عندي 17 الف دينار وابي مشروع بالحلال

[&!الحشيم!&]

السلام عليكم عندي 17 الف دينار وابي مشروع بالحلال جزاكم الله كل خير
والرجاء محد يبخل علي لان عندي دين وكاسر ظهري
تكفووووووووون شورو علي تكفون

 

[بدون مجامله]

ياغالي انت شنو تبي بالضبط اسهم او شي ثاني من اجل نساعدك

 

[&!الحشيم!&]

اخوي مو اسهم ابي اي شي استثمر فيه
انا فكرت بمحل صالون نسائي وهذا يبيله عماله ورخصه وانا ماعندي
وفكرت اشتري محل واجره
راسي انفجر مليت

 

[&!الحشيم!&]

اخوي بالخاص هههههههههههههههههههههه
والله ضحكتني

 

[TNT_q8]

انا اشووري عليك وانصحك دام انك مالك بالاسهم وتعبهاا وتبي تستثمر

انا من رأيي انك تشوفلك منطقه توها جديده ومافيها مصبغه وتعب عليها بالعمال لان صرااحه المصبغه افضل مشرووع للناس الي على قدهم وانا لو مكانك كان فتحت هالمشرووع من زمان وشووف رأأي الاخواان يمكن يفيدونك اكثر

تحيااااااااااااتي

 

[* مواطن *]

حطها وديعه وريح بالك لا محل ولا اقامات ولا عوار راس وافتك من صالون نسائى نصيحه لوجه الله

 

[&!الحشيم!&]

حطها وديعه وريح بالك لا محل ولا اقامات ولا عوار راس وافتك من صالون نسائى نصيحه لوجه الله

يعني لو احطها وديعه كل سنه بيعطوني عليها 400 دينار وادفع عليها صدقه 1000 دينار
هم بعد الشغل عباده احسن ماامد ايدي لحد علي دين ولزم اسدده

 

[&!الحشيم!&]

شورو علي الله لايهينكم

 

[نوط بو ربع]

شورو علي الله لايهينكم

عزة الله نصحك اللي قالك مصبغه بمنطقه جديده .

 

[moussaed80]

السلام عليكم يعطيكم العافه جميعن انا عندى مشروع بس يبى طولت بال وربح 1000/100 انا اخوك مساعد

 

[general]

اخوي صاحب الموضوع انت طالب مشروع حلال وبنفس الوقت حاط ببالك صالون نسائي وللعلم صالون نسائي فلوسه مشكوك فيها , اما من ناحيه مشروع ناجح ما انصحك تدخل مشروع له كيان تجاري ومجابل , لأنك راح تطير فلوسك خلال 4 اشهر , الافضل تشوف مشروع ثابت وله دخل ثابت مثل شراء نص جاخور وتقسيمه 4 متر × 4 متر = وتأجر الحوطه لأصحاب الاغنام
يعني تقريبا يطلع لك اكثر من 30 حوطه (بو 16 متر مربع) وتأجر الحوطه الوحده 25 دينار
25 دينار × 30 حوطه = 750 دينار صافي بجيبك
والله يوفقك

 

[&!الحشيم!&]

اخوي صاحب الموضوع انت طالب مشروع حلال وبنفس الوقت حاط ببالك صالون نسائي وللعلم صالون نسائي فلوسه مشكوك فيها , اما من ناحيه مشروع ناجح ما انصحك تدخل مشروع له كيان تجاري ومجابل , لأنك راح تطير فلوسك خلال 4 اشهر , الافضل تشوف مشروع ثابت وله دخل ثابت مثل شراء نص جاخور وتقسيمه 4 متر × 4 متر = وتأجر الحوطه لأصحاب الاغنام
يعني تقريبا يطلع لك اكثر من 30 حوطه (بو 16 متر مربع) وتأجر الحوطه الوحده 25 دينار
25 دينار × 30 حوطه = 750 دينار صافي بجيبك
والله يوفقك

ابو عقيل ياحلوك وياااااااااااااااااااحلو افكارك والله قريت اكثر من موضوع لك وعساك علي القوه وعساك دايم بخير وطيب يالغالي انا الود ودي اسوي اللي قلت عليه وفكره حلوووه بس المشكله ان اغلب اللي تبي تتعامل معاهم كبار السن يعني راح يجيلك شايب ويطوف الاجار تروح تناشبه بيفضحك بيقول داق علي علشان 25 دينار والله بيكسر فيني
دور لي فكره مثلها ويكون احسن عسى الله يواليك العافيه يااااااااارب
لا تخليني يالغاي دور لي مشروع

 

[&!الحشيم!&]

السلام عليكم يعطيكم العافه جميعن انا عندى مشروع بس يبى طولت بال وربح 1000/100 انا اخوك مساعد

اخوي الله يعطيك العافيه ممكن تقول لي شنو المشروع وبالي يريحك بالعام او بالخاص
وشكرك علي اهتمامك

 

[&!الحشيم!&]

انا اشووري عليك وانصحك دام انك مالك بالاسهم وتعبهاا وتبي تستثمر

انا من رأيي انك تشوفلك منطقه توها جديده ومافيها مصبغه وتعب عليها بالعمال لان صرااحه المصبغه افضل مشرووع للناس الي على قدهم وانا لو مكانك كان فتحت هالمشرووع من زمان وشووف رأأي الاخواان يمكن يفيدونك اكثر

تحيااااااااااااتي

صراحه ودي بس المشكله منو يعطيني موقع للاجار ولا بعد اجارهم يكسر الظهر يعني مكان ضيق وصغير وموقعه مو شي يقولك طالب فيه 400 والله خساره ولا جاره يقول عندي حريم وين تخلي الزباين واقفين عندي يقطعون الارزاق وحسد وتمر عليه بعد شهر تلاقيه فاتح مصبغه ترى صارت مع واحد من الربع

 

[general]

الشايب الي مابعطيك الايجار تعرض اغنامه للبيع وتخليه بالقبر )))
خل افكر لك بمشروع وعلى هداوه اعرضه عليك

 

[بو جابر]

فكر بصالون حلاقه رجالي بس أتعب على الموقع والمعلم وأحسن شي الاتراك شغلهم نظيف وزين مشروع ناجح بس يبيلك موقع زين وحلاقين ممتازين زباينهم تلحقهم

والقهاوي بعد مايبيله شغلهم ماشي بالديره بس أركز ثاني مره أتعب على الموقع والمعلمين والتوفيق من الله والله يوفقك

 

[louzany]

والله فيه مشاريع وايد وايد واذا تبي تحطهم عند واحد ويعطيك ضمان مثل بسنه يعطيك 20 الا 30 بالاميه من راس المال ونت مرتاح موجود بس لاتعب روحك ولا شي ولمبلغ محفوض وكافة الضمانات

 

[airport]

السلام عليكم انا اقترح تفتح لك صالون رجالي والله مشروع ناجح وانت ملاحظ هذا الشي جدام عينك لما تروح الحلاق
ومايحتاج تستخدم فلوسك كلها يعني لو في خساره الله لايقول الا انت محافظ على باقي فلوسك تقدر تعوض فيهم خسارتك الله لا يجيب الخساره

 

[&!الحشيم!&]

الشايب الي مابعطيك الايجار تعرض اغنامه للبيع وتخليه بالقبر )))
خل افكر لك بمشروع وعلى هداوه اعرضه عليك

تكفى ياخوي لا تقول جذي الشياب هم تاج روسنا
هههههههههههه ياحليلهم الشياب ياعل ربي يعطيهم الصحه والعافيه

 

[Low Fat]

السلام عليكم

الله يبارك لك فيهم

1 خياط رجالي راس ماله مكره وأبره

2 مشغل نسائي

3 تنكر ماي تعبي للجواخير متعبه بس فيها خير

4 محل بنشر وتغير زيت

5 كافتيريا في أحد المجمعات التجاريه

6 محل عصير

مشاريع كثيره سم بالله وأستخر واللي تشوف نفسك انك تقدر تنجح فيه
أتعب ع الموقع وصب جل اهتمامك عليه ((وفي السماء رزقكم وماتوعدون))

والله يرزقك ويوفقك ​