ابي استثمر مبلغ 10 آلاف دينار كويتي بمشروع حلال

[q8casper]

يعطيكم العافيه اخواني وخواتي يا ريت تنصحوني بمشروع ربحه بسيط ومضمون بقيمة 10 الاف كويتي وشرطي الاول انه يكون حلال او بضاعة شرائها وبيعها سريع ... وشكرا

55573534

 

[سعيد الحظ]

احسلك تطرح الافكار الي مرت على بالك وتطلب استشارة من الاعضاء الكرام

افضل من يجي شخص يملي عليك افكاره التي قد تكون لاتناسبك


الله يوفقك

 

[q8ihome]

عندك بيدك 10 آلاف جدام عينك بتحطها بمشروع متى بتقدر ترجعها او رأس المال نصيحه حط فلوسك بجيبك ولا تفكر بالمشاريع والله يستر عن الوضع الحالي للمنطقه وما ندري باشر والحروب بالمنطقه الخليج , عموم اي شيئ مشروع داخل به ماء ناجح .
يا خوي روح مصانع الكننكس بالديره ويوجد مصانع في الجهراء سم اسم كننكس على اسم من اسماء بناتك الله يخليهم وسوقه بالديره بأسعار تنافسيه وبمكسب قليل لكن يفرق معاك بالكميات المربح والاخص ما يبيله لا مخزن ولا فيه صلاحية انتهاء والتصريف سهل جداااااااااا على الاقل كل بقاله لو تاخذ بس كرتونه وعليك الحسبه ؟ والله المستعان والتوفيق من الله

 

[q8ihome]

على فكره هذا اول مشروع لي عام 1993 حتى 1996 حتى قدرت اقبت نفسي بالسوق واعرفه كان مجرد تجربه لي بالله الموفق والتوفيق ورضى الله و الوالدين . ثم طورت نفسي بمواد جديده حتى سرت استورد صابون سائل لليد و عند انتهاء صلاحيتهم ابيعهم عند اصحاب المغاسل السيارات يعن بجميع الاحوال مو خسران . و الله يوفقك .

 

[bol-bol]

السلام عليكم ما ادري شقولك يا اخوي خش افلوسك والله اشتغل فى مبلغ اصغير وخل الباجي حق اعيالك سبحان الله ماتدري شنهو يصير وعسى الله يزيدك ويرزقك يارب وين ماتروح ويرزقك كل انسان طيب يخاف الله ويحفظ الديرة اللهم امين

 

[التحليل الفني]

عزيزي التجاره فيها ربح وخساره اعتقد شوف مشروع يكون ميولك عليه وتوكل على الله اعمل له دراسه وبعدها اعمل والتوفيق من الله سبحان وتعالى واتمنى لك التوفيق من الله

 

[محمد الدوسري 22]

السلام عليكم

اخوي

انت طرحت الموضوع و انا ما راح الف و ادور

دشيت الموضوع عشان افيدك برأيي الشخصي

مالك الا مصبغه في منطقه جديده

اذا كنت من سكان المناطق الشماليه عندك سعد العبدالله

او شمال غرب الصليبيخات

او المناطق اليديده في اي مكان

انا قلت هالمشروع لانه من اكثر المشاريع نجاحا في الكويت

و عليك بمستلزمات المصبغه المستعمله يبيعونها بالجمله

 

[بو جابر]

بكل بساطه أجر جاخور وأشتري حلال غنم ودجاج وطيور وبيع وأشتري فيهم منها مشروع تجاري وهم بعد ترفيهي حق العيال توديهم كل خميس وجمعه والمشروع ما يبيله شيء تأجر جاخور 200 د.ك وتجيبلك 2 صبيان على 70 د.ك وتشتري حلال بخمس آلاف مشروع طيب وحلال وانت عارف بوقت المواسم يصير طق على الغنم والتوفيق من رب العالمين

 

[ابوجبر]

وخر عن اللي ياكل ويشرب وانت بخير

 

[مساهم جديد2007]

ممكن أشغلهم لك بسوق الأسهم وأشاركك بالربح وان شاء الله خساره ماكو باذن الله ترى أخوك خبرة والسوق هالأيام يساعد على الربح وحتى ماتقول أو أحد غيرك يقول اني أبي أوهقك تراني بالخسارة معاك شتبي أكثر؟ الحياة فرص!!والفرص تمر كالسحاب..علما سنتداول بالاسهم المجازة شرعا لأن دينار حلال أبرك من مليون حرام....واذا ماعندك غيرهم اشتر دولار أو ريال سعودي لانهما الآن في بداية صعودهما الحقيقي وبيع عند وصولهما القمة في شهر نوفمبر ..أخوك خبرة

 

[nanoia]

افتح لك محل ديودرنت بإيران لأنه الريحة هناك تلوع الجبد واهما ما يستخدمونه ولا يعرفونه بس يكون من مواد طبيعية

 

[عبدالله 2]

اخوي
اذا تبي من 9 الى 12% سنويا
حطهم باحد الصناديق الاستثمارية
اكو صندوق عقاري طارحته شركة الفوز للاستثمار ويعطي العوائد اللي قلتلك عنهم
وان شاء الله العقار فيه خير
دق عليهم ولحق قبل اغلاق الاكتتاب

 

[أبو ناصر1]

السلام عليكم
حبيبي دور لك مشروع ماتدفع فيه أجار وانشالله ربحان
وكلام اخوي بوجبر صحيح أبعد عن اللي ياكل ويشرب وانت بخير
ولله يوفق الجميع

 

[المستثمر الحر]

زورنا الشركة وشوف الافكار الى عندنا

للمراجعة
67732131
97132131
24740041

 

[أم ورود]

عطني الف دينار ,,, و خش 9 آلاف دينار لاتجيسهم ,,
و مستعده احطلك اياهم بمشروع خلال .. ثلاث شهور ,,, بتحصل الدبل ثلاث مرات ,,,


بس اذا تبي اقولج شنو المشروع على الخاص ....

لن الفكره تراودني ,,, وماكو منها بالكويت إلا وحده بس ,,,
و انا ودي انفذها بعد جم شهر ,,,,

 

[my life]

اهرب؟؟؟؟؟؟ فهمتهااااااااااااااااااااااااااااااااااااااا

 

[q8casper]

مشكورين كل اللي ساهموا في مساعدتي وطرح الفكر علي عساكم على القوه وبيض الله وجيهكم وجزاكم الله خير ...

اهررررررررررررب هاه ماي لايف

 

[أبوفلاح]

انصحك بالزواااااج مشروع ناجح