الاخ المستشار عوض المطيري الاخ رحالي الاخت فيونه وباقي الاخوان

[dehani]

انا دخلت على قاضي التنفيذ وسألته هل يحق للبنك انه يخصم 850 دينار من راتبي الـ 970 دينار حتى لو علي تأخيرات قال لي بالحرف الواحد مايحق لهم انهم يخصمون اكثر من 50 % من الراتب حتى لو عليك تاخيرات كثر شعر راسك روح اشتك عليهم بالبنك المركزي واذا البنك المركزي ماسوالك شي تعال عندنا وارفع عليهم قضيه وفعلا انا رحت البنك المركزي واشتكيت عليهم وعطوني نسخه من الشكوى وبعد مده اتصل البنك المركزي علي وبلغني شفويا وقالولي ماراح نسوي لك اي اجراء ضد بنكك لانه احنا استفسرنا من البنك وردو علينا انه عليك تاخيرات واهمه لما نزلت الفايده نزلولك من الدفعه الاخير مالت القرض قلت للبنك المركزي اصلا انا لما انتو نزلتو الفايده اراجع البنك البنك يقول لي ماراح نسوي لك اي شي ........
فيدوني ..........

 

[fayoona74]

ارفع قضية عليهم ومحور قضيتك تكون ان البنك حصل مديونيته من الراتب بما يفوق ربعه
بمعنى انك تثبت جدام القاضي ان المبالغ اللي انخصمت كانت من الرواتب وبنسبة تجاوز الحد المسموح به قانونا
لكن نتيجة القضية مو مضمونه احتمال خسارتك فيها كبيرة لان مرة استاذنا الفاضل رحالي شرح شغلة حلوة ماتذكرها ان من ينزل الراتب يعتبرونه البنك مو راتب كذمة مالية للمدين شي جذي
الموضوع يحتاج اثبات ان المبالغ رواتب هذي كل القصة

 

[khaled_y]

انا اعتقد ان يحق للبنك ان يخصم 850 دينار من راتبك الـ 970 دينار ..ومانصحك في رفع قضية لانك انت الي اخليت والعقد الي موقع عليه انت في حالة الاخلال منك يحق للبنك المطالبة بكامل مبلغ المديونية ...كلامك صحيح مايقدر البنك يخصم المبلغ فوق 50% من الراتب شهريا اذا انت تدفع اقساطك بدون تاخير ..لكن انت تاخرت وهذا اخلال ..والله اعلم