cpn

[المبتدئ]

السلام عليكم
رجاء من الأخوة الكرام من يعرف عن هذا السهم يعطيني شرح له
حيث اننت قرأت عنه خبر ولم افهمه
شكرا لتعاونكم

 

[ابو ثامر]

ياليت تكون اكثر تحديد في طلبك... وش نوع المعلومات اللي تبغاها؟

 

[المبتدئ]

أخي أبوثامر
حياك الله
مشكور على تجاوبك معي ...
السهم اراقبه منذ شهر فبراير وكان سعره حوالي 8 دولارات
الحين ماشاء الله 13.5 دولار
وندمان اني ما شريته
لكن الحين هل يصلح للمضاربة فيه لفترة شهر أوشهرين
ما هي المؤشرات الدالة على صعود هذا السهم فيما بعد أكثر من ذلك
وما هي المؤشرات الدالة على انه سهم مضاربة ام لا
شكرا لسعة صدرك وجزاك الله خيرا

 

[ابو ثامر]

أخي المبتديء...

السهم هذا كنت اتابعه لما كان سعره ب 16 وشريت في تلك الفترة وصحيت من بكره لقيت سعره واصل 12 وبعت قبلها يعني خسرت بس الحمدلله ماهي خسارة كبيرة... وبعدين نزل ل 10 وايام بسيطة ويرجع ل 16 وبعدها بفترة بسيطة ينزل وينزل الى ان وصل اقل من 7 والأن زي ما انت شايف وصل اكثر من 13.... والسهم هذا لما يرتفع يرتفع بصورة جنونية ولما ينزل ينزل بصورة جنونية ايضا... أنا ضاربت فيه مرتين لمدة ساعات بسيطة واحيانا دقايق... خسرت مره وربحت مره.... اللي ابغى اقوله من الكلام هذا كله ان السهم هذا بالذات مخيف... في اليوم الواحد يطلع وينزل اكثر من مره وبشكل سريع جدا...

أما بالنسبة للمضاربة فيه لفترة طويلة فانا ما انصح فيه ابدا الا اذا كان هناك تحسن في قطاع الطاقة لاني بصراحة لم اتابع اخبار هذا القطاع منذ فترة.... يمكن الاخوان يفيدونك بهذا الخصوص....

 

[المبتدئ]

شكرا أبوثامر
ولكن بما ان السهم متقلب بهذا الشكل فما هو المؤشر المناسب لمعرفة صعود وهبوط السهم؟؟؟؟

 

[ابو ثامر]

اخوي المبتديء... للأسف ما عندي اجابة لسؤالك... ياليت احد الاخوان اللي متابع السهم ويعرف عنه يدلي لنا بدلوه...