لمحبي الزعفران تنبيه

[jassem777]

السلام عليكم

ياخوان

تم فحص كميات من الزعفران الايراني في مختبر وزارة الصحه

لايصلح للاستخدام الادمي

يوجدفيه اللوان صناعيه

وهذا الي شفته بعيني

 

[بو جابر]

جزاك الله خير على التنبيه

 

[hmr]

جزاك الله خير

 

[mishal-wu]

جزاك الله خير على التنبيه بس اذا ممكن تفيدنا اي نوع او اي اسم او شكل العلبه لتعم الفائدة اكثر

 

[Perfumes2009]

اخوى عندك فكره وين نحصل الزعفران الاصلى بدون اصباغ

 

[jassem777]

السلام عليكم

مشكورين اخواني على تفاعلكم بالموضوع

اخواني اغلاب الزعفران اليراني يتعلب بالكويت والستيكر مع العلب يتصنع

بالكويت


وانصح الزعفران الاسباني افضل واجود

ولاتغرك كمية الايراني تحط منه كميه عشان يبين والاسباني غير

وشكرا​

 

[Perfumes2009]

السلام عليكم

مشكورين اخواني على تفاعلكم بالموضوع

اخواني اغلاب الزعفران اليراني يتعلب بالكويت والستيكر مع العلب يتصنع

بالكويت


وانصح الزعفران الاسباني افضل واجود

ولاتغرك كمية الايراني تحط منه كميه عشان يبين والاسباني غير

وشكرا​

وكم سعر الزعفران الاسبانى اخوى للفائده وتسلم على حرصك لاخوانك

 

[mohamm3d]

اي حتى سمعت بهالشي الله يستر بس الغش وصل للأكل

 

[jassem777]

وكم سعر الزعفران الاسبانى اخوى للفائده وتسلم على حرصك لاخوانك

اعتقد سعر التوله دينار وتسعميه فلس

وعلى حسب النوعيه والجوده

في نوعيه تولته 30 دينار بس هذا باور مثل الفياقرا​

 

[الورد]

جزاك الله خير آمين

و حسبي الله و نعم الوكيل على وزارة التجارة و البلدية الي ما يعلنون أسماء هذه الشركات المجرمة ..

اللهم أرنا فيهم عقوبتك آمين

 

[هد هد]

جزاك الله خير

 

[ابو فاطمه906]

يوم يدرون عن الالوان الصناعيه ليه مايمنعونه من السوق ؟

 

[عطر عربي]

لاحول ولاقوة الابالله

 

[الـطــارق]

شكرا لك

 

[q8ihome]

هو الفكره ان اي شيئ من ايران صار فيه غش ولا لشيئ آخر في الف شركه بأيران للزعفران يعن كلهم غشاشين ولا علشان جنابك التسعت منهم من مصدر واحد فقلت الزعفران الايراني في غش ولا تذروا وازة وذره اخرى . لا تفتري على كل المنتوجات او كل الشركات وتحطها بذمتك وتحاسب بها بالدنيا و بالآخرة . واذا بأيران وفي غش عاد ماشاء الله الكويت نظيفه ولا كل البلدان كل بضاعتهم نظيفه ولا تصنيفك بس على الزعفران الايراني بالاخص هو كامل الغش به ولا عندك بضاعه من اسبانيه دولة الكفر وتبي تصرفها علينا . لعن الله الكافرين ومنتوجاتهم والله اعلم ما يدسون فيها لقطع نسل المسلمبن من العالم كله الاسلامي ؟

والله اعلم ...

 

[q8ihome]

يا جماعه اطبخ لنفسك شبس من البطاط عندك بالبيت وخله بالثلاجه 10 ايام تقدر تاكله بعد عشر ايام ..... ما اعتقد فأشلون ترضون تشترون لأعيالكم شبس مكيس وصلاحيته تفوق السنتان ...
الله يستر علينا وعليكم ؟

 

[بووسعد]

جزاك الله خيرآ

 

[Del Piero]

بخصوص الغش فلا استبعد ان يكون الموضوع صحيح (وناقل الخبر صادق في نقله ان شاء الله) الا انه يتوجب عليه تحديد اسم الزعفران المغشوش حتى نتجنبه من بعد البينه

اما بخصوص الزعفران الايراني فهو افضل بكثير من الاسباني وبشهادة اهل الخبره
وعلى فكره السوق الكويتي يزخر بالعديد من ماركات الزعفران الايراني المعلب والمغلف حراريا في ايران (شد بلاده) ومن ماركات مشهورة لا تقبل المساومه على اسمها وجودتها (وعلى سبيل المثال لا الحصر سحر خيز, بهرامن, ادمان,تواضع الخ)

عتب شديد يوجه الى التجارة والبلديه تجاه التجار الغشاشين والبضائع المغشوشة يعني يقومون بالفحص ولا يرتبون عليه عمل ( لا تسحب الرخصة ولا غرامه ولا سحب بضاعه من السوق !!!!!!!)

نسال من الله التوفيق

 

[افتخر اني خليجي]

ما نقدر نقول الزعفران الايراني كله ولكن فيه غش بالاونه الاخيره ولهذا الكثير من الجمعيات لا تبيع الزعفران لان مخالفته 500 دينار

 

[البيت الخليجي]

الزعفران الأسباني المصدر للعالم من أسبانيا:
20% مصدره أسبانيا
50% مصدره المغرب
30% مصدره إيران

لذلك أعتقد أن الأساس في الموضوع الجودة بغض النظر عن البلد الذي يتم فيه إنتاج الزعفران.
أعتقد أن زعفران أبو 3 تفاحات اللي يبيعه عبد الرسول أبل في المباركية بأول شارع الغربللي هو من أجود أنواع الزعفران الإيراني في الكويت ...
وأنا مو مستفيد شيء من هذه الدعاية بل هو سعره غالي و ما ينزل بالأسعار ( سعره مرتفع عن نظيره الإيراني ) !!
لكن الحق ينقال زعفرانه ممتاز ...
و أهل الخبرة بالزعفران قالوا لي عنه إنه جيد بس فيه أنواع من الأسباني أجود ( وبسعر أغلى )