دقو علي شركه زين اليوم وقالو نعطيك عرض ادز رسايل داخليه بنص السعر ورسايل دوليه بنص السعر بس على شرط توقع معنا عقد سنتين ما تقطع الخط ولا ينسحب منك يعني لو ينقطع الخط هم الاشتراك ماشي
واخر المكالمه يقول مبروك فوزك معنا في العرض :///
اى والله دق علي من رقم 109 وقال لي مبروك فزت بعرض معنا قلت شنو العرض قالي ادز رساله بنص السعر دولي او داخلي بس بشرط توقع عقد سنتين ما تنحاش من الشركه ولا تقطع الاشتراك
بالعكس عرض حلو
فالكثير منا عندهم نفس الخط وصار لهم اكثر من 10 سنوات ماغيروه
وما اعتقد احد يرغب بتغيير خطه اللي صار له فتره عنده وبالمره يستفيد من الخدمة
توه مارني المكتب مندوب منهم عرض علي خدمه اسمها M-Pay مجانيه
يعطيك شريحه جديده ذكيه على قولته لجهازك ومن ضمن القائمه اللي بجهازك راح تنضاف ايقونه جديده للخدمه، تدفع فواتيرك سواء لك ولا لشخص ثاني والخصم مربوط بحسابك البنكي اللي انت تعطيهم اياه وتدفع بنفس الوقت
في الحج كان عرض زين السعوديه تكلم ب100 ريال يندبل الى 200 ريال
رصيد مجاني نهاية الاسبوع
وكنت مشترك فيها
وعرض زين النيجيريه مكالمات مجانيه للحجاج النيجيرين
اما بالنسبه لزين الكويت فهي الابن العاق لوالدينه
زين عالم كئيب