ؟ علشان يقدر يساعد ويشجع الناس على التعامل اقصد الأكل من المطعم والناس تكون ماخذه راحتها في الجلسة وفي المظهر الخارجي
نفس الكلام مع تاجر اسهم لازم يكون عنده جهاز كمبيوتر نظيف وجديد ولازم يكون عنده طاولة وكرسي فيهم مقومات الراحة ولازم يكون عنده انترنت سريع وكل هالامور تعتبر اسلحة للمضارب والمستثمر
الحين يا اخ سومر ماطلبت منك مجاملة طلبت منك بس تقولي اذا انت متضايق مع الاوسط على حسب تعبيرك اذن ليش انت مستمر مع الاوسط ؟؟ اكيد في مزايا تشجعك مع الاوسط صح ؟؟؟؟؟؟ وثانيا ياخوي سومر خلك حقاني شوي مع نفسك ومعانا وخلك منصف انت تقول ان الاوسط كله مشاكل ولو رجعنا للارشيف لشفنا ان كل الاوسط مشاكل انا ابيك تقولي منتدى واحد عربي او انكليزي فيه موظفين يردون على عملائهم وييتم تقديم لهم توضيح واجابات لاستفساراتهم ؟؟ مافي طبعا ولا راح تلقى وهذه ميزه تحسب للاوسط والحمد لله كل عملائنا خارج الكويت مستفيدين من هالخدمه وانا اقولك هالكلام لانك ماتشوف الكم الكبيرة من الرسائل الخاصة الي توصلنا بهدف فتح حساب وبهدف تقديم شكر على جهودنا
اخوي سومر
الغالي سومر والله انا معاك ان احنا لازم نطور خدماتنا وانشالله بتشوف اشياء جديدة مع الاوسط خلال هالسنة واحسبها علي انا قلت لك هالسنة ومابي اقولك بعد شهر او بعد شهرين علشان ماتحاسبني على هالمده حاسبني بعد نهاية هالسنة قولي وين الخدمات الجديدة ؟
انشالله ما اكون طولت عليك ياغالي بس حبيت اوضح شي يكون للامانه وللناس الي تقرا كلامنا