استفسار بالخلع

[الشيباني123]

السلام عليكم،

اختى تبي تنفصل عن زوجها، و قال لها اذا ما تبيني روحي المحكمه و اخلعي.

ابي اعرف هل ترفع قضية طلاق احسن من الخلع، و شنهي الحقوق اللى تسقط اذا خلعت مع العلم ان صار لها عشر سنين متزوجه و عندها منه عيال صغار و حامل.

 

[اماني الكويتيه]

اخوي يابعد راسي انت خلك وسيط بينهم
وكلمه ورد اختك لرجلها
ومهما صار بينهم لا تساعدها بكره بيكبر ويشيب
ويعقل اخوي نصيحه نسيبكم يبي احد يقعد معاه وطبعا
حيب احد من طرفه وكلموه
والله يهدي النفووووووس
اختك يبيلها مقابل وعيالها بيكبرون ومراح تقدر تربيهم وتسيطر عليها بروحها لزم معاها رجلها
استغفر ياخوي اذا بتسوي خير اسبقهم
اذا فيك شر ياخوي ابتعد ترى راح تتحاسب يوم القيامه
واتمني تقبل موضوعي بصدر الرحب

 

[للعقل كلمة]

لا حول ولا قوة إلا بالله

الصلح خير يا الشيبانى

وإن ما قدرت وص غيرك عليهم

ولا تتدخل بشر وإن كانت نيتك خير

الزمن كفيل بإذابة المشاكل

والمشاكل الأيام تصغرها ما تكبرها

أسأل الله لكم الخير من عنده والصبر من عندكم وبتيسير من الواحد الأحد

 

[rahaly]

اخي الكريم .. القانون الكويتي على خلاف القانون المصري
ما فيه خلع جبرا عن الزوج

اما انها تتطلق بموافقة الزوج طلاق عادي
او طلاق للضرر اذا توافرت شروطة

الخلع هو ان تبذل الزوجة لنفسها ليخلعها زوجها (يعني تدفع له)

ومثل ما قالوا الجماعه ... الصلح خيرا وافضل


والله اعلم

 

[مودQ8]

الخلع ان تشتري الزوجه طلاقها بتنازلها عن حقوقها فقط وحقوقها معروفه نفقة زوجيه ونفقة عده ونفقة متعه (المذهب السني فقط) واجرة رضاعه واجرة حضانه واي شي غير هذا تتنازل عنه ممكن ترجه فيه واذا وافق الزوج تصدر الوثيه بطلقه بائنه للخلع وهذا كله برضا الزوج هذا باختصار شديد