مــســج من Mtc

[AL-Saa7R]

وصلنى مسج من كم يوم (يرجى مراجعه الشركه الكويتيه للمقاصه مبنى البورصه دور الاول لتحديث البيانات) بس بصراحه مافهمت شى اذا احد عنده خبر يفيدنى الله يجزاءه خير وشكرا

 

[circle]

المطلوب منك مراجعة المقاصه ومعاك البطاقه المدنيه وكرت البنك اللى ترغب فى تحويل ارباح اسهمك النقديه اليه ,, وسيقومون بطباعة نموذج يحتوى على رقم حسابك واسمك ,ثم توقع عليه . وسلامتك :d

 

[AL-Saa7R]

مشكور .... يعنى المسج خاص باسهم Mtc ..يعنى لازم اروح ..ضرورى

 

[فهد9]

الى الاخ الساحر
نفسك وصلنى مسج
شنو المطلوب
ولك الشكر

 

[hassankoc]

يعني فقط اسهم الأتصالات ام جميع الأسهم ارجو التوضيح لأنها لم ترسل لأيزي الأتصالات ولم ترسل للوطنيه ولا اكسبرس الوطنيه

 

[boalons]

انا من شهر كنت بالبورصه عندي ارباح قديمه باستلمها الموظف عطاني ورقه اعبيها واحط فيها رقم حسابي علشان الارباح تنزل فيه مباشره

وهذا الشي اعتقد لكل المتداولين و المسجات الي ارسلوها يمكن لتنظيم العمليه وابلاغ المتداولين على دفعات

 

[فهد9]

اخى ابو الانس
انا كنت قبل شهر عندهم ما طلبو منى رقم حساب

لاكن عندى اسهم هواتف متنقله
هل بس مساهمين الهواتف المتنقله او الشركات الموجوده بالمقاصه
ولك الشكر

 

[hassankoc]

نفس سؤالي

 

[فارس العنزي]

السلام عليكم
أنا أقولكم ، أنا جاني المسج مثلكم وراجعتهم وهي خاصه لمن يملكون أسهم بشركة الهواتف المتنقلة فقط لتجديد البيانات لتوزيع الأرباح لتنزل بحسابك بالبنك على طول دون مراجعة أي جهه في حال توزيع أرباح الشركة ، ( الغريب كاتب الموضوع إسمه الساحر ، شلون ساحر وما يعرف السالفه .

 

[AL-Saa7R]

مشكور احوى العنزى الله يكثر من امثالك...سالفه الساحر طوفها ساحر قشيم.. والا بذمتك فيه ساحر يشترى التجاريه العقاريه ب430.... :d

 

[boalons]

انا لما خذى حسابي كنت رايحلهم لارباح الاسماك

 

[الديجيتال]

وصلنى مسج من كم يوم (يرجى مراجعه الشركه الكويتيه للمقاصه مبنى البورصه دور الاول لتحديث البيانات) بس بصراحه مافهمت شى اذا احد عنده خبر يفيدنى الله يجزاءه خير وشكرا

يعطيكم العافية يا شباب 000اقولكم بالاختصار موضوع المسج 00 يبة المقاصة يبون يحدثون بياناتكم ( البيانات هي رقم حسابك ) علشان اذا نزلت اي ارباح حق اي شركة تنزل علي رقم حسابك اليديد 00 بس هذا بالاختصار ( بس المشكلة ادق عليهم تقولهم يا يبة يا الطيب اشحقه اتعنيني ايي للبورصة عشان رقم الحساب اخذ بالتلفون يقول لازم تيي 00شنو انسوي رحنا فالساحر روح والا اعطيهم رقم احسابي واخليهم وينزلون ارباح التجارية وسلامتكم