للبيع كشافات للطراريد او السيارات

[shadouw]

السلام ...... عندي كشافات يديدة للبيع تنفع حق طراريد و اتوقع بعد حق الجيبات ... الكشاف مربع و يفتر 180 درجة و معاه رموت مكن يشتغل عن طريقه ووايراته ... في كذا لون ... اسود - بيج - ابيض ...

من كل لون حبتين ... الحبتين ب 25 دينار نهائي ...

و هذي صورهم ...

[/URL][/IMG]

[/URL][/IMG]

[/URL][/IMG]

 

[sporty72]

أبي حبة جم تحسبلي اياها ؟

 

[shadouw]

اخوي ما ينفع حبة بورحها .. كل حبتين مع بعض .....

 

[shadouw]

اخواني الاعلان فيه خطأ الحبة ب 25 مو حبتين ........ و اسف على الخطأ الغير مقصود ...

 

[البـحـري]

اخوي شريت منك كشاف وبلغتك ان الكشاف خربان وصار لي يومين وفي كل وقت اتصل عليك وماترد وغير المسجات

اللي بعرفه شي واحد بس الفلوس اللي خذيتهم حلال ؟

 

[shadouw]

أخوي انت صح شريت مني كشاف بس ترا ذليتني على ال 25 الي دفعتهم .. ... الكشاف مو خربان و كل الكشافات الموجودة صاحبهم مجربهم قبل لا يعطيني اياهم و كل هم اوكي مثل ما بلغني و الكشاف يدور 180 درجة و تقدر ترده لكن مو بسرعة يدور الي داخلة دينمو صغير يفره ماهو مكينة اهو طريقته انه يفتر شوي شوي ... و لعلمك الكشاف الي عندك مجرب مرة ثانية حتى قبل لا اعطيك اياه اي كشاف ينباع يتجرب مرة ثانية للتاكيد فقط انه ما فيه مشكلة .. و بعدين ما ارد عليك من قبل لا تاخذ القطعة مني قايلك مشغول حيل و عندي ظروف ما اقدر ارد كل مرة و انت باليوم تدق 20 مرة التلفون احتر من كثر ما تدق ...... إذا ما تبي القطعة ردها لي مثل ما سلمتك اياها ماكوا شي ناقص او مكسور و لك فلوسك ....

 

[shadouw]

الكشاف قبل لا اسلمك اياه خليت صاحبه يجربه مرة ثانية غير المرة الاولى و قالي اوكي مافيه شي ... مافيه خراب و لو اخترب ولو اني ادري انه مو خربان البلا طلع فيه يوم وصل عندك و انا مو مسؤول لو اخترب بعد ما انت استلمته و استعملته ..... و بعدين انا قاعد ابيعهم يدد بقراطيسهم اللهم بس نجربه و نرده بجيسه يعني انا مالي شغل اذا في عيب مصنعي ....

 

[البـحـري]

عزيزي اولا انت قاعد تتعامل مع أرجال سواء بالنت او برا النت فا عيب لما شخص على قولتك يدق 20 مره ومبلغك ان القطعة خربانه وماترد عليه على الاقل رد وكلها دقيقتين من وقتك الثمين ولو مره وحده وقول حاظر ابدلها لك او ارجع لك فلوسك ومو من حقي اقول عنك نصاب او غشاش بما انك انسان مشغول والله يعينك على شغلك ويعطيك الصحه والعافيه
وثانيا اعتقد انا اللي ادق عليك مو انت اللي تدق علي فا وين المذله في هذي
وثالثا عندي خبر ان يفتر 180 درجه وقلت لك ان يفتر جهه وحده ومايرجع والقطعه مثل ما اهي بنفس الكيس مال الجمعيه
ورابعا لما سألتك وقلت لك شغال قلت لي انا ماجربته صاحبي مجربه .. ومامداني ارجع للبيت من مكان التسليم واعتقد اقل من ساعه جربته وعلى طول دقيت عليك وقلت لك خربانه
ولكن ماينفع هالكلام (( والمثل يقول ان لم تستحي ففعل ماتشاء )) ولا تستحي مني او من البشر استح من ربك
وهالـ 25 دينار فدوه حق نعال عيالي وانا آسف طولتها وياك

 

[shadouw]

انا ما قلت شي ادري اني قاعد اتعامل مع ريال و النعم فيك ...... لكن قلت لك عندي ظروف صعبةو كنت بالمستشفى و اليوم طلعت على مسؤوليتي و ما كنت اقدر ارد على اي احد..و توني قلت ادش اجيك عل موضوع و شفت كلامك ..... و الكشاف جديد بقراطيسه يعني شريناه من صوب و نبي نبيعه من صوب ما استعملناه معناته انه انه لو فيه خلل من المصنع مو مني انا هذا قصدي ... و الكشاف كان مافيه اي خراب قبل لا تستلمه و مجرب مرتين عشان نتاكد انه مو خربان ........

 

[عابــر سبيــل]

طيب شالمشكله رجعله فلوسه ؟

خلاص الرجال يعني يجذب عليك

جرب الشغله خربانه يا انك تبدلها له او ترجع فلوسه

اما حاجه غريبه

 

[shadouw]

و انت شكو ...... شكو مدخل روحك بالموضوع ..... غير حالة هذي

 

[AHMADO85]

طيب شالمشكله رجعله فلوسه ؟

خلاص الرجال يعني يجذب عليك

جرب الشغله خربانه يا انك تبدلها له او ترجع فلوسه

اما حاجه غريبه

كلامك صحيح رجع فلوسه والله يوفقكم

 

[shadouw]

انا ابي اعرف اللقافة ليش !!!!!!!!!! و بعدين انا صارلي شهر و انا ابيع هالكشافات حق صاحبي و بعت لحد الحين 42 الى 44 كشاف مابين اسود و ابيض و لا واحد من الي شروهم اشتكوا الحمدلله ..و لو اني داش بنصب عل الناس جان ما وفقني ربي و خلاني ابيع هالكمية . البضاعة تنباع يديدة مو مستعملة يديدة يعني احنا مالنا شغل اذا خربانة او فيها اي شي لانها تسلم حق الشاري بقراطيسها ... و القطعة كانت مجربة من صاحبها مرتين قبل لا تسلم للشاري ما كان فيها اي عيب ...... يمكن اهو ما عرف يوصل واحد من الوايرات .. و ممكن انه ما وصل الوايرات عدل ف ضرب عنده البورد الي داخل الكشاف او فيوز ..... الكشاف مجرب مرتين مرة يوم الشراء و مرة بنفس يوم التسليم ما كان فيه شي شلون لما يجربه اهوااول مرة قال يشتغل بس ما يدو بسرعة و هذا شي طبيعي لانه دينموا صغير ماهوا مكينه الي يفره .. بعدها قال لا يدور جهه وحدة بس ؟؟؟؟؟؟؟؟؟؟ .... و بالنسبة للفلوس مو عندي راحت لصاحبها انا مجرد وسيط .. و رجاءا لحد يدخل بالموضوع احسن .,مابي لقافة .....

 

[shadouw]

الرموت كنترول فيه علامة + كل ما تنضغط تزيد سرعة دوران الكشاف وعلامة ال - العكس تبطئ سرعته ....... يمكن الريال ضغط على ال - لحد ما صار ما يفتر ....