السلام عليكم ورحمة الله وبركاته
اليوم حابه اتكلم عن فئة في المجتمع , مستواها التعليمي كشهادة , جدا عالي وبعضهم حاصل على الماجستير والدكتوراه
لكن , كمستوى فكري وثقافي في التخصص اللي هم بالاساس متخصصين فيه يساوي 0%
للأسف , شهادتهم بفلووس ولكن العلم هل هو بفلوس ايضا؟ لا طبعا
لأن الله سبحانه وتعالى قال: ( قل هل يستوي الذين يعلمون والذين لا يعلمون) ( من سورةالزمر)
مشكلة في زمن صارت الشهادة فيه بفلوس, للأسف ان هالفئة تمسك مناصب كبيرة بالبلد
اذا هم بالاساس ماتعبوا في الحصول على شهادتهم , هل تعتقدون انهم على كفاءة في التعب علشان ديرتهم؟
احب اعطيكم مثال بخصوص هالشغله
بنت خالتي مسؤوولة في البنك الصناعي, والبنت ما شاء الله كفاءة , المهم كان عندهم شخص يشتغل في المخازن, وهالريال مايعرف كوعه من بوعه وشهادته هي الثانوية , تقول سبحان الله بقدرة قادر الريال صار عنده دكتوراه وحطووه بمنصب كبير بالبنك! وهالدكتوراه حصلها في 3 اشهر بس
الكلام اللي احب اوصله إن هالشخص اخذ مكان مايستحقه , وفي من يستحق هالمكان اكثر منه, وهذا حال هالفئة في البلد, تاخذ مكان هي بالاساس ماتستحقه وهالشي يعتبر ظلم
النقاش مفتوح
mngooool