كشاف ضد الماء والصدمات والصدأ 1500 متر اضاءة زنون صناعة ألمانية

[luter]

كشاف صناعة المانية
اضاءة لون ابيض زنون مدى 1500 متر شحن بالكهرباء لا يحتاج بطاريات
ضد الماء والصدمات والصدأ
حجم الكشاف 33 سم
عمر اللمبة 100 ألف ساعة ما يعادل عمل 11 سنة
السعر 15 دينار
66508991

 

[abatchy007]

اخوي اذا شحنته جم ساعه يشتغل وياك وهل في مجال تنزل بسعرك

 

[liger79]

السلام عليكم اخوي .. لو توضح لي ولا عليك أمر مايركبون عليه بطاريات ولا الليت بس شحن ؟
والإضاءه قوية حيل وشكثر يطول شحنه مع الإستخدام وغير الإستخدام ... وياريت تراعينا بالسعر
وشكراً

 

[nasser2009]

السلام عليكم اخووي .. نفس مااقالو الشباب وانا اضيف عليهم .. ابي اسم الشركه او الماركه وراعنا بالسعر وانا شرااي بعد المعاينه

تحياتي لك

 

[LighTninG]

ويا ريت يالغالي تقولي جم متر ينزل تحت الماي ... ؟



سلالالالالالالالالامن

 

[luter]

هلا يا اخوان
بعد الشحن الكامل يشتغل معاك 8 ساعات متواصلة
وبخصوص البطاريات ممكن تركب علية بطاريات عادية بعد ما يخلص الشحن
والاضاءة مدى بعيد ولون ابيض وقوية
اسم الماركة نفيكا
والسعر تستاهلون على 14 دينار
الجهاز ضد تسرب الماء ولا اعتقد يصلح للتشغيل تحت الماى
وبالخدمة

 

[luter]

متابع

 

[luter]

متابع الموضوع

 

[luter]

متابع الموضوع

 

[luter]

هلا يا اخوان الموجود حاليا مدى 2 كيلو

 

[بوحمود1]

خوش ليت لكن السعر وايد غالى اخوى

 

[luter]

هلا حبيبى تبى صينى موجود عندى ب 5 دنانير

 

[ck1]

مرحبا طال عمرك ،،،،

هذا الليت ينباع على 10 بأسواق القرين ... وانا باخذه منك بسعر 11 دينار بس على شان التوصيل ؟؟
وأبي منك كم غرض عارضهم من قبل ؟؟

إذا موافق عطني رساله وأدق عليك في الحال ؟؟

ولك مني خالص التحيه والتوفيق

 

[luter]

هلا حبيبى
ارجو المعذرة منك اخى الكريم لكن لا رغبة لى بالتعامل معك بتاتا وارجو منك عدم طلب اى سلعة انا عارضها فى المنتدى
للرفع يا اخوان
والكشاف صناعة ألمانية اصلية والمدى 2 كيلو زنون شحن ضد الماء والصدمات والصدأ وهذة النوعية من الكشافات مخصصة لرجال الاطفاء والعسكريين والى يحصل فى السوق باقل من هالسعر ونفس النوعية خل يشترى وعلية بالعافية

 

[بن فرناس]

ماركة قوية فعلا

أحصل عندك أصغر من هالحجم ؟؟

وأسأل الله أن يرزقك كل خير وجميع المسلمين

 

[ck1]

هلا حبيبى
ارجو المعذرة منك اخى الكريم لكن لا رغبة لى بالتعامل معك بتاتا وارجو منك عدم طلب اى سلعة انا عارضها فى المنتدى
للرفع يا اخوان
والكشاف صناعة ألمانية اصلية والمدى 2 كيلو زنون شحن ضد الماء والصدمات والصدأ وهذة النوعية من الكشافات مخصصة لرجال الاطفاء والعسكريين والى يحصل فى السوق باقل من هالسعر ونفس النوعية خل يشترى وعلية بالعافية

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرحبا اخوي ...

عسى ماشر كل هذا شاللي بيني وبينك عشان تزعل .... ياخوي مايصير تقطع البيعه عني بدون لا تبدي الاسباب ؟؟

ترى بطريقتك هذي واسلوبك الغريب راح تخلي كل زبون ينفر منك وتصير عكسيه عليك والمعروف واللي نشوفه بأنك خوش رجال وكلامك طيب ،،،، ياخي عامل الزبون حسب رغبته مهما كان لأنهم اشكال والوان وعلى حسب شخصيته لأنك بايع ,,,

اذا تعتقد نيتي غير الخير ،، ياخي دعيتلك بسومتي أول البيعه وآخر البيعه بالخير ؟؟

والله العظيم ينباعون على 10 بأسواق القرين واللي رادني بإنه البيت بعيد عن السوق ؟؟

أحسن النيه الله يرضى عليك وماله داعي ترى الدنيا عيد والعيد كله تسامح وأخوّه ؟؟


حقك علينا إذا زعلت ترى الدعوه ( ليتات ) ماله داعي يزعل رجال من رجال بسببها ؟؟

عسى الله يوفقك ويرزقك

 

[luter]

هلا طال عمرك
الناس ما تشوف كلامك تدعى بالخير اول الموضوع واخرة الناس تثبت على كلامك ينباع على 10 بسوق القرين وهذا فىة بخس لبضاعتى وكسر لحلالى بارك الله فيك
وعموما يا اخوى حصل خير والى تامر فية انا حاضر وماعندى الا حلالك وبخصوص الكشاف صدقنى فى انواع وايد واسعار متنوعة لكن الى عندى نوع ممتاز وغالى ولو يصير ب 11 دينار ما رديتك يا الغالى لكن السموحة
وانما الاعمال بالنيات وانت مبين من ردك نيتك صافية
فمان الله يا اخوى