الى مساهمين آجال مع التحيه..والشكر لنواف الطبيخ

[fea014]

كل الشكر للأخ نواف الطبيخ اللي ماتأخر لحظه عنا وسعى من نفسه
وبدون أجر الله يجزاه كل خير..
يشهد علي الله إني ماعرفته الا لما إستلمت التوكيل منه..
اللي قاهرني الناس اللي مكتتبين واللي شارينه بأسعار أعلى من إكتتابه وبالذات زيادة راس المال 275 وراحت فلوسهم وقاعدين يتفرجون
وذابحهم الكسل..
الأخ نواف ماقصر سوى كل شي ومشى في مطالبات ودوخة راس هو في غنى عنها وكله عشانكم وأنتوا عاجزين لاتسوون توكيل حق المحامي عشان تمشي القضيه؟؟
أنا أدري إن في ناس يقولون حنى وش لنا بدوخة الراس وخلهم يرفعون قضيه وإن جاهم شي راح يجينا..
على فكره إذا مارفعتوا القضيه معانا راح يكون حالكم حال مجلس الإداره الموجود
يعني إنكم من ضمن الموافقين على التقرير المالي والإداري
وبدال ماتصيرون مجني عليهم تصيرون جناة..
صدقوني اللي راح يبرد في رفع القضيه راح يتحسف بعدين وإذا فات الفوت ماينفع الصوت..
لما رحت للمحامي أسلمه التوكيل بصراحة إنصدمت لأنه يقول كثير من الإخوه الكرام مايردون على هواتفهم وبعضهم يواعدني ويطنش..
على العموم راح الكثير ومابقى ألا القليل والقضيه تحولت الى بداية شهر12
واللي راح يتأخر ماراح يدخل برفع القضيه ولو كسبنا القضيه وإن شاء الله راح نكسبها طبعاً ماراح يكون معانا وراح يكون هو الخسران..
وسلامتكم
أخوكم فهد العجمي

 

[عبدالعزيز]

طريقك طرحك للموضوع اخوي فيها ابتزاز مرفوض يعني لازم نوكل محامي و نكون معاكم او نكون جناه انت ماتجبرنا ولاتقدر تتهمنا انه احنا نكون جناه كل انسان حر يرفع قضيه او مايرفع انا عندي السهم في سعر 255 شريت السهم علي اقتناع وخسرت الشركه من سوء ادراتها هل اهو خطئي اني وثقت في شركه او خطا هم انهم ماعرفو يديرون دفه الشركه انا باعتقادي انه المسؤليه مشتركه انا كمستثمر معرض لربح الخساره هذي حال الدنيا
الله يوفقكم في قضيتكم بس ابتزازك مرفوض للمساهمين اما تكون معانه او انتو جناه !!! انت اذا تبي تحاسب وعندك مطالب تروح للمؤسين او اعضاء مجلس اداره الشركه اما المساهمين شنو علاقتهم في الموضوع انك تحكم عليهم انهم جناه ؟

اما انك تشكر الرجال هذا شئ واجب واهو طبعا يبي يفيد نفسه و يفيد شريحه من الناس هذا جزاه الله خير بس مو معقول تمن علي المساهمين انه رجال سوه خير وانه الباقي مافيهم خير !!
اسف علي مداخلتي اتمني ماضايقت احد

 

[fea014]

على العموم الفهم الخطأ وارد من ناحيتك وكنت أتكنى لو قريت الكلام عدل..
أنا ماقصدتك وقصدت الناس اللي سجلوا اسمائهم وطلعت تواكيلهم وماراحوا عشان يستلمونها..
وإذا كنت ماتبي حقك براحتك بس حنا في ديرة قانون ولنا حق وراح ناخذه حتى لو تم إشهار إفلاس الشركه..
أتمنى من الإخوه اللي لهم تواكيل ياخذونها وكلها نص ساعه بالمحكمه ويوديها للمحامي..
واللي يبي يعتبر كلامي إبتزاز عشان حقي وحقه مايضيع خل يعتبره على راحته..
والمثل يقول ماضاع حق وراه مطالب..
وسلامتكم

 

[نواف الطبيخ]

كل الشكر للاخ العزيز فهد العجمي واقوله مشكور وماقصرت واشكر الاخ عبد العزيز وايد بس احب اقوله ما معنى اخفاء البيانات الماليه لمدة 3سنوات وما معنى عدم وجود اعضاء مجلس اداره لمدة سنتين وما معنى التعاملات مع شركات ذات اصحاب الصله و الشركات التابعه الغير مسجله في وزارة التجاره وما معنى اجبارهم على عقد الجمعيه العموميه للبيانات الماليه ونتخاب اعضاء مجلس الاداره واين ال25 مليون التي لم تستحق فى موعد استحقاقها اخي عبدالعزيز هناك فرق بين سوء الاداره والسرقه ومثل ما يقول المثل{ عينك ميزانك} واذا على رفع القضيه وليش نكلم المساهمين احب اقولك انه ايد وحده ما تصفق بس اذا انت مستفيد من هالاوضاع هذا شي ثاني واذا تسمي كلام فهد ابتزاز عيل شتسمي كلام سليمان العميري يوم قال للمساهمين بالجمعيه العموميه {يا جماعه ترا محد طكم على ايدكم وخلاكم تشترون اسهمنا} هالكلام شماته ولا شنو اخوي عبدالعزيز كلامك مثل كلامه واذا لك مصلحه معاهم او يصيرولك احب اقولك هذا حلال مسلمين و خاف من الله ترا الناس خسرانه وشكرااااااااااللجميييييييع

 

[عبدالعزيز]

كل الشكر للاخ العزيز فهد العجمي واقوله مشكور وماقصرت واشكر الاخ عبد العزيز وايد بس احب اقوله ما معنى اخفاء البيانات الماليه لمدة 3سنوات وما معنى عدم وجود اعضاء مجلس اداره لمدة سنتين وما معنى التعاملات مع شركات ذات اصحاب الصله و الشركات التابعه الغير مسجله في وزارة التجاره وما معنى اجبارهم على عقد الجمعيه العموميه للبيانات الماليه ونتخاب اعضاء مجلس الاداره واين ال25 مليون التي لم تستحق فى موعد استحقاقها اخي عبدالعزيز هناك فرق بين سوء الاداره والسرقه ومثل ما يقول المثل{ عينك ميزانك} واذا على رفع القضيه وليش نكلم المساهمين احب اقولك انه ايد وحده ما تصفق بس اذا انت مستفيد من هالاوضاع هذا شي ثاني واذا تسمي كلام فهد ابتزاز عيل شتسمي كلام سليمان العميري يوم قال للمساهمين بالجمعيه العموميه {يا جماعه ترا محد طكم على ايدكم وخلاكم تشترون اسهمنا} هالكلام شماته ولا شنو اخوي عبدالعزيز كلامك مثل كلامه واذا لك مصلحه معاهم او يصيرولك احب اقولك هذا حلال مسلمين و خاف من الله ترا الناس خسرانه وشكرااااااااااللجميييييييع

مطالبكم في محلها لكم حق ترجعون للقضاء ترجعون حقوقكم بس انا لما اقول ابتزاز رد علي الاخ العجمي لما يقول عنه يسمينا جناه حالنا حال مجلس الاداره ليش اتهامنا يعني انت توقع انا مستفيد من هذي اوضاع اقولك لا طبعا لاني خسران بس مو هذي الشركه الوحيده الخسران فيها الحمدالله علي كل حال هذا حال اسثمار لاتقطها براسي اني اعرفهم او شئ لاوالله اني ابتلشت في اسهم بس شنو اسوي يعني لازم ارفع قضيه هذي شغله مو اجباريه ولاتقدرون تجبرني او تتهمني اني من الجناه او تلقصني في مجلس اداره ماعرفه بعد مارديت عليكم في الموضوع
انا مسؤل عن اسثماري الخطا اني دخلت مع قروب البدر لاتحاول تخلي كلامي لما اكون معارض لكلام العجمي اني معاهم او من مجلس الاداره تري انا طالع علي السهم 255 يعني اكثر من سعرك متضرر اكثر.
فليش تبون تقحمونه معاكم يكفي انتو رفعتو قضيه اما اذا كانت القضيه ماراح تكسبونها الي اذا كانو معاكم اشخاص اكثر ياريت اتم دعوتهم بطريقه افضل من وصفهم جناه عشان الناس تتشجع تكون معاكم لاني انا ماعرفك ولاانت تعرفني ولااعرف غايتك ولاتعرف غايتي

فياريت يعني اذا شخص مو معاكم مو معناته انه ضدكم لاتكيلون اتهام جزافا علي ناس مالهم علاقه في شئ سوي انهم مستثمرين خسرو اسثمارهم اذا تبي تصفي الشركه صفها اذا كان القانون بصالحك اتمني تكسب القضيه بس بدون ابتزاز الناس اجبارهم كل واحد عقله براسه يعرف خلاصه

 

[MAC/D]

كفوا والله

يعطيكم العافيه اخوي الطبيخ واخوي فهد ماعليكم من الحجي الزايد انا بسوي توكيل وين فيه وشلون

اذا فيه تلفون للتنسيق وشكرا

 

[نواف الطبيخ]

هذا رقمي 99893008 وشكراااااا

 

[fea014]

مطالبكم في محلها لكم حق ترجعون للقضاء ترجعون حقوقكم بس انا لما اقول ابتزاز رد علي الاخ العجمي لما يقول عنه يسمينا جناه حالنا حال مجلس الاداره ليش اتهامنا يعني انت توقع انا مستفيد من هذي اوضاع اقولك لا طبعا لاني خسران بس مو هذي الشركه الوحيده الخسران فيها الحمدالله علي كل حال هذا حال اسثمار لاتقطها براسي اني اعرفهم او شئ لاوالله اني ابتلشت في اسهم بس شنو اسوي يعني لازم ارفع قضيه هذي شغله مو اجباريه ولاتقدرون تجبرني او تتهمني اني من الجناه او تلقصني في مجلس اداره ماعرفه بعد مارديت عليكم في الموضوع
انا مسؤل عن اسثماري الخطا اني دخلت مع قروب البدر لاتحاول تخلي كلامي لما اكون معارض لكلام العجمي اني معاهم او من مجلس الاداره تري انا طالع علي السهم 255 يعني اكثر من سعرك متضرر اكثر.
فليش تبون تقحمونه معاكم يكفي انتو رفعتو قضيه اما اذا كانت القضيه ماراح تكسبونها الي اذا كانو معاكم اشخاص اكثر ياريت اتم دعوتهم بطريقه افضل من وصفهم جناه عشان الناس تتشجع تكون معاكم لاني انا ماعرفك ولاانت تعرفني ولااعرف غايتك ولاتعرف غايتي

فياريت يعني اذا شخص مو معاكم مو معناته انه ضدكم لاتكيلون اتهام جزافا علي ناس مالهم علاقه في شئ سوي انهم مستثمرين خسرو اسثمارهم اذا تبي تصفي الشركه صفها اذا كان القانون بصالحك اتمني تكسب القضيه بس بدون ابتزاز الناس اجبارهم كل واحد عقله براسه يعرف خلاصه

والله إن غريب ياعبدالعزيز
يعني وقفت على كلمة جناة وتضايقت منها؟؟
صدق شر البلية مايضحك
على العموم ماراح أرد عليك وإذا تبي تدش معانا بالقضيه حياك الله ماتبي براحتك..
بالنهاية كل الشكر للأخ نواف الطبيخ

 

[fahad ali]

هلا والله بولد العم

 

[sayer]

جزاك الله كل خير اخوي نواف وان شاء الله في ميزان حسناتك

 

[أضرب وأهرب]

السلام عليكم

آنا اليوم سلمت التوكيل للمحامي والله يوفقه في الإنتصار على مجلس إدارة شركة آجال المليئه بالغموض وعدم الشفافية والمصداقية وانشا الله ترد فلوسنا ونصيحتي انكم ترفعون قضية لضمان حقوقكم يا أخوان والله حرام تروح فلوسكم بعد كل هذا الإنتظار

 

[fea014]

السلام عليكم مازلت أقول اللي راح يرفع قضيهعلى الشركه هو اللي راح يستفيد!
وبعض الناس يقول إذا كسبتوا القضيه راح يكون حالي من حالكم وطبعاً راح يكون غلطان بهالتفكير لأن الحكم راح ينزل للي رفعوا القضيه وبعدها مجبر إنه ياخذ الحكم ويروح يرفع قضيه ويوكل محامي وينتظر الحكم!
بصراحة أستغرب من هالناس اللي الكسل ذابحهم بس هاذي مشكلتنا حنا الكويتيين مانتحرك ألا بالدز وغصب!
أتمنى من بعض الإخوان اللي ماسووا تواكيل للمحامي إنهم يستعجلون ويشدون من حيلهم لرفع القضيه لأننا بصراحه محتاجين عدد كبير عشان نكون لنا نصاب من الأسهم وهالشي راح يخدمنا برفع القضيه!
ومشكورين على كل حال

 

[الديك]

مقال صحفي بجريدة القبس والله يوفقكم يا أخوان وربع تعاونو ماذلو
دعوى الشركة ضد رئيس
وأعضاء مجلس الإدارة
أقر القانون الكويتي في
١٤٩ من قانون ، المادتين ١٤٨
الشركات التجارية بمسؤولية
رئيس وأعضاء مجلس الإدارة
عن أعمال الغش وإساءة
استعمال السلطة وعن كل
مخالفة للقانون، أو عن الأخطاء
التي يرتكبونها وتسبب إضرارا
للشركة أو للمساهمين أو للغير.
ويعتبر توزيع أرباح صورية
على سبيل المثال أو نشر بيانات
أو ميزانيات غير صحيحة عملا
مخالفا للنصوص التشريعية،
فيما يعتبر من الأعمال التي
تخالف أحكام النظام الأساسي للشركة مثلا هدر أموال الشركة على
الدعاية والإشادة بمواقف رئيس مجلس الإدارة أو إقراض المقربين له
من دون ضمانات كافية.
وكما يمكن توجيه دعوى المسؤولية المدنية إلى رئيس أو أحد
أعضاء مجلس الإدارة، فإن هذه الدعاوى يمكن ان توجه إلى جميع
أعضاء مجلس الإدارة مجتمعين باعتبارهم متضامنين عن القرار
الخاطئ الذي سبب الضرر والمسؤولية، وهو تضامن قانوني يستند
إلى الخطأ التقصيري في موقف كل عضو من أعضاء مجلس الإدارة
متى ما صدر القرار بالأغلبية ولم يثبت المعترضون عليه من أعضاء
المجلس اعتراضهم كتابة في محضر الجلسة، بل يذهب رأي إلى أكثر
من ذلك بأن يكون الأعضاء الغائبون من دون عذر مسؤولين، لأنهم
يرتكبون إهمالا في حق الشركة والمساهمين أو الغير.
ويجوز لكل من لحقه الضرر من جراء القرار أو التصرف الخاطئ
مباشرة دعوى المسؤولية ضد رئيس وأعضاء مجلس الإدارة أو أي
منهم، سواء كانت الشركة ذاتها كشخص اعتباري أو المساهمين أو
الغير.
وتستطيع الشركة مباشرة الدعوى باعتبارها شخصا معنويا
يعترف له القانون بتلقي الحقوق وتحمل الالتزامات، وذلك في جميع
الأحوال التي يترتب فيها أضرار مباشرة للشركة مثل الخطأ الفادح
في الإدارة والإهمال والتهاون في حقوقها وتبديد أموالها وكل تصرف
يفوت على الشركة كسبا مؤكدا أو يكبدها خسارة محققة، وإساءة
استخدام السلطة أو أي مخالفة للقانون أو للنظام الأساسي.
ويقوم مجلس الإدارة الجديد الذي يحل محل المجلس القديم الذي
اقترف الخطأ بمباشرة دعوى المسؤولية في مواجهة رئيس وأعضاء
مجلس الإدارة السابقين.
وإذا بقي مجلس الإدارة القديم نفسه ولم يتغير أو لم يقم المجلس
الجديد باتخاذ إجراءات الدعوى فإنه يجوز للجمعية العامة للمساهمين
مباشرة هذه الدعوى الجماعية استنادا إلى الضرر الجماعي الذي
لحق بالمساهمين، وكذلك يكون من حق المصفي مباشرة الدعوى إذا
كانت الشركة تحت التصفية ومدير التفليسة إذا كانت الشركة في
حالة إفلاس.
وهناك رأيان حول الأساس الذي ترتكز عليه دعوى مسؤولية
رئيس وأعضاء مجلس الإدارة، فمنهم من يرى انه أساس تعاقدي
باعتبار ان مجلس الإدارة وكيلا عن الشركاء وانه بارتكابه الأخطاء
قد أخل بواجباته كوكيل، ولكن الرأي الغالب يتجه إلى ان العلاقة بين
مجلس الإدارة والشركة علاقة قانونية وليست تعاقدية، وانه استنادا
إلى هذا التفسير كان التضامن بين أعضاء مجلس الإدارة في تحمل
المسؤولية.
وإذا لم تباشر الشركة الدعوى لأي سبب من الأسباب، فإن من حق
المساهمين مباشرة هذه الدعوى، ويستطيع مساهم بمفرده مباشرة
هذه الدعوى لأنها دعوى احتياطية تباشر من قبل واحد أو أكثر من
المساهمين إذا تقاعست الأغلبية مباشرتها مجاملة لمجلس الإدارة.
ويجب على المساهم الذي يبغي مباشرة الدعوى ان يكون مساهما
وقت رفع الدعوى. فلا يجوز لمن تنازل عن أسهمه مباشرة هذه
الدعوى حتى لو كانت الأخطاء المنسوبة لمجلس الإدارة في الفترة التي
كان مساهما في الشركة.
ومهما كان الخلاف حول الأساس الذي يباشر المساهم بموجبه
دعوى المسؤولية ضد مجلس الإدارة، فإن مسؤولية الأخير عن حسن
إدارة الشركة مصدرها القانون وبالتالي لا يجوز الإعفاء أو التخفيف
فيها، فيحق لكل مساهم مباشرة الدعوى لمصلحة الشركة إذا ما
لحق بها ضرر من سوء تصرفات مجلس الإدارة أثرت في مركزها،
وانعكست بالتالي على المساهمين كأفراد، مثل انخفاض قيمة الأسهم
أو تعرض الشركة للخسارة أو التصفية، وإن حق المساهم في إقامة
الدعوى منفردا عن الشركة فيه حماية للأقلية من عزوف الأغلبية
وتراجعها عن مباشرة الدعوى لأي سبب من الأسباب، طالما انه من
المقرر ان هذه الدعوى هي لصيقة بصفة المساهم ومن حقوقه التي لا
يمكن مصادرتها أو الانتقاص منها. وجدير بالذكر ان هذه الدعوى
يمكن مباشرتها حتى لو صادقت الجمعية العمومية للمساهمين على
التقرير السنوي المقدم من مجلس الإدارة وأبرأت ذمة مجلس الإدارة.
المحامي عبدالرزاق عبدالله
abdulrazzaq@arazzaqlaw

 

[أضرب وأهرب]

هذا رقمي 99893008 وشكراااااا

أخوي نواف بقيت أسألك مو المفروض الجلسة تاريخ 20/12/2009 أكيد تأجلت لأن كان عطلة رأس السنة الهجرية ولا شرايك

 

[أضرب وأهرب]

آخر كلام

أخوي نواف بقيت أسألك مو المفروض الجلسة تاريخ 20/12/2009 أكيد تأجلت لأن كان عطلة رأس السنة الهجرية ولا شرايك

وسألتك وبجاوب على روحي الجلسة تاريخ 13/1/2010

 

[فلها وخلها]

السلام انا اول مره اشارك وياكم بس حبيت اضيف نقطه تري الجلسه باجر راح تأجل لأن في أطراف مو متبلغه وهذا الشي انا متأكد منه لغايه الساعه 11 من اليوم

 

[سويسرا]

؟ للرفع

 

[abdalah]

السلام عليكم ورحمت الله وبركاته
مافي اي اخبار عن اجال القابضه (اسف حصل خطأ)
الرجا اي خبر