مطلوب حطب غضى او ارطا

[فهد97788]

السلام عليكم ورحمة الله





اخواني لو سمحتو إذا احد يعرف مكان يبيع حطب

غضى او ارطا


ياليت ينورني لأن بالكويت هالنوع من الحطب غير موجود

ولا يباع إلا بالسعوديه


ولو احد يعرف شخص يبي يجي من السعوديه

يوصيه يجيب واشتريه بسعر مجزي

ومابي كميه كبيره يعني 4 خياش تكفي

واللي يعرف يكتب مكان البيع يقولي او يرسل بالخاص


ملاحظه كـ حد اقصى اليوم الأربعاء او بكره فقط


وشاكر للجميع​

 

[qkhaled900]

عندي خيشة غضى واربع ربطات سمر جايبهم للاستعمال الشخصي
لكن انت مبين عندك عزومة عطني سعرك والخشب جريب من كبد

 

[فهد97788]

اخوي خالد حياك الله

السمر والله مالي فيه حاجه لكن الغضى

يباع بالمملكه او على الحدود مابين 15 إلى 22 ريال يعني كويتي تقريب دينار ونص

وانا باخذ الغضى منك بثلاث يعني دبل السعر

والسمر قولي كم السعر اللي تبي يمكن آخذه بالمره


وربي يوفقك فيه ووفي غيره

 

[فهد97788]

ماااش

 

[فهد97788]

معقوله ميته ناركم

 

[qkhaled900]

معقوله ميته ناركم

اذا انت اتسومة 30 ريال هو سعرة من هناك 30 ريال الظاهر انك تجهل الاسعار وللعلم السمر هو الي سعرة 15 ريال

الحطب عندي وفلوسك عندك


اربع ربطات سمر سعرها 15 ريال وانا ابي حق الطريق الدبل يعني 30 ريال عن كل ربطة

والغضى سعرة 30 وانا ابي الدبل 60

 

[فهد97788]

علامك معصب كأني سايم واحد من عيالك ( لاحول الله )

انا خلصت حاجتي

وجبت حمل هاف لوري

وأخذت حاجتي والباقي بعته على 6 ريال

 

[افاكاتو]

يا شباب الله يجزاكم خير القضا بالسعوديه بحدود ال 30 ريال
والكومه اذا ما خاب ضني ب 400 ريال والي ما يعرف الكومه هذي الكومه
http://www12.0zz0.com/2009/12/16/12/323949320.jpg
الي يجيب لي كومه مستعد اعطيه زود

 

[LQQK]

يعطيكم العافيه يا شابين النار
اللي يطلب الغضئ الاخ فهد اذا عندك عزيمه ارسل لي خاص وابشر بالخير
واللي يقول الكومه ب 400 ريال
وحاط صورتها انا اشتري الكومه اللي بالصوره ب 200 دينار
انا جايبه من ثلاث ايام سعر الخيشه ب 30 ريال
وسعر الكومه اللي كبر الانسان البالغ بس 300 ريال
وسعر حملة الوانيت النيسان 1200 ريال
وسعر حملة الوانيت الجمس 2500 ريال
طبعآ لحد نص القماره
وياللي تبي تشب نار ونارك ان شاء الله والعه دوم اذا تبي خيشه تستانس فيها اذا عندك عزيمه راسلني وابشر بخيشه مجانيه
وتقبلو تحياتي ومروري

 

[افاكاتو]

الله يجزاك خير يا lqqk
للامانه هذي معلوماتي عن الغضئ
ومادري عن كلامك اذا كان صحيح او غير صحيح وبالتوفيق للجميع