عندي ستفسار^_^

[اماني الكويتيه]

عندي استفسار
وحده من صديقاتي
عندها مشغل دورين
بس ضيج وتبي توسعه لان قدام البيت مثل حوش وتبي تحط فيه استقبال
السؤال
تبي تحط استقبال سقفه كيربي وتزينه بديكور مثل الدواوين اللي بالشوارع قبل تبي تضبطه
شنو الاجراءات الازمه تعطي خبر مثلا حق صاحب الموقع وتاخذ منه مخطط ولزم تروح البلديه ولا عادي تبنيه ؟؟؟
ارجوكم فيدوني

 

[اماني الكويتيه]

شكل سؤالي يخوف ليش محد يجاوبني ^+^

 

[&!الحشيم!&]

اختي اذا المبنى قريب عند الشارع مثلا علي الرصيف يصبح مخالف
ونصيحه خلي مهندس من البلديه يطلع ويشوف لك الموقع
واتمى اني فتك بالموضوع

 

[اماني الكويتيه]

اوكي اخوي بس سور المشغل عند الشارع بس مومخالف انا بحط علي السور الي داخل السور صوب الصالات المشغل بحط صاله كبيره
بس مثل ماقلت لزم احد يطلع لي من البلديه
شكرا اخوي الحشيم

 

[general_q8]

أختي أذا البيت ملك حطي ألي تبينة بحوشج و أذا عمارة لازم يسمحلج صاحب العمارة والعملية مو محتاجة ترخيص من البلدية عادي

 

[طارق55]

الاخت اماني الكويتيه

اول شئ لازم يعرف صاحب العماره ..

وبعدين روحي حق اي مكتب هندسي .. ومعاج خريطه المبني ( صوره أو الاصليه ) وأشرحيله الموضوع .. اهو يعرف قوانين البلديه .. ويقولج يصير او ماتصير .. وأذا يصير هذا الشي يقوم يرسم الخريطه الجديده ويدزها للبلديه عن طريق الانترنت (هذا نظامهم الحين ) وراح تجيله الموافقه بعد ايام .. وبعدها لازم يشرف عليها المهندس .. عند البنيان .. يقوم يجي المهندس ويشوف نسب الحديد هل هي صح او غلط ( الي في العمدان او السقف ان وجد ) .. هذا كله اذا كان البنيان مرخص .. اما اذا انتي تبين تسوين شئ مخالف .. بدون رخصه .. اشتغلي ( بعد ماتأخذين أذن من صاحب العماره ) وماعليج من احد ولا تروحين للاحد .. لكنه بالنهايه مخالف .. اتمني تكونين فهمتي

 

[القراشي]

بالتوفيق

 

[اماني الكويتيه]

اشكرك ياخويه

 

[كيدي كاو]

اذا الشغل ما يبي بنيان واساسات وداخل البيت توكلي على الله وسوي بدون موافقه البلديه اذا السالفه كيربي سوي

 

[اماني الكويتيه]

اذا الشغل ما يبي بنيان واساسات وداخل البيت توكلي على الله وسوي بدون موافقه البلديه اذا السالفه كيربي سوي

انت ماتشوف الازاله مصلعه بالعالم
شكلك بتوديني ورى الشمس

 

[مساهم11]

اختي اي توسعة خارج نطاق مساحة العقار مخالف
ومعرض باي لحظة للازاله بدون سابق انذار
فالافضل تصبر علي مكانها
او تغير الموقع وتاخذ اكبر منه

بالتوفيق اماني

 

[اماني الكويتيه]

مساهم تشكر ياخويه ماقصرت صراحه كلامك صحيح يعني شي مخالف اروح ادفع عليه وبكره بارده مبرده يشيلونه مثل الموس بشارب رجال
اشكركم ياخواني علي الرد والتوضيح

 

[كيدي كاو]

انت ماتشوف الازاله مصلعه بالعالم
شكلك بتوديني ورى الشمس

هاهاهاهاها لا قلت داخل البيت في الحوش يعني سوي اللى تبين والخساره علي انا

الازاله خارج البيت